Monthly Archives: October 2009

浮氣物證?

又係一年一度買年暦嘅時候啦!!我買日本年暦都好多年啦,每年到咗10月,就會買。日本年暦唔算太貴,一般2500yen(約180元)以下就有交易。用一年,其實都可以接受架!

今日下午收到由日本寄黎嘅包裹!

呵呵呵,除咗年暦,仲順手買咗兩隻CD!睇咗主角嘅年暦先啦!

咦?!今年… 同上年好似有d分別咁喎!!點解唔係寫「モーニング娘。」嘅?
係… 無錯。我自首啦。今年我係無買到mo娘嘅年暦… Instead… 我選擇咗購入Acchan嘅。我恨咗單人年暦好耐… 因為咁樣先可以每個月見到自己鍾意果個人。組合式嘅,除非你真係全隊人每一個都鍾意,如果唔係唔多唔少有幾個月你係唔會睇。我以往就係咁。一個年暦,我只會睇最多三張。咁又何苦呢… 既然mo娘唔肯咁出,我唯有過檔選擇可以滿足到我要求嘅AKB48啦!

我知未到2010年呀!唔洗提我!
但係返到屋企已經忍唔住掛起咗個年暦。
唔緊要啦。未到,咪睇住封面先lor!

至於順便入咗手嘅兩隻CD,分別係AKB48最新細碟RIVER同埋上一隻言い訳MAYBE。RIVER响HMV度購入有相送!(可惜唔係Acchan)

講開RIVER,AKB48憑RIVER攞咗Oricon日本細碟榜第1名呀!仲係2009年全日本女歌手首週銷量之冠呀(一星期內賣咗17多萬隻)!恭喜恭喜!

改造編號:AKB482712MA

爆睡後嘅今日,體力上有所回復,但係精神反而散慢咗。其實呢個幾兩個星期,我將我自己同埋我兩部電腦嘅機能谷到極限。 首先講下我自己。我係一個都幾需要瞓覺嘅人。如果唔係會成日都覺得眼瞓。一般如果要返工,我都會响12點前瞓。但係呢兩個多星期,我無一日係12點之前瞓落床。而且由於精神太興奮,令到瞓咗落床都瞓唔著,閒閒地個幾兩個鐘。哈!但係可能精神太亢奮,又唔覺得係好辛苦喎。但係其實係攰嘅,個身體。最近幾日開始有d病徵出現,暗示俾我聽要休息啦。right!所以我琴晚特登早咗瞓。12點爆睡至今朝11點半。嘩,都好耐無瞓到咁晏。 至於電腦。佢地兩個呢排不停後我down野。不過唔係日夜不停~ 自從我戒咗開住電腦瞓之後,我d電腦係唔會開過夜嘅。不過,我真係好耐無咁樣down野法lor。只要我係醒嘅,我兩部腦就响度為我服務。MAC機係我日用同埋down d佢個以handle嘅野。其他MAC不能嘅download方法(例如gogobox, rayfile)果d呢,就靠晒個netbook架啦。 咁究竟我响度down咩呢?呢個問題就同個title有好大好大嘅關係。 改造編號:AKB482712MA 呢個係我嘅改造編號。編號係由組織名,我嘅身份認證編號同改造擔當者嘅initial組成。無錯,我已經被徹底地腦改造。我個腦入面非必要嘅記憶都已經入晒資料回收筒。開心嘅野入咗zip,唔開心嘅野delete咗。知識上嘅野變晒system files!但係最重要係咩呢?就係修正咗一d好重要嘅感知錯誤同清除咗惡質病毒。呢d感知錯誤令到我以往覺得d唔正嘅野好正,同埋block咗一d真正值得去睇嘅野。經過修正之後,感知系統已經正常返。之前嘅錯誤估計係由於長期無更新所致,亦有可能係惡質病毒引發嘅強制更新不能。由於改造內容太多,不能响呢度盡錄。總之就係改造咗啦。重複一次,我嘅新編號就係:AKB482712MA Continue Reading

第一回合:RIVER vs. 気まぐれプリンセス

完全放手狀態。無錯。上個星期嘅呢個時候,我仲响度掙扎緊睇唔睇劇集以外嘅Acchan,一個星期後嘅今日,我唔單只睇咗,而且仲開始對其他某幾個AKB48嘅成員產生興趣。唔,自覺事態越來越嚴重啦… 不過都話咗放手,就放啦! 算啦,回正題。今日想比較一下,RIVER同気まぐれプリンセス。其實本來都唔係話玩野專登要佢地鬥,但係好衰唔衰,佢地推出嘅日期只相隔一個星期(21號同28號)。嘻嘻,如果出埋同一日仲好玩…! AKB48嘅RIVER出先,Mo娘嘅気まぐれプリンセス出後。 首先講下隻歌。 AKB48嘅RIVER係一隻好型嘅勵志歌。 係叫人努力追尋夢想,唔好放棄嘅歌。歌入面嘅RIVER就係話,要越過眼前嘅呢條又深水流又急嘅河,先可以去到對岸嘅夢想。 Mo娘首気まぐれプリンセス係一首無乜內容嘅情歌,只係強調今次嘅內容係有d “色”,同埋要留意屁股。 首歌一開始用特效聲,可以話特別,可以話奇怪。本人唔係咁好嘅呢樣,因為我鍾意聽嘅係愛妹把聲,唔係卡通咁嘅聲。 再來睇下大家嘅PV。 RIVER嘅PV好大陣象咁又上天又下海。個個著晒軍裝,又出飛機,又森林… 真係乜都出齊。其實好老實咁講一句,我睇咗AKB48幾個較近期嘅PV,個個都做得好盛大。無計,人地人多錢多sponser多,想點搞就點搞。 相比起黎,Mo娘方面貫徹佢cheap雞PV嘅風格,今次個PV都係俾人budget有限嘅感覺。一套衫一首歌已經唔係咩出奇事。基本上佢地而家似乎係afford唔起多過一set衫。無外景都已經係定律。個個PV都係咁上下,三個shot:dance shot, close-up, group shot。其實睇慣咗真係無乜野。睇人啫都係。只要唔好接觸到其他人嘅PV無比較就唔會出事。又不能怪佢地嘅。出咗成40幾個PV,仲想要咩新意?今次呢個算係咁架啦,加咗d特效火。 Mo娘隻碟未出,我唔知佢地成績會如何。估計如無強敵,都可以順利攞到第一。AKB48嘅賣碟方面都仲未係Mo娘敵手住~! 由於我而家嘅身份唔係咁適合做結論… 所以第一回合玩到呢度!第二回合再見! Continue Reading

報應?(笑)

今日朝到好地地… 唔知點解,中午返屋企嘅時候發現,用咗只有一年多嘅SONY headphone究竟壞咗!右邊完全無聲! 我認我最近係不停咁聽AKB48… 琴日整咗隻新歌RIVER入個IPhone度諗住今日聽,就出咗事。死啦,唔通係報應?(笑) No~ 可能係Acchan想我用正d嘅headphone聽佢唱歌呢!既然壞咗,就大條道理買新啦。哈哈。 其實睇中咗一對headphone好耐,但係因為比較貴,所以一直都無買到。而家係時機啦! 放咗工去買咗一直好想好想買嘅Ultimate Ear系列耳機。太高級就唔洗啦,太低又唔好,中中地買咗SuperFi 5。 响網上睇d人話呢隻headphone要煲,所以而家不停播放中!期待聽朝用黎聽RIVER! Continue Reading

浮氣疑惑

睇日劇成為咗我近排每日嘅指定動作. 雖然一路以來都在追日劇. 台劇韓劇中國劇唔會睇, 港劇好少睇, 所以我幾乎唯一睇嘅劇就只有日劇. 好好彩最近年每一季都有d自己鍾意嘅, 追得下去嘅. 今年都睇咗一堆, 但係其實多數都無印象. 秋季日劇已經準備出動(有幾套已經出咗!), 夏季劇我開始睇咗好多套, 但係追到尾嘅好似只有兩套…!! 瀧澤秀明+錦戶亮嘅雙頭犬令好多人好大期待, 我都以為會好好睇, 但係睇到第三集都開始想瞓 吸血鬼男孩睇睇下又好鬼悶… 女僕刑警更加係… 夏季劇睇得完嘅果兩套就係零秒出手同救命病棟4. 好多謝零秒出手令我鍾意咗做山下智久個妹嘅大政絢! 因為鍾意咗大政絢, 所以走咗去睇我的帥管家(メイちゃんの執事)同埋之前download咗但係無睇嘅太陽與海的教室… 睇我的帥管家都仲ok, 點知一睇太陽與海的教室就出咗事… 事源係我睇太陽與海的教室除咗睇北乃きい同大政絢之外, 我發現咗一個坐角落頭, 長頭髮幾可愛嘅女仔. 個角色名叫船木真由. 佢又好棧鬼架喎, 上堂成日瞓覺, 仲要戴埋眼罩架喎! 又成日講外星人呀UFO呀咁. 一個非常不可思議嘅小妹妹. 就係咁, 我就發現自己不知不覺間對佢有咗興趣… 通常我都係咁, 睇劇好多時候都係要睇人. 因為鍾意一個演員而睇一套劇, 响果個劇入面又揀另一個鍾意嘅演員(有可能揀唔到架喎), 再去搵果個新演員嘅劇黎睇… 咁先可以做到長睇長有嘅效果!! 咁我照我嘅一貫作風, 响太陽與海入面揀咗呢個女仔, 諗住睇完太陽與海就到睇佢d劇… 殊不知這個原來有一切煩惱嘅開始!! 原因係, 呢個女仔除咗係演員之外, 仲有一個身份… 唉~ 其實見佢果時都覺得佢熟口熟面架啦… 但係一時又諗唔到响邊度見過佢喎. 睇咗幾集太陽與海的教室, check到佢叫前田敦子. 見到個名, 更加覺得熟… 究意响邊得見過呢…? 係啦係啦!!… Continue Reading

反斗大魔王

上個月中接咗隻反斗小吉返屋企,佢真係又八卦,又大膽,反斗到通處跳通處走,好鬼搞笑。 雖然屋企養咗貓都有兩年,但係我一直都唔係話咁鍾意貓貓。不過小吉真係令我對貓貓好感大增!佢真係好可愛! Continue Reading

劇haro6

我有生以來第一件Hello! Project嘅綠色T-shirt!(相中人係本蝠!) Morning娘入面,綠色係副隊長新垣里沙嘅顏色。雖然唔係講唔鍾意佢,但係都唔係鍾意到會買佢件T-shirt。所以一直都只係買愛妹嘅黃色同靚妹Reina嘅藍色。 咁呢件係咩黎呢?呢件唔係Morning娘架!呢件係C-ute嘅。(C-ute係Morning娘嘅師妹,可以話係同Berryz工房同期,又可以話佢地唔係同期。故事太長,後話。)C-ute入面嘅綠色擔當係邊個呢?估唔估到??呵呵呵,答案係!!鈴木愛理! 係咪想講,點解佢個樣咁惡呢?哈!其實佢做緊舞台劇,而呢個樣講緊嘅對白就係我件T-shirt背上印住果句野啦! 間違ってるかどうかなんて、やってみなきゃわかんないでしょ? 呢句野個意思係, 件事係咪錯,你唔做過又點知呢? 如果要講點解佢會講呢句野,就係成個舞台劇嘅內容講一次…因為時間關係(?)响呢度就唔講啦。(喂 不過睇完呢個舞台劇嘅DVD,我先發現我之前低估咗愛理响我個idol ranking入面嘅地位!原來我真係幾鍾意佢~!! Continue Reading