Monthly Archives: September 2009

浮游幽靈事件

一本二百幾頁嘅小說,我竟然用咗近兩個月先睇完。
當然,途中停咗無睇,最近先睇返。

我一向係藍秀朗嘅書迷。
佢一出書我就會睇。無論係小說定係散文。其中一個原因係,佢都係日本通,更加擁有日本語一級程度。佢响佢嘅小說入面,有時會用到一d(我覺得)比較日文向嘅中文。因為我自己寫作都會用到呢d有少少偏向嘅中文,所以我幾鍾意睇佢簡潔嘅文筆。呢個係我睇佢嘅小說嘅最大原因。我想要偷師!哈哈。

至於故事方面,我由佢以前嘅作品到新作都有睇。舊作品比較簡單,比較少年向。最近幾本作品比較複雜,伏線位比較多,我個人就比較鍾意。藍秀朗的作品我覺得一向有一個特點(?)就係佢嘅結局多數比較出人意表。有d直頭係出奇。你唔好理佢好唔好睇,make唔make sense,總之你就係估佢唔到。同埋佢結局收尾比較急。好多好多問題都會响最最最後兩三頁解決掉。

不過本蝠覺得,藍秀朗嘅小說作品最大嘅問題係佢唔夠吸引。你打開本書去睇,你係可以隨時放低,而唔會覺得可惜或者唔會有好想追落去嘅感覺。你可以隨手攞起,睇兩頁,又隨手放返低佢,隔好好好耐唔睇都得。睇書唔係應該係會想不停追落去架咩?睇到好攰,都依然想睇。就算攰到要瞓,瞓醒第一件事應該又要係諗起本書好想繼續睇。藍秀朗d小說好像永遠都欠缺咗呢樣野。

DS大更新!

無正式搞過部DS幾個月,今日見到隻想玩嘅GAME所以又出動。估唔到會有咁多新野!遊戲多新就梗架啦~!除咗遊戲,今次仲有驚喜喎! 首先!R4系統更新!我諗好多人都好似我咁,鍾意試過d game先考慮買唔買。R4系統更新由08年4月咁上下更新停止之後,包括我在內嘅R4用戶一直都煩緊以後點算。事關新遊戲大部份都唔支援。本蝠有諗過買過一張燒錄卡,但係以環保立場同經濟立場上,呢個都唔係一個正確嘅做法。所以一直都無買過。不枉我等咗咁耐,R4終於有系統更新啦!暫時最新版本係v1.23。我啱啱已經試過,好正常,完全無問題!支援遊戲到3940! 官網:http://www.r4li.com/r4-download.htm下載:(英文版)http://www.sendspace.com/file/7od5pw 再來就係牧場物語之風之市場嘅漢化版終於發佈!本蝠日文程度不錯,所以日文版出嘅時候已經玩緊。但係自己一個玩始終有d寂寞,想同朋友同事分享,大家都係一句:「日文點玩呀?你識我唔識喎!」。咁又係嘅…所以我一直都有留意漢化的動向,諗住一有就介紹俾身邊的親朋好友玩!而家有啦,出咗啦! 繁體中文版下載:http://www.sendspace.com/file/n5i778 最後就係Love Plus!呢隻就係上面我話要玩嘅遊戲啦。一隻玩上手有d似心跳回憶嘅遊戲。我最鍾意就係玩呢d唔多刺激嘅遊戲!當然,呢個遊戲係全日文啦!有興趣又識日文嘅朋友仔,可以考慮下玩呢個喎! 噢!最後好順手咁發佈一個遊戲,佢叫做:斯隆與馬克貝爾的謎之物語 2其實呢個遊戲好多地方都有試玩下載,但係因為佢係新遊戲啦,大部份燒錄卡都係玩唔到嘅。內地網站有補丁下載,打咗補丁就可以玩。以下發佈嘅係已經打咗補丁嘅方便版,懶鬼們,自便吧。http://www.sendspace.com/file/lpxtn2 Today’s 一誌一句:世間以五欲六塵為樂,達人以禪悅法喜為真。世間以立德立功為務,達人以證悟般若為要。(出自:星雲法師@佛光菜根譚﹣寶典)阿彌陀佛! Continue Reading

史迪布

布施時裝表演第二回現在開始。今次同大家介紹嘅係,史迪仔背心! 呢件背心嘅物料,輕身,透氣!正!不過,夏天著依然係熱…都係等秋天先啦~! 哈哈! Continue Reading

怪獸

託朋友仔响網上買咗件衫仔俾布施。雖然件野好厚,天氣又熱死辣辣,但係都忍唔住要佢著黎試下。唯有開行冷氣啦! 睇下佢,係咪好搞笑呢!呢個係怪獸布施。但係買呢件野俾佢嘅最大原因,其實係我自己都有件咁嘅野…相似程度有90%!!大家睇下: 期待冬天嘅來臨…我要同布施孖住做怪獸!! Continue Reading

時代

最近一直响度忙嘅事已經ok搞掂晒。好耐無好開懷咁响間房入面唱歌,今晚咁高興,一於就搵隻碟唱下。突然之間記得,早前入手咗一隻SPEED嘅大碟都未聽,於是就攞佢出黎唱下。哈!最估唔到係,我竟然記得大部份歌詞!講真,Morning娘。d歌我有好多都唔記得d歌詞,估唔到n年前嘅SPEED嘅歌嘅歌詞我竟然會記得。當年用咁嘅日文程度記嘅歌詞返而記得咁熟。哈,當年果然無咁多歌聽。 不如講下隻碟。呢隻聞說係將SPEED以前d歌Rearrange再重唱。 SPEEDLAND – The Premium Best ReTracks.聽後感呀…? 其實都無乜。咪又係咁。係d歌有少少唔同咗,但係咪又係果d歌。好一隻呃錢嘅碟。唯一好處係,SPEED所有hit歌都响晒一隻碟度,要聽唔洗四圍搵lor。 好耐無聽過White Love同Alive,聽緊嘅時候腦入面浮現咗中學果時嘅記憶。不過雖說當年最愛係SPEED,但係同而家我鐘意愛妹嘅程度真係差好遠。如果而家我係「鍾意」愛妹,當年SPEED對我黎講,可能只係一班路人。 SPEED嘅一隻碟銷量只係一般。佢地唔係以為,佢地有當時咁勁呀?講真,佢地選擇响佢地事業嘅高峰解散,本來係一種幾好嘅「完結」方式。因為人地一諗起SPEED,就會記得佢地好勁,好紅。但係最衰嘅決定就係復出。佢地唔係以為,佢地d fans會等佢地呀嘛?咁天真?而家人人都覺得,佢地復出之後麻麻地嘅成績。 時代唔同咗啦,用十幾時前果套唔得架啦! Continue Reading