Monthly Archives: July 2009

可愛的下雨天

今日下晝5鐘幾開始落雨!又有風打到黎啦。落雨打風其實我都enjoy!不過應該會有好多人因為打風而煩惱,所以其實真係唔應該鐘意打風… But,佢要打到黎都無計!惟有enjoy吓啦。 落雨天嘅今日我嘅節目就係去剪頭髮同睇鐵打。 剪頭髮果方面真係無乜好講,剪咗同無剪分別真係唔大。反而鐵打方面,就有下文… 話說其實已經睇咗好多次,但係都仲痛咗,所以今日就特別睇下究竟咩事啦。研究得出黎嘅結論… 竟然係傷咗骨膜(其實骨膜係乜我都唔係咁知)。吓?咁嚴重?聽聞唔理佢可能會搞到發炎喎… OH~ MY~ GOD~! 呢種受傷嘅方法﹠理由呢世都唔會再發生。應該係話,我唔會俾佢再發生。但係估唔到最後一次搞到咁大鑊… 哈。我明啦。因為知道係最後一次,所以要好好折磨下我。算吧。好彩嘅係,只係肉體上嘅痛… 荷包唔痛。有M7真好! 頭先去咗八佰伴食飯,竟然俾我撞到做緊高達展。雙眼即刻發晒光。唉,又買到野添!買咗隻好cute嘅haro仔呀! 價值99.9大元嘅haro仔雜物箱!(應該可以當垃圾筒用… 哈哈)個高達展做到7月28號架! Continue Reading

又一week~!

又一個week啦!時間過得真係好快!不過今個week好似做咗好多野咁,好充實。好多人都話開心嘅時間會過得好快。日子越充實,就越覺得眨下眼時間就過去。咦,但係我又好似有d唔同喎!好開心,好充實嘅日子,因為會俾到好多回憶同埋意義我,所以我反而會覺得時間過得慢咗。呢種感覺好難形容。明白的人相信會明架啦! 好,轉話題!今個星期一本來就要去鐵打醫師度覆診,但係我竟然唔記得咗。我果然對自己嘅事一d都唔上心(汗)。星期四去睇返,星期六再睇。搞錯!睇埋星期六就睇咗四次啦!都仲未好得返。一日都係自己衰。唉。衝動實在係太危險啦! next,又轉話題!某日,我睇睇下日本電視節目,走咗去toilet。返到黎,就見到有條友仔覇咗我個位黎睇電視…(間房係極亂,淨係睇隻狗好啦!) 你睇佢嘆到?我入黎佢都費事理我。 你以為係角度問題影到佢好似睇電視咁?非也… 佢真係睇架… by the way, 呢條友仔個名叫布施… Continue Reading

Day after Cow-One

本蝠Cow One後一天, 就係Sayu嘅生日啦~!!我7月12, 佢7月13… 想唔記得都唔得啦~ 15號仲有Koharu, 不過隔咗幾日, 有藉口唔記得~ 哈哈. 雖然我唔知幾多年前開始, 就對生日呀, 聖誕呀, 呢d咁嘅特別日子有抗拒. 好鬼乞人憎架! 實無人記得架喎! 真係慘. 不過今年似乎有d例外…! 一個估都估唔到會記得我生日嘅, 竟然係第一個出現喎! 邊個?? 唔係愛妹~!! 係愛妹我就暈咗啦, 仲得閒寫blog咩!! 其實係一個住响澳洲, 我覺得佢幾無心肝嘅朋友仔R小姐啫(唔係Reina~哈).超surprise lor, 收到佢個email嘅時候!! 呵呵~! 佢又無我facebook, 又無上msn… 所以我當佢真係記得~! 嘩~ 原來呢, 就算身邊無一個人記得(屋企人除外啦), 無一個人care, 响地球嘅另一邊, 仲有一個人會記得我牛一喎!! 多謝你呀R小姐!! 你個千字文email我過幾日會回你架啦(可惜佢唔識睇中文~ 我响度寫佢都唔會睇到…) 好啦, 我就告一段落…~ 今日嘅主角係Pinky公主~! (Pinky = Sayu呀! 理由唔講啦, 總之我就係咁叫佢啦~) 1989年7月13號出世嘅Pinky… 咦!!!!!!!!! 20歲?!?! 不會吧! (<- 呢三個字請用普通話讀出)原來唔經唔覺… Pinky已經大個女…!… Continue Reading

月暦~♪

不知不覺又到夏天。5,6月都唔記得揭個月暦,咁就到7,8月。7,8月呢頁,感覺幾清涼~~!起碼可以令可惡嘅夏天無咁乞我憎… 哈。 用咗半年先發現,今年個月暦有記載到member嘅生日!又幾特別喎! Continue Reading

音符與昆布

今日一起身就超~~~~ 攰. 原因係尋晚入手咗套日本電影, 明知夜都忍唔住開黎睇下(不過結果都係睇唔晒就瞓咗). 就係以下呢套! 戲名叫 – “音符與昆布”. 主演係池脇千鶴同市川由衣. 我對市川由衣有情意結(笑), 雖然唔可以話係鐘意佢, 但係我睇完死魂曲(forbidden siren)之後, 都幾想睇佢做戲.(下圖係死魂曲) 講返音符與昆布。睇咗小小, 就即將感受到豬豬字幕組嘅偉大. 世界上原來真係有超級亂黎嘅字幕組 (其實叫創作組可能比較適合). 我懷疑做翻譯果條友有無日能試三級程度. 如果我譯咗編咁嘅野, 我一定唔敢credit自己… Anyway, 音符與昆布係一套… 頗悶嘅電影… 雖然我幾鐘意, 不過就唔會介紹人睇咁lor… 講完死魂曲, 有d想翻睇添! 好! 一於而家睇!! Continue Reading