Monthly Archives: June 2009

MyRoom@NewZealand

早幾日執下幾個外置harddisk的files,
竟然俾我發現咗幾張以為無留底嘅相!!

Yeah!歡迎來到本人當年响紐西蘭嘅房間!
係咪都… 幾豐富下呢?
牆上面所有相都帶咗返黎澳門架!
不過已經無貼上牆lu~
而家間房嘅牆上面,只有幾張poster咋~

雨♪雨♪雨♪

今日落好大好大好大雨。仲要唔係落一陣停一陣。一直落,一直落。落咗成個下晝,而家仲落緊。 但係對於好憎陽光﹠極度偏愛落雨的我黎講,今日係好日!!响無遮的情況下,走咗出街。 yes。係我低估咗個天。由栢惠行到幸運閣已經無辦法再行。等咗10幾分鐘,雨細咗,就跑回栢惠問媽咪借遮。 行返屋企途中,因為有遮而無得玩水,心心不忿,於是返到屋企,就走上天台玩水~~(有擔遮架!) 當然,只有我有得玩。布施就要乖乖地留在安全地方。因為… 主人唔想同佢吹毛… yeah!濕晒! 唔鐘意雨天嘅朋友,可能換個角度睇雨天,你都會愛上佢。 Continue Reading

自我保護意識

每一日本來應該好開心好開心嘅, 但係近呢個星期,竟然發現自己極度之情緒化。 我諗我真係俾之前一件事嚇驚咗。 最近我發現原來自己唔係好敢同人深交。 以往我唔鐘意團體生活。 一大班人嘅活動我係好唔鐘意更加避免參加。 我鐘意處於一個或兩個人嘅小圈子入面。 但係原來我自己改變咗自己都唔知。 而家嘅我反而係公司同事大班人一齊玩一齊笑, 安樂過小圈子… 因為大班人入面,唔會有深交。 大家你串下我,我串下你, 唔洗講自己,唔洗俾人認識, 可以嘻嘻哈哈玩一輪,吹一輪水。 之後大家都唔會將事情放响心上。 由於唔洗深交, 直到早一排,响公司都覺得好舒服好安全。 小圈子係要交心。最少,都要講下自己。 之前都唔知,原來自己重傷過。 嚇怕了,唔敢同人交心。 咩事? 其實係大約兩年前, 曾經有一個以為同佢好好嘅朋友(R小姐), 係一夜之間無端端從我嘅世界消失咗。 根本無預兆。 之前話咩有事搵佢呀, 有唔開心要同佢講呀, 佢會永遠站响我果邊呀, 等等等等等嘅事, 都一下子消失唔見晒。 果一刻先知道,全部都係大話。 個人好似無晒support咁。 我表面上做到好似無乜野咁,但係其實係唔開心好無助。 之後開始嬲佢啦。因為自己無做錯吖嘛。 判我死刑之前,都麻煩話我知我犯咗咩罪吖。 但係嬲又點?佢知咩?佢唔online,我又吹佢唔脹。 sad完嬲完事隔半年, 以為自己無事,又重新做人。 搵返佢(都係我做主動email返佢),又好似無乜野咁用email來往。 真係真係以為自己咁叻無事。 但係我之前無發現(而家發覺咗) 我同佢嘅email入面, 已經幾乎唔會講私人野。 講嘅除咗愛妹,都係愛妹… 原來,事情無想像中咁簡單。 好耐無同人分享過自己嘅感覺, 無對象。有d野,對住屋企人都唔係好識得點講。 而家對象終於出現了, 先發現原來自己會驚。 竟然會覺得好不安。 好驚原來又係好似上次咁。 好驚又再信錯人。 同佢(新朋友)相處有好安心嘅感覺。 但可能有之前嘅陰影… 感覺越安心快樂,我過後就越驚。… Continue Reading

CUT DOWN

最近好努力好努力咁去cut down我每個月嘅基本洗費。好似website方面,我由每個月29美金嘅server,轉咗去每個月4美金嘅server,而且so far為止,感覺同之前嘅高成本server差唔多!哈。 CD,DVD都買少咗。以前好多Hello! Project組合都會買,但係而家只係會買Morning娘。精品都到咗飽和階段,已經唔係咁想買。相又儲到夠啦… 今日突然閃過一個念頭,就係不如我連Morning娘CD都唔好買,反之用果d錢去宣明會助養多一個小朋友,咁會唔會仲有意義d?會唔會變相我同愛妹都做咗好事?但係我咁會唔會變咗唔支持Morning娘,連fans都做唔成呢? 呢一個計劃,真係要好好考慮清楚。 Continue Reading

亂買野~

今日去咗知樂館攞訂咗嘅Q.E.D.証明終了漫畫,又唔小心中招,買咗d咁諗住要買嘅野。唉。次次都係咁。去到知樂館見到d日本野,就忍唔住手…右邊果兩本都算啦,真係睇得好開心。最最最最最無謂就係左邊本kindai。Berryz都買?Buono!就話啫…最慘就係Berryz入面最鐘意果個都站响後面,呢本幾咁無誠意,都買???唉!就係咁啱銀包有錢lor…算啦!一本半本……. Continue Reading

第二架完成!

尋晚終於砌完隻Kyrios Tran-Am Mode嘅HG。 砌HG嘅感覺真係唔多好。但係無奈呢隻暫時只有HG,而我又好鐘意呢隻,所以就買咗返黎砌。感想係,以後都係小砌HG為妙…. 但係其實1/144放公司枱係比較好… 1/100真係大咗d…Anyway,往後仲會繼續砌。アレルヤ嘅機多數已經入手… 但係由於砌來砌去都係咁上下(Kyrios同Arios其實都幾似…),所以下一部可能會砌我第二最愛,刹那果幾部! Continue Reading

唱到好似cd咁!

“唱到好似cd咁”… 究竟上面呢句句子, 如果用黎形容一個唱live嘅人, 係讚佢定係彈佢? 以前我覺得係讚. 我都用過呢句野, 讚過後藤真希唱live. 但係後來有個朋友(傳說中嘅R小姐)話: “唱到好似cd咁我洗乜聽佢唱live? 聽cd咁得lor!!” 咦, 又係喎… 唱live就係要有live嘅表現, 幾十場演唱會, 場場都似cd, 咁咪好悶lor? 即係融入唔到個氣氛啦? 之後, 我開始覺得呢句野唔係用黎讚人. 睇完Buono!個concert, 我更加咁覺得. 今朝返工前, 又睇咗個concert幾首歌. Buono!咁多歌入面, 有一首我超鐘意, 叫 “君がいれば”, 係佢地第一隻大碟入面第12首歌, 係一首慢歌. Buono! 兩個演唱會都有唱. 多數用於最後或尾二嘅ending song. 每次睇, 都令我諗起, “唱到好似cd咁” 呢句說話. 我諗起唔係因為佢地唱到好似cd咁, 而係佢地唔係唱到好似cd咁. 响最新個hybrid punch concert, 佢地三個都明顯地唱得好過cd. 把聲開咗, cd入面有d去唔到嘅音, 响呢個concert入面都去到. 而且好有感情. 我覺得咁樣, 絕對比 “唱到好似cd咁” 好. 就正如愛妹唱 “夢から醒めて”, 佢唱live從來唔會唱到好似cd咁. 因為每次移入嘅感情都唔同,… Continue Reading

Prove

上年我覺得最好睇嘅演唱會係Buono!嘅Buono! – FC live Rock’n Buono! 今年(so far)我覺得最好睇嘅演唱會,係Buono!嘅Buono! Live 2009 – Hybrid Punch Buono!嘅演唱會真係好正,佢地d歌又好好聽喎。 睇來睇去,最鐘意嘅成員原來都仲係miya。我06年尾真係好鐘意佢同Berryz。後來無咗稚氣嘅Berryz要由可愛型轉靚女型,又唔係個個成員都轉得咁好。所以就無再咁留意佢地。講真,miya有一期,我真係見到佢就火都黎埋。唔係話憎佢,但係見到佢就無名火起。其他Berryz就更不在話下。响呢度唔想指名道姓,因為唔想得罪其他fans,但係就有個別兩個係比較唔係咁鐘意。出d歌又………………於是,忍下心放棄咗Berryz。 事隔一年,真係好開心仲有Buono!。如果唔係,我真係會同miya脫節。隔咗一排無睇miya,見返佢,唔同咗。剪咗頭髮,個人清爽咗。無聽佢唱歌一排,好聽咗,把聲開咗。 哈,先發現自己原來都仲幾關心miya。佢prove到俾我睇佢係得嘅。我prove返俾佢睇我仲幾好proud of佢。 Continue Reading