Monthly Archives: March 2009

泣いちゃうかも(高橋愛Ver.)

Hello! Project真係有型。
有d野真係估佢唔到。

一首歌有四個唔同版本嘅PV,其實已經幾豪華(講得衰d就係無謂…)
今次最新果隻歌,竟然有13個版本。

1)正常版
2)跳舞版
3)Another版 A
4)Another版 B
5)高橋愛版
6)新垣里沙版
7)亀井絵里版
8)道重さゆみ版
9)田中れいな版
10)久住小春版
11)光井愛佳版
12)ジュンジュン版
13)リンリン版

我暫時只係睇咗7個版本,
第7,9,10,11,12,13都未睇。
講真,我真係無乜興趣睇…
不過隻碟擺咗响度,可能未來嘅日子會唔小心睇咗嘅…

好,俾大家睇下我會鐘意果個版本!
(怕睇女仔喊嘅人最好唔好睇…佢真係喊得好淒涼…)

豬頭布

今朝一起身,慣性地望下布施。 嘩!!你係乜水??布施變咗豬頭布。眼腫口腫。 雖然佢一樣食得玩得,不過真係腫得好嚴重,所以第一時間同佢去睇下醫生先。原來布施姐食物過敏。但係我都唔佢食咗d咩會咁。結果,我俾咗三百,佢就打咗支針。下晝見佢已經正常返。不過而家佢就有個新花名,叫豬女。 Continue Reading

一年合約?(笑)

最近真係好鐘意仙石。日睇夜睇,發夢都見到佢。早排同朋友打賭一個月,志在必得。哈哈。 今日心血來潮,想同仙石定一年合約。 呢份合約於即日生效,直到2010年4月30日(仙石19歲生日)。 合約期間內,本蝠將會履行以下七點。1)以最快時間,以任何方法入手有關仙石的唱片。2)以最快時間,以任何方法入手有關仙石的dvd。3)如仙石出個人寫真集,以最快速度售入十本。4)如仙石出個人dvd,以最快時間售入。5)支持仙石。6)支持及收聽仙石有份的電台節目。7)支持及收看仙石有份的電視節目。 合約期間內,仙石需要履行以下兩點。1)必須是一個或以上的H!P組合成員或獨本發展。2)暴光率一年不能少於五次。 如仙石不能履行,此合約會即時中止。不作另行通知。如本蝠不能履行,就算此合約到期,本蝠亦要售入十本寫真集。合約到期後,再討論會否續約及條件。任何方法包括購買及非購買。暴光率包括任何公開發售商品及演出。 以上。 Continue Reading

苦戰

好耐無提過學琴d野。其實我仲有學。 最近學咗周杰倫隻蒲公英的約定,但係因為老師要出門,所以今個星期無堂。我見悶悶地,就自己開始彈另一隻歌。 呢首歌超鐘意,但係開始咗先覺得,原來以我嘅程度,呢首歌好難彈… 所以狂mark notes…每晚努力中… Continue Reading

布施與觀光塔

今日天氣唔錯,唔太熱又無落雨,於是就同布施去咗行街街。基本上路線都係一樣,去南灣湖。因為屋企近。 每次都會同布施影相,但係其實南灣湖都影到悶… 不過今次有張影得幾型,所以就post上黎俾大家睇下。 係咪好有浪子feel呢? 預告:早一排影咗一輯好好笑嘅相。呢幾日內應該會post出黎。大家記得返黎睇呀! Continue Reading

奪命松鼠狗

唉~ 救命!! 係咪細狗仔全部都係咁架呢?? 我真係唔明.我屋企隻松鼠狗成6歲啦, 點解仲會成日亂搞野??? 今朝起身, 上到天台… 唔係掛??????????????????????? 又係Kammy姐嘅杰作. 6歲應該定啦, 點解仲係咁? 布施未夠1歲果時就已經好乖唔搞野唔咬野. 唔通細種狗都係咁?? 唉!! Continue Reading

意外x無限!!

意外x無限!!!!!! Berryz下一個出寫真集嘅竟然係…. 竟然係…. http://blog.television.co.jp/information/book/2009/03/maasa.html 唔係掛! 唔係掛!! 唔係掛!!!! 出佢不如幫仙石出啦~!!! 仙石出我買10本! 講真嘅!! Continue Reading

打賭

話說最近同朋友傾計嘅時候,話題總係被我連到去仙石身上。無計,近幾日無論係返工定放工,瞓覺沖涼定係食飯都係諗住佢。今年開放期,似乎終於定咗一個方向。因為一般黎講,開放期我雖然會俾好多人「入侵」,但係始終會有一個獨當一面。今年似乎係仙石みなみ啦。Anyway,咁我有個朋友仔,佢本來就唔係咁鐘意我有開放期。我一開放期佢就乜都唔會支持我。因為佢好鐘意愛妹,覺得我一開放期就唔理佢好唔啱咁lor。我呢排成日同佢講仙石有幾cute,有幾趣致,佢其實係幾不滿下。不過佢好好人,佢見我講得咁happy呢,佢就由得我講。咁之前收到佢個email,明顯有d火藥味。因為之前我同佢講,話我今次好認真地鐘意仙石,佢唔信,仲咒我好快就唔要佢。雖然以後嘅事好難講得埋,但係佢咁講我又唔輸得,就同佢講我今次真係好認真。佢就問我夠唔夠膽同佢打賭,佢買我一個月之後嘅尋日,即係4月3號之前就會唔再鐘意佢。我當然話唔會啦!佢就話,如果4月3號當日我仲係好鐘意仙石的話,佢就會買Gatas新果隻演唱會dvd俾我!(3月11號發售)而如果果日我已經真係唔鐘意佢,我就要奉上我入手非常困難嘅愛妹2008年生日T﹣shirt俾佢。 嘩,玩到咁大…本來都唔係好想玩…因為… 你知啦,將來嘅事,話唔埋架嘛…不過佢大我,我又唔係咁高興,所以就應承咗佢。我對仙石有信心~!!4月就可以開開心心等Gatas隻dvd到手!哇哈哈哈哈哈~~~~ Continue Reading

入手

雖然話開放期嘅規矩係唔可以買野,事關好多時過咗開放期之後,開放期間就算幾鐘意都好,過咗之後都會完全地無晒興趣。由於以往嘅經驗係過後有太多垃圾,所以開放期有一個不明文嘅規定就係唔可以買野。不過一向都唔鐘意跟指引做野嘅我,今年開放期內已經兩度破戒。 好,等我黎自首啦。 介紹一下。左手邊係C-ute啦,一睇就知。而且我鐘意嘅愛理响正前面,一目了然啦。呢隻dvd响上個再上個星期六入手。 右手邊係音樂Gatas,我最憎嘅H!P組合之一。係,你無睇錯我都無打錯。係最憎。咁我做乜買佢呢!大家睇下…封面嘅右手邊,由上數落黎第三個係咁咪有d熟口熟面呢?如果有睇我尋前日個blog,你應該會認得佢。yes!佢就係我新寵 – 仙石みなみ啦!音樂Gatas呢個組合我遲少少再講一講,但係總之,仙石雖然係成員,但係出場率就超低。咁點解我明知係咁都仲買呢?原因就係因為佢係蛋蛋。之前都講過啦,H!P蛋蛋唔係咁多show。要見佢地唔係咁容易。所以有得睇就好睇啦,無論出得多定出得少。係。鐘意咗蛋蛋嘅命運就係咁。anyway,呢隻碟新鮮熱辣!啱啱趁lunch time去入手架! Continue Reading