Monthly Archives: February 2009

衝門注意~

都話咗唔好衝門架啦!
真係話唔聽!

不過,唔衝都衝咗,入咗黎就算啦!

究竟係邊個話唔聽同埋幾時?
而家就要講啦!

話說我尋晩睇Berryz個新嘅ゲキハロ5。
本來都唔係咁期待,睇之前個故仔講咩我都唔知。
但係Berryz都要睇下嘅,
所以就play咗。

原來個故仔係話Berryz係好紅嘅組合,佢地要開世界演唱會。
而有一個外星人帶埋佢隻機械人,黎到地球搵音樂。
隻機械人叫T1059,佢幫咗佢地set場,而Berryz就順口話如果機械人變咗女仔,就可以加佢入Berryz。外星人於是將佢改造成女仔,而佢就順利入咗Berryz啦。

但係原來,T1059唔適合跳舞,跳得多會壞。
Berryz個個唔想佢有事,所以叫佢唔好參加演唱會,但係T1059就點都想參加…

故事大慨就係咁,
之後嘅發展,就唔講太多啦,
我可以講嘅係,我睇呢個睇到喊到收唔到聲…
已經好耐無睇戲喊成咁。

Anyway,回返主題。
今次衝門嘅呢,就係做T1059嘅女仔!
佢係第一代Hello! Project Egg,個名叫仙石みなみ。

講真,我睇完套野之後去搵佢d資料,
睇咗好多佢d相,唔係真係咁靚咁可愛。
佢都算係幾一時時。
一時真係好cute,一時我見到都呆咗。
而且以H!P Egg呢班未出道嘅蛋蛋黎講,佢都算大個(1991生)。
但係我都唔知點解佢會咁吸引我。
開放期果然係神奇。
呢次,算佢衝門成功

本來要講下關於C-ute嘅有原栞菜,
不過… 都係遲d先啦…~!!

小原則~

今朝一早同個同事吹開水, 佢就講笑話我成日响公司大叫”Aichan”同”Airi”. 佢一講, 我就知道唔係真. 因為我有一個原則, 就係 除咗愛妹之外我唔會大叫其他人(偶像)嘅名! 呢樣野我2006年訂嘅, 之後無論我去睇咩show, 我大嗌最多都係 “嘩~~~~” 唔會叫名. 我認我其實都幾唔定性, 成日都會鐘意咗其他偶像. 不過我都有原則嘅~ 好似2008年去睇舞台劇, 無論邊個响我面前我都唔會叫佢 (不過我有hi佢), 只會叫愛妹~! 呢個就係我嘅一個小小嘅原則啦!! Continue Reading

Mac & Airi

過年前,諗咗好耐之後,結果都係買咗部mac。本來係諗住買notebook,但後來覺得無乜事都唔會出街用電腦,所以平平地買咗部mac﹣mini。 由windows轉到apple,無過度期,無唔習慣。一用就上手。無複雜嘅指令,無難明嘅錯誤,所有野都簡化晒。 原來愛妹用mac,真係有原因。 今日就用咗佢黎睇Airi。好正。 開放期update:依然持續中,不過大門開始慢慢關上… 各位切勿衝門,以免夾死。多謝合作。 Continue Reading

開放期持續中… C-ute

開放期持續中… 呢個時期會持續到幾時, 我都真係唔知… 年年都係自己黎自己走… 究竟”開放期” 係乜野呢?“開放期”其實係一個時期我突然之間接受能力大增,令到平時點睇都唔會鐘意嘅人或事有機會上位.因為我其實係一個好唔鐘意改變同接受新事物嘅人, 尤其係偶像.鐘意一個之後我就會”關門”, 盡量唔俾新野入侵.所以我嘅接受能力係超低, 好多野都block走晒.而”開放期”就等同呢度門大開… 新事物可以自由出入.我嘅”開放期”每年都會係冬換春嘅時期出現,歷時幾個星期至幾個月不等. 今次”開放期”, 尋日都講咗啦, 係中咗H!P入面嘅C-ute. 因為一路跟開H!P, 所以認識C-ute已經好耐. C-ute成員選拔我都有實時睇添!不過我係Berryz派, 所以一直對C-ute都無好感, 甚至係有d憎.當年H!P Kids有15個小妹妹, 當中8個2004年頭被選出黎組成Berryz工房.餘下7個”孤兒仔”, 無group名, 留返做”H!P Kids”.由於佢地”落選”咗Berryz, 所以我同朋友都叫佢地做”leftover”.呢個字帶貶義, 因為我地都唔鐘意佢地. 仲成日笑佢地.C-ute無Berryz咁好彩, 一出就”正式”出度,佢地响Berryz結成大約一年之後, 佢地終於有group名架. 但係無正式出度.佢地只係响其他H!P組合嘅show入面做開場, 做嘉賓.於是我同個friend又話佢地”一味靠痴”.總之H!P好似好唔想出錢俾佢地咁.到佢地終於有機會出碟啦, 原來都唔係正式.因為無唱碟公司, 佢地頭幾隻single都係自資.當時Berryz已經出咗6,7隻正式single, 1隻album, 6, 7隻singleV同1隻pv dvd.眼見C-ute同Berryz嘅距離越來越大, 點都估唔到佢地可以追到.原來世界上真係有風水輪流轉呢樣野. 2006年, 遲Berryz整整兩年, C-ute正式出道.可能因為呢個機會得來不易, 所以佢地都好珍惜.而家佢地正式有7隻碟, 自資4碟, 一共11碟.雖然對比Berryz嘅19隻依然有好大距離, 兩年嘅光陰唔係咁易追得到,但係以質量做對比的話, C-ute已經可以話同Berryz不分上下. 以往我對C-ute都係以避之則吉嘅態度.盡可能唔睇就唔會睇. 所以對佢地係零了解.不過今次開放期集中火力睇佢地, 又有youtube呢個咁偉大嘅發明,我已經catch up返好多.尋晚睇咗一條片, 令我心頭一震. 話說佢地講返當時落選Berryz嘅心情,個個都話好唔開心.最絕就係佢地公司安排佢地去睇Berryz演唱會.見到自己嘅同期個個企响舞台上面,自己就响觀眾席,越諗越唔甘心, 竟然成班一齊喊咗出黎. 聽完先發現,原來佢地都好在意自己入唔到Berryz.年紀雖少, 但已經有進取心,希望得到認同. 可能就係因為呢段曾經”落選”嘅經歷,睇過先知, 原來C-ute有一份Berryz無嘅魅力.佢地都以Berryz為競敵, 希望追到返,… Continue Reading

續 – 開放期

又一day at “open stage”.年年都有嘅開放期(爆)不過都唔係放晒手嘅~ aigokoroJP日日都有更新架~!! 持續buono同c-ute中.而家都聽緊. 實在好歌太多, 一時都catch up唔晒.不過c-ute我依然係唔太分到邊個打邊個. 而家分到嘅聲包括: 鈴木愛理矢島舞美萩原舞中島早紀 其他三個, 其實有原栞菜都認到少少, 因為我覺得佢唔識唱歌不過我唔會努力去認架啦, 識果4個已經好夠. 除咗h!p, 原來開放期又真係幾開放.個腦嘅接受能力強咗好多. 好似最近tvb終於有新劇(豬江補戲終於做完了~萬歲!!),睇預告就有d興趣!!唔係對套劇喎! 因為學警系列已經睇到悶, 加埋有唔唱k, 真係唔多想睇.但係surprise~! 有江若琳!! 唔係特別鐘意江若琳.但係有留意佢. 幾好, 我杯茶.佢有劇出, 唔係支持, 只係好奇.做得幾好. 睇睇下, 呵, shit, 中咗… 所以家陣又要追劇了! Continue Reading

宿命(笑)

各位,又到咗一年一度嘅出事高危時期。出事高危係咩高危呢?簡單d講,就係“出去滾”嘅高危時期。不過唔係變心喎!只係一個… 八八掛掛出去玩嘅時期。事源係我個hello!project係有一個curve嘅,每年呢個時期,就會不知不覺咁愛上其他人,又不知不覺咁唔記得理個愛妹…雖然2007年後我已經唔會再諗我第一嘅位置會有咩改變,但係都係打破唔到呢個宿命,一到2, 3, 4月就會出事。就算有Q.E.D.坐鎮,都照出事。唉。 不過我今年有進步呀!起碼今年出事,都係响返Hello入面出呀!07年同08年都分咗俾d外人,今年呢,响返H!P入面搞咁今年中咗d咩呢?其實都唔係淨係今年架啦!一直都暗地裡同佢地有來往。咁係邊個呢?就係~ BUONO! 啦!!! 係咪呢?都話一直都中住架啦,不過估唔到今年出事竟然係佢地啫。BUONO!隻新碟真係好好聽!而且又同solo演唱會啦,真係20分期待呀!再講,d成員真係30分可愛呀!見到真係嘩一聲架!!我而家日日都聽住BUONO!,真係好正。早幾日,睇咗佢地個隻dvd magazine,好cute好好睇呀。而且仲要有意外收穫喎!識我嘅人都知我有幾憎矢島舞美架啦,點知睇完BUONO!隻dvd(佢有分出演),竟然覺得佢唔錯喎,加咗好多分。即時唔憎佢之餘,仲真係有d覺得佢cute添喎。都唔知咩事不過就係因為咁,令我鐘意c﹣ute嘅最大最大最大阻力就無啦啦無咗,而家我可以放手俾自己去鐘意c﹣ute啦。所以呢幾日,不停咁down返c﹣ute以前d碟,哈,原來我一直唔俾自己睇c﹣ute,只係睇berryz,錯過嘅野都唔少。c﹣ute原來都有好多好好聽嘅歌。雖然c﹣ute係leftover(呢個觀點我一直都無改變過),不過原來,Hello! Project嘅leftover都唔係睇唔入睇嘅。而家係對c﹣ute有多少改觀,但係我依然係berryz派嘅人,呢一點唔會變。 講講下都唔知講咗去邊啦。因為太耐無更新個blog啦,有好多野想講,所以呢個post比較亂。不過應該無離題! 最近加兩張相相先啦!(近照黎架!出自最近演唱會) 最cute嘅cutie鈴木愛理! 以及最近幾得嘅型女夏燒雅! 快d出演唱會dvd啦,BUONO!雖然我話咗今年唔可以亂洗錢,但係BUONO!一定買!一定支持! Continue Reading