Monthly Archives: October 2008

Bloody Monday

差唔多全部秋季劇都進入二周目.
我個人就對下一季某劇比較有興趣!!!!

不過為咗令自己習慣一下追劇, 為下一季作好準備,
所以今季我都揀咗一兩套黎追.

首先就係山田涼介有份嘅”垃圾老師”, 呢套劇呢… 劇如其名, 係一套垃圾. 為咗睇涼介而睇, 第一集睇咗, 第二集已經入手, 但係未睇… 因為現在有點兒… (汗) 我覺得應該會好快放棄唔睇.

第二套就係好野啦!! 標題都見到啦, 就係Bloody Monday!!

本來睇, 就為咗睇三浦春馬~!!!
點知一睇!! 有Bouns!!! 原來做三浦春馬個妹嘅係川島海荷!!!
已經high到爆架啦!! 未算!! 呢套劇真係超好睇!! 真係好刺激好緊張~~~!!!
最近真係未睇過咁正啦~ 前幾季都係為睇而睇, 都唔係真係覺得好睇而追!
今次呢套, 人又正, 劇又好, 真係非常Perfect呀!!
未睇過的話真係要快d睇啦!!!

江戶時代

由今日開始, 小蝠就會飛返去幾百年前, 探討一下江戶時代嘅日本!! 呢個係本人一個大挑戰!! 因為實不相瞞, 我歷史科從來無合格過 不過!! 最少我希望自己了解多d日史!! 所以就開呢個學習分類!! 至於點解我無啦啦要學日史… 呢個… 已經知道嘅朋友就唔洗再講啦… 未知嘅, 應該好快就會知架啦… 往後我會寫出我了解到 & 認知嘅野!! 唔一定啱… 先在此寫一個免責聲明! Continue Reading

布布日記之散步

Hello! 又係我布施呀~!今日媽咪同我去咗散步呀~ 好好玩呀~ 我好鐘意出去玩架~! 今日就等我介紹一下同我去街街媽咪會帶嘅野啦!! 首先, 就係一條鏈鏈!! 因為我仲未識過馬路, 所以媽咪一定要拖住我… 同埋我個身份証牌仔都掛埋响度, 所以一定要帶架!! 呢張野, 你地估下做乜黎??? 開估!!! 扣咗D鈕, 就會變咗個飲水兜兜架啦!! 行到口喝, 媽咪就會俾水水我飲架啦~ 有水兜兜, 就梗係要有水水啦~ 嗱嗱嗱~ 呢個就係我個袋仔啦!! 出門口果時就係我揹架!! 不過… 因為佢會阻住我行路, 所以行到一半媽咪就會揹返架啦~ 入面會放D咩? 繼續睇落去啦! 袋仔入面呢, 其實係膠袋同報紙… 用黎做乜? 為咗唔好整到D地方污糟晒, 如何我便便咗, 媽咪就會執咗佢, 用報紙包好, 放入膠袋, 打好結先掉, 咁就乾乾淨淨啦~!! 清理完, 媽咪就梗係要抹返手手啦~! 下次同大家介紹我嘅…. 洗白白嘅情況~!! ^^)/ Continue Reading

我生命中嘅3個top rank

我係鐘意咗morning娘之後, 先有ranking呢樣野. 而我生命中, 只出現過3個top rank. 佢地分別係: 愛妹, eri同公主 2001年10月至2004年10月 = 愛妹2004年10月至2005年2月 = 公主2005年2月至2005年8月 = 愛妹2005年8月至2006年1月 = eri2006年1月至 現在 = 愛妹 我講過, 我唔會離開佢第三次… 而我亦唔會鐘意第二個… 有朝一日佢離開藝能界, 我都會離開追星行列啦… Continue Reading