Monthly Archives: July 2008

溏心風暴之家好月圓開始咗啦

甜言蜜語之後, 悶咗一個星期, 終於又搵到人生嘅意義.
當狗愛上貓雖然好得意好可愛, 但係我始終都提唔起興趣去睇. 實情係好事黎架. 我係唔想成為一般嘅”濫追一族”… 如果唔係, 點會顯得甜言蜜語嘅影響力有幾大??

今次追九點半. 時間上係有點兒唔係咁啱. 因為而家食飽飯就要飛去洗白白, 如果唔係就趕唔切睇… 如果睇完先洗白白, 又好似有點兒夜(因為小妹最近病病地, 所以好早瞓). 睇呢套劇都係打算睇子珊… 雖然佢唔係主角, 不過都睇下啦. 加上有鍾嘉欣, 我都想睇下嘅… 本來只係打算睇呢兩個, 點知睇咗一集, 就中咗另一個人嘅毒.

首先講一講.
子珊係菊姐個女, 未出現.
鍾嘉欣係米雪個女, 係一個啱啱讀完醫嘅女仔. 第一集尾尾出現咗. 可惜就可惜在, 佢個角色真係比較一般, 同佢以前大部分角色都係一樣… (金石良緣前半除外) 都唔係話悶嘅, 不過唔夠sharp咁lor…

相反, 呢家好有一個角色係比較突出嘅!!! 大家估下係邊個???

無錯!!!!!! 就係做啞妹嘅陳法拉啦!!
其實未睇之後, 我已經同我媽咪講, 話佢做手語做得幾好睇. 我同我媽咪&爸爸都學過手語(而家大家都已經忘記大半), 所以睇得出佢做得好唔好睇. 而fala呢, 真係做得唔錯. 之餘呢, 佢個角色好似好多心事咁, 其實都吸引…

其實我睇家好之前, 係唔鐘意fala架… 因為金石入面佢真係有少少乞人憎. 但係其實睇金石之前呢, 我其實係對佢有少少好感架喎. 因為溏心風暴入面佢做嘅唐至欣都係幾可愛嘅…~

anyway~ 呢套劇呢, 我係會追架啦. 不過8月會去日本玩一個星期, 期間就會無得睇. 唔怕, 返黎我就會追返架啦!!

宣言~ 家好我會專注睇fala~!

至於review, 就會係佢, 鍾嘉欣同子珊三個lor. 不過, 因為呢套戲太多人, 太複雜啦, 應該會好難寫lor… 唉~ 到時先算啦!!

甜言蜜語 (第20集)

咁耐先update, 真係sorry晒. 不過我一定會返黎寫架!! 唔會爛尾! 話說甜言蜜語已經做完個幾星期… 過去呢一個星期, 係幾咁空虛寂寞… 唉~ 我明白點解我唔鐘意追劇了… >_< 不過而家又開始咗追家好月圓… 唉~ 但係為咗唔好阻住呢個blog, 家好月圓嘅review將會响呢度出現… 好. 甜言最後一集. 八婆娜姐仲呃緊全世界話佢個瘤係惡性. 棠棠希望ok仔同佢打呢場仗, 所以就成日叫ok仔陪住佢. 佢自己呢, 就一個人响無聲世界入面. 過咗一排, 棠棠個腦d瘀血清咗, 佢就問醫生佢可唔可以做耳蝸手術, 但係醫生都係同佢講, 佢做呢個手術嘅風險俾一般人高… 但係棠棠抱住有一線機會, 佢都做咗個手術. 但係就唔成功, 做咗佢都係聽唔返野. 同時, 個八婆想ok仔陪佢過美國, 棠棠為咗唔想ok仔掛心, 可以安心去美國, 所以就呃佢地話佢已經聽到野. 後來呢, 娜姐發現咗原來棠棠根本就聽唔到野. 佢良心發現, 就走去同棠棠講咗個真相出黎. 點解棠棠不單無嬲佢, 仲好開心佢原來無事, 令到娜姐更加內疚. 於是, 佢就同ok仔講咗棠棠原來聽唔到野嘅事, 而ok仔就飛跑去大牌檔搵棠棠. ok你話佢唔介意棠棠聽唔到野, 佢只係想一生一世陪住佢. 但係棠棠就對佢自己好無信心, 佢怕如果日後ok仔介意, 佢地兩個會更加傷心, 所以拒絕咗ok仔. 再後來, 棠棠打算同聽障中心d人返大陸做義工, 佢個妹就叫ok仔快d去火車站, 如果唔係,… Continue Reading

甜言蜜語 (第19集)

今晚大結局啦… >_< 好唔想佢完… 好唔捨得啊…!!! 不過呢個世界就係咁, 有相聚就會有分離… 雖然分離係會好唔開心, 但係你會唔會寧願無相聚過呢? 我自己就始終都希望有相聚, 因為就算分離好痛, 但係相聚嘅回憶永遠都係美好嘅… 離晒題添… 總之我想講嘅係, 我好高興有睇甜言蜜語呢套劇~ 講返第19集.一開波就講ok仔老豆阿波哥同ok仔阿公俾人綁咗架. 要求2000萬. ok仔個細舅父吹夠4000萬, 諗住2000萬自己落袋. 佢去交贖款果陣, 個綁匪向佢開槍. ok仔跟到去見到, 就上前同佢檔咗… 結果自己住醫院… 棠棠聽到佢中槍, 就去醫院睇佢. 去到, 佢仲昏迷緊. 棠棠就同佢講咗好多野啦, 話佢其實好鐘意ok仔, 有好多野想同佢講, 不過愛一個人唔係要擁有佢, 而係希望佢開心… 之後八婆娜姐黎到, 棠棠就讓返個”位”俾佢, 自己走咗. ok仔醒返見到娜姐, 以為娜姐一直都响佢身邊陪佢, 所以有少少感動… 後來ok仔無事啦, 點知明表哥間錄音室出咗問題, 無人做女主角. 結果, 大家就叫ok仔搵棠棠返黎. ok仔去到聽障中心, 見到棠棠講故仔俾d小朋友聽… 佢叫棠棠返去配音, 不過棠棠唔肯, 話唔想再令大家失望. 後來無計可施, 大家就夾埋勝記老豆, 叫棠棠送外賣去錄音室, 實行局佢返去. 不過棠棠都唔笨, 佢一早就知道佢地夾埋做劇… 不過,… Continue Reading

甜言蜜語 (第18集)

甜言蜜語步向最後三集, 故事亦到出現好多用黎拖時間嘅變數. 不過我對眼依然只係跟住棠棠… 今集開始, 棠棠依然係收埋晒自己, 唔肯出街. 以前佢都話會去勝記老豆個大牌檔幫手, 但係而家呢, 連街佢都唔肯出. 一日就响電影台接d稿返黎打, 困住自己响屋企. 就响佢咁樣嘅時候, 佢細佬安仔好想跟導演去阿根廷拍野, 想申請休學一年. 但係勝記老豆就大發脾氣, 鬧安仔叫佢生性d, 如果唔係點照顧到佢家姐呢?? 棠棠知道咗, 佢就好唔開心, 因為佢覺得係佢令到安仔唔可以追佢自己嘅理想. 同時呢, 棠棠個妹同ok仔一齊諗辦法想棠棠出下街, 唔好收埋自己. 終於, 棠棠肯出去, 返聽障中心… 但係原來佢肯去, 都係打算同d姑娘同小朋友交代一聲, 佢唔可以再教佢地. ok仔叫住棠棠, 問佢點解咁容易放棄, 棠棠就話, 佢一直以來都好堅持, 但係而家係個天放棄咗佢… ok仔為咗令棠棠振作, 佢好努力咁學手語. 佢又手語學咗一隻歌, 做俾棠棠睇, 叫佢唔好放棄. 棠棠聽咗, 雖然佢當時係走咗去, 但係佢返屋企諗諗下, 覺得其實佢有好多人錫, 好多人關心, 就算聽唔到野, 佢都應該要振作. 於是佢開心返, 仲叫勝記老豆俾安仔去跟導演去學野添!! 第二日, 棠棠就跟咗勝記返大牌檔幫手. 勝記叫ok仔同棠棠兩個幫佢去入貨, 俾機會佢地傾下計咁. 路上, 棠棠話多謝ok仔响佢做低落嘅時候幫咗佢, 但係棠棠就好強調,… Continue Reading

甜言蜜語 (第17集)

尋晚睇完甜言蜜語, 一心想去搵主題曲的琴譜, 點知誤打誤撞入咗youtube, 就一發不可收拾… 一路睇徐子珊相關影片到一點… 出事了, 莫非我真係鐘意咗佢?? 聽講溏心風暴II之家好月圓入面, 佢係做反派, 唔知我會繼續欣賞佢, 還是又再一次唔鐘意佢呢? 我自己都好想知. 哈哈. 講返第17集甜言蜜.今集一開始第一段成段都係講錄音室d野, 棠棠竟然無出現. 見到果個娜姐假惺惺咁, 真係火都黎埋. 第二段一開始棠棠終於出現, 佢响勝記老豆個大牌檔幫手. ok仔去搵佢去街, 本來佢都唔去, 但係响勝記力推之下, 佢地去咗商場行街. 本來都行得好地地, 直到棠棠話要去toilet, ok仔話要去飲野, 於是佢地就分道揚鑣, ok仔叫棠棠去完toilet到CD舖集合. 點知棠棠讀唇讀錯咗, 以為去燒雞舖. ok仔send message俾棠棠, 咁啱棠棠個電話無電. 結果佢地見唔到. ok仔到處搵棠棠嘅時候扭親隻腳, 令到棠棠更加覺得自己無用, 害到ok仔. 往後, 棠棠開始有少少避咗ok仔, 搞到佢好唔開心. 八婆娜姐知道咗, 就搵棠棠出黎講數. 叫佢要令ok仔開心. 頂佢個肺, 多此一舉!!! 呢個世界上咁多是是非非都係因為呢類八婆. ok仔好苦惱, 點樣先可以令棠棠開心返d, 個老友蝦子麵就叫佢俾d承諾佢. 於是除夕夜, ok仔夾埋棠棠個妹, 捉咗棠棠出黎慶祝. ok仔就扮魔術師, 表演俾棠棠睇, 最後仲同佢求婚.… Continue Reading

甜言蜜語 (第16集)

時間過得好快… 甜言蜜語已經就快跑到終點. 而劇情都開始變得嚴肅. 今集呢, 我未睇已經知道會好serious. 因為上一集尾, 棠棠隻耳仔出血. 未睇今集都已經知道, 棠棠應該係會聽唔到野… 而事實上, 劇情真係咁發展. 話說棠棠咁樣跌一跌, 撞一撞個腦, 又搞到震撼. 雖然瞓咗一晚醒返, 但係就聽唔到野.個個都以為, 佢做個手術, 加個機入去隻耳度, 就會好返, 有返三成聽力 (即係好以前咁上下啦), 但係原來, 醫生同佢講咗, 其實佢唔適合做呢個手術, 因為佢係腦神經受咗傷. 棠棠表面好似無乜野, 但係其實佢只係响度逞強, 唔想人擔心佢. 配音方面, 當然就大受影響… 成日甩嘴. 响個個支持佢嘅時候, 明表哥竟然走去搞娜姐返黎代棠棠. 棠棠又係表面無野啦, 但係其實個心好唔舒服, 而且自信心大受打擊. 自己一個人離開咗錄音室, 自己走咗出去行. 明明係聖誕節, 人人都開開心心玩, 又唱聖詩. 但係棠棠就自己一個, 响無聲世界入面行… 未睇呢集我都知道自己會喊架啦. 結果又係預料一樣, 喊到哇哇聲. 今晚果集呢, 似乎ok仔想同佢求婚, 但係棠棠拒絕了… 可能佢覺得佢唔想ok仔辛苦… 唉, 何苦呢… 聽日可能又會喊啦…!! 尾聲啦!! 一集都不能miss呀,… Continue Reading

甜言蜜語 (第15集)

等到今日先寫review~ 唉~ 真係sorry晒. 不過應該無人等睇嘅… 哈哈. 講返甜言蜜語先啦.話說原來第15集都唔係好緊張… 一開始, 就接返上一集, 話錄音室水浸咗啦, 之後, 明表哥又無買足保險, 搞到賠得20萬, 一d都唔夠… 與此同時, 除咗棠棠同ok仔以外嘅配音員全部過晒擋… 搞到呢, 錄音室無晒job. 後來娜姐幫手, 搵到個job俾佢地, 但係棠棠同ok仔配極都配唔到導演嘅要求… 响佢地好愁嘅時候, ok仔個老豆波哥出黎教佢地入戲, 佢地聽完之後呢, 就配得好自然, 好好, 導演都好滿意, 收貨!! 之後就到棠棠個妹去ok仔個細舅父個party, 而ok仔呢, 就响呢個時候去棠棠屋企, 同佢老豆勝記講, 佢同棠棠已經拍緊拖啦. 仲買咗個果籃上去…. 點知, 就响呢個時候, 勝記接到電話, 話妹頭(即棠棠個妹)出咗事. 佢地一齊上咗天台, 之後棠棠個白痴妹坐响個邊度喊苦喊忽…. =_=;;; 原來佢去party俾人玩, 覺得好無臉. 棠棠就爬咗上去開解佢. 勸到佢落黎啦, 點知佢地落黎果陣, 佢個妹滑一滑, 差d跌嘅時候, 响下面嘅棠棠頂返佢上去, 結果自己就跌咗落去, 撞到個耳機都跌埋佢黎. 咁都未夠!! TVB毒到要佢隻耳仔流血… 之後仲暈埋… 預告好激呀, 棠棠似乎連僅有嘅聽力都無埋…TVB,… Continue Reading

甜言蜜語 (第14集)

今集有少許分心, 因為同人傾咗一陣電話. 今集嘅中段, 以一個為咗睇棠棠而追呢套劇嘅人黎講呢, 有少少悶, 因為係講棠棠個妹多, 不過, 頭同尾依然好睇. 不過今集無喊位 ^^) 好, 講返劇情. 今集一開就連返上一集. 上一集講到棠棠似為ok仔聽唔到佢講野, 所以好大膽咁”表白”咗. 其實原來ok仔係聽到嘅. 棠棠電話響行開咗一陣, 返黎就唔見咗ok仔. 叫極佢都唔出現. 棠棠見到個錄音機放咗响張櫈度, 於是攞黎聽, 一聽原來係ok仔. 佢錄低咗一段表白嘅說話同棠棠講, 之後就從樹後面出現. 佢出黎之後, 捉住棠棠對手, 用棠棠對手按住自己對耳, 再用自己對手按住棠棠對耳, 同佢講: “而家我地都聽唔到出面嘅聲音… 淨係聽到對方嘅心意… ” (後略) 之後佢地就錫錫… 實在係太sweet了~ (<- 羨慕中) 中段呢, 就講下棠棠個妹溝仔d野(係伏線黎架), 同埋錄音室果個賤佬背住佢老婆同另一個女人(cam cam姐)偷情嘅事. 到尾段, 就係娜姐同ok仔去到一間舊碟舖, 搵一張ok仔好鐘意但係唔見咗又買唔返嘅黑膠碟. 點知去到, 個老闆話賣咗. 娜姐發晒脾氣鬧個老闆, 就响呢個時候, 棠棠走入舖頭. 原來, 隻黑膠碟係佢買咗去. 棠棠返轉頭, 係因為佢留咗袋野响果間碟舖. 之後棠棠, ok仔同娜姐就一齊去咗飲野,… Continue Reading

甜言蜜語 (第13集)

TVB最近鐘意搞聾啞. 繼甜言蜜語後, 今個月28號推出嘅溏心風暴II之家好月圓入面, 陳法拉都好似係會做手語的. 唔~ 唔通… 呢排真係興呢d??   講返尋日果集甜言蜜語, 由於棠棠條線唔係講好多, 多數講ok仔, 所以小妹都唔係記得咁清楚. 不過大慨就係講, ok仔同佢老豆認返之後呢, 佢老豆(即係波哥啦), 就唔做勝記個大牌檔啦, 因為佢打算返配音間. 佢地言談之間, 講到有部舊錄音機想整, 棠棠就話識人, 所以就同ok仔兩個攞部機去整. 整完兩個就去咗行街街啦. 咁棠棠就見到一條有音樂嘅頸鏈, 但係個老闆話要二千八, 棠棠雖然好鐘意但係太貴唔捨得買. 再行咗一陣, 佢地撞到高均然(唔記得咗佢個劇名)同佢女朋友. ok仔見棠棠有點兒面有難色, 就扮佢男朋友, 晒俾高均然睇. ok仔以為自己幫咗棠棠, 點知高均然走咗之後, 棠棠就發ok仔脾氣啦.   棠棠話俾ok仔聽, 佢地d有缺陷的人, 最怕就係其他人乜都就晒佢地. 因為佢地最想就係其他人都當佢地普通人咁看待. 佢當初唔想同高均然一齊, 就係因為佢太就佢地, 所以佢唔鐘意.   發嬲走咗去嘅棠棠, 去到海邊, 望下望下, 原來ok仔無追到黎. 當佢自己一個人的時候, ok仔出現, 仲買咗頭先果條鏈俾佢. ok仔幫佢戴起之後, 棠棠即刻好開心咁返啦.   之後中段就係講阿娜姐同佢個仔小生相認呀, 同埋同佢男朋友反面果d野啦… 再加插咗一段係話ok仔個細舅父利用ok仔嘅事(其實件事係,… Continue Reading

甜言蜜語 (第12集)

寫review係我的強項, 因為在aigokoro.com訓練有數, 集haromoni@幾唔好睇都可以寫到好好睇, 呃d無知fans去睇~(奸笑) 甜言蜜語已經踏入後半, 故事都進入主線啦.前晚講到棠棠願意跟佢媽咪返美國救佢細細佬,但係佢要諗方法同勝記老豆講. 因為佢知道, 如果佢講去救佢細細佬, 勝記老豆一定唔會同意.於是棠棠就打算夾埋班同事呃勝記老豆話佢去新加坡配音, 諗住瞞天過海, 總之可以去到先, 其他乜都返黎先算.但係ok仔老豆(波哥)聽到之後, 背後同棠棠講, 唔係所有野都可以之後補救, 尤其係一段關係. 佢希望棠棠可以對勝記老豆坦白.於是當晚棠棠就同勝記老豆講咗, 其實佢係跟佢阿媽去美國救peter仔, 勝記聽到火都黎埋, 同棠棠講, 叫佢走咗就唔好返黎.第二日, 波哥就約咗勝記, 仲叫埋棠棠, 諗住幫佢地和好.棠棠未到, 勝記就同波哥講, 佢嬲唔係嬲棠棠跟佢阿媽走, 而係嬲自己保護唔到棠棠, 佢去冒咁大個險, 佢做老豆都幫唔到佢.啱啱响街口嘅棠棠睇到佢地嘅對話(讀唇), 就走去同勝記老豆講, 佢一定會平安返黎, 仲眼都紅晒咁. 勝記於是就答應咗俾佢去.點知, 呢頭啱啱搞掂咗, 呢頭美國打電話黎, 話棠棠唔適合捐, 計劃又泡湯了… 於是, 佢地就諗到拍條片, 放上網, 叫人去驗血, 希望有人捐d肝組織出黎.後來好快, 真係有人捐, 咁棠棠阿媽就飛返美國(利用完人就走?!?!). 去機場由棠棠同ok仔送佢.回程路, ok仔仲係講緊, 唔明點解棠棠會原諒一個當初唔要佢, 有事先返黎搵佢嘅阿媽,棠棠就同ok仔講咗d道理(詳細唔記得咗), 同埋就叫ok仔捫心自問, 咁多年來會無掛住個佢阿爸. 過咗幾日, ok仔諗通咗, 就諗住搵佢老豆, 咁啱, 佢老豆搬野跌倒,ok仔就好緊張咁衝埋去, 大叫咗一聲: “阿爸!!!”佢老豆好感動, 因為ok仔終於肯原諒佢了.ok仔話, 見到棠棠都可以原諒佢阿媽,… Continue Reading