Monthly Archives: April 2008

傾計嘅朋友 & 吹水嘅朋友

理論上, 响我身邊(or網上面啦) 有兩大類朋友.

1) 傾計嘅朋友
2) 吹水嘅朋友

第一類, 我會好放心同佢傾計, 會講好多野俾佢聽, 而且都係真野. 呢一類朋友可以唔成日見, 唔成日傾計, 但係依然會响佢身上感受到好舒服, 自然嘅感覺. 有野, 我會好想同佢講. 尋日收到一封email, 就俾咗我呢種感覺. 好開心!

第二類, 就係果日只會吹水作大講大話嘅人. 同佢地吹水係為咗打發時間. 呢一類朋友唔見咗就無咗, 出返黎, 又可以吹過, 但係一d都無朋友嘅感覺. 同佢地傾計就只會互串, 同佢地講野, 佢地會skip話題, 好無癮. 佢地根本就無心機聽你講野咁. 只係會顧住講自己.

有d人講野, 好似係都要叻過你咁. 你話你今餐食咗10碗飯咩? 佢就會話佢食咗20碗. 你話你發夢見到你夢中情人咩? 咁啱佢又會見到, 仲會長過你. 你話你買咗隻cd咩? 佢又會話買咗, 仲話買咗10隻. 總之你講乜, 佢就會話自己叻過你. 有d人覺得呢d人好得意, 鐘意同佢地傾計, 不過我就至憎呢d人… 正一認屎認屁…

講返開心果類. 我尋日收到一個朋友嘅email, 開心到攬住布施跳舞!! 而且佢好聽我講野, 俾咗回覆我, 又問我愛妹嘅事, 令到我好high好happy!! 所以先諗到, 原來朋友係咪嘅… 又發現原來有好多所謂朋友, 都只係吹水朋友…!

珍惜食物, 珍惜食水, 珍惜你所擁有的一切

今日收到朋友寄來的一個轉寄電郵, 入面有一條youtube嘅link. 睇咗之後, 心情有d沈重. 但係我覺得要將呢個信息轉開去. 大家, 花小小時間睇一睇, 可能, 你會有所改變… – 請 大 家 花 2 分 40 秒 看 這 片 段 . .希 望 大 家 珍 惜 食 物 同 水 . . – 最 未 2 張 相 . .係 講 個 小 朋 友 冇 水 既 情 況 下 去… Continue Reading

當現實跟期待有分歧…

某網上電台事件已經叫做告一段落, 對於今次事件, 網民嘅反應可以分為兩大類: 1) 覺得佢好賤, 唔再支持佢 2) 選擇信佢, 繼續支持, 跟佢過台. 作為一個fans, 當然對偶像有期待, 有幻想. 我覺得係好正常嘅事. 相信自己偶像, 亦係必然嘅事. 我作為愛妹嘅fans, 我當然係好相信佢係一個好人. 但係如果… 我係講如果, 有一日我發現佢原來係一個好唔得嘅人嘅時候, 我究竟會點呢? 盲目地去相信佢係無辜, 覺得佢依然係好? 還是以正義出發, 開始離開佢? 而家我係選擇唔到. 因為事情未發生. 但係我希望, 我唔會有要選擇嘅一日. Continue Reading

飲水思源

啱啱尋晚, 一向聽開果個網上電台出咗d事… 某某主持過橋抽板, “喬”起晒成個台. 個台對佢好好, 乜都就晒佢. 但係佢, 一d都唔珍惜. 咁又令我諗咗好多野… 好多. 不過其中一樣, 係愛妹. 我會記得係邊個陪我由中學行到大學, 再由大學行到做野. 當然仲有好多人, 例如屋企人~ 多謝~ 我會識得飲水思源. Continue Reading

最近努力寫緊一套故仔. 呢套故仔雖然係有少少兒童不宜, 但係個故事本身(如無意外)係幾有深度嘅, 亦都令我反思好多野. 其中一樣係情. 我發現咗, 响情入面, 係無啱同錯, 好與壞. 我所講嘅情, 包括愛情親情友情… 以及所有另類情. 情入面, 只有愛… 為所愛嘅人做嘅事, 無論幾傻幾錯幾壞, 其實都係源於情… ((純屬個人意見, 你未必係咁諗)) Continue Reading

有愛就有希望~

最近工作較忙, 返到屋企又要理布施. 每一日每一日都係咁, 所以早排有少少每一日都唔知自己做緊乜嘅感覺. 每一日基本上都係開心嘅, 但係, 就好似好悶咁. 永遠响呢d時候, 就會有愛妹嘅出現. 佢永遠都係咁啱timing. 佢絕對係我生命中嘅良性刺激! 有時响公司做到好攰好眼瞓, 就會停一停, 睇一睇愛妹張相, 聽一聽佢唱歌, 又回覆到精神, 又開開心心再開始做野. 所以好期待可以又一次見到佢真人, 去演唱會or舞台劇睇佢. 雖然我知道睇完佢我要要接受離開佢嘅痛苦, 不過, 我都依然係想去見佢… Continue Reading