Monthly Archives: March 2008

迷離三十年(雨之町)

講成海璃子嘅topic, 一定要由迷離三十年講起…
點解?
因為如果無睇呢套戲, 我應該唔會响呢度打緊呢篇blog.
雖然我一早已經知道有呢個小妹妹, 睇TRICK(圈套)嘅時候已經見過佢, 仲check過佢嘅資料, 但係就無乜再睇佢… 直到… 果日响CD舖見到一隻叫迷離三十年嘅DVD…

本來我係唔睇日本恐怖片, 因為我覺得唔會好睇… 但係我認得响封面嘅, 就係呢個女仔. 加上個隔離個小弟弟咁好可愛, 所以就買咗返去睇…

套戲本身就ok啦, 但係就係呢套戲, 令到我中咗璃子毒…

佢响套戲入面飾演一個小學五年級生. 璃子演比佢真實年齡年長嘅角色就好多, 但係演年幼就可能係第一次…! 佢响入面實在係太cute啦… 真係好cute… 所以一睇就中毒, 令到我之後嘅一個星期狂睇佢… 嘻嘻.

講少少個故仔啦.
話說有一日有人發現咗一具小朋友嘅屍體, 但係佢無晒d內臟. 有一個記者去調查嘅時候, 呢個小朋友竟然起身走咗去!!! 個記者查下查下, 查到去一條村, 呢條村已經得返一兩戶人家, 而30年前响呢條村曾經發生咗一單小學生失蹤事件, 記者覺得呢單事件同果日果條小朋友屍體有關, 一直查落去… 結果…

就等你地自己睇啦~哈哈!!

復活節 = 煲劇節

四日嘅復活節假期終於放完, 尋日開始又返工. 原來, 假期後返工係好痛苦架… 唉… 不過假期放得非常之”充實”, 雖然我set俾自己嘅目標達成唔到, 但係我已經好滿意自己嘅”成績”, 同埋, 咁樣過假期真係好正. 有少少返咗紐西蘭果種feel. 究竟我set俾自己嘅目標係乜? 其實同煲劇有關. 我set嘅目標係… 假期內煲四套日本連續劇(10集或以上)以及四套日本電影or電視SP(長1-2個小時) 條件就係全部都要係成海璃子做嘅. 由於時間上有d難度, 我星期四晚已經開始煲… 結果, 好可惜, 我係完成唔到任務嘅. 由於時間唔夠, 我只係睇咗兩套日本電影or電視SP. 以下係我响復活節假期內煲咗嘅劇or戲: 連續劇 (順序為觀看先後):1) 演歌女王2) 瑠璃之島3) 受驗之神4) 蜂蜜與四葉草 電影or電視SP (順序為觀看先後):1) 圈套劇場版20022) 神童 實在係, 一個非常璃子嘅假期!!! 好開心可以睇到咁多野!! 真係好好睇. 璃子好cutie呀!! 睇瑠璃之島, 我由第一集喊到最尾果集… 璃子嘅演技真係可以觸動人心!! 如果有機會, 大家都試下睇佢嘅劇or戲啦!! 至於我睇咗嘅劇, 我打算一套一套講… 俾少少時間我!! Continue Reading

成海璃子電影列表

以下係成海璃子出演過嘅電影嘅中日對照表. (黃色highlight係主角) 日文名稱 中文名稱 年份 角色名 トリック劇場版 圈套劇場版 2002 琴美 楳図かずお恐怖劇場 まだらの少女 楳圖一雄的恐佈劇場 蛇少女 2005 京子 妖怪大戦争 妖怪大戰爭 2005 稲生タタル ウォーターズ 忽然七鴨 2006 チカ 雨の町 迷離三十年 2006 高橋絢子 神童 神童 2007 成瀬うた あしたの私のつくり方 明天的我的創作方法 2007 寿梨 きみにしか聞こえない 只有你能聽見 2007 相原リョウ Continue Reading

惡夢…

起身, 又發現尋晚發夢見到stephy. 今次個夢好恐佈…  佢好似唔係好睇到野(可能係弱視?), 拖住隻金毛尋回犬, 但係隻狗拖住佢衝來衝去… 咁我走去扶佢, 唔知點解撞鬼. 之後仲要响廁所又撞一次, 佢見到好多人排隊, 但係我就只係見到一個人… 之後我俾布施整醒咗… 但係諗諗下… 點解見親佢都發惡夢… 上次發夢我俾佢打一身, 今次又撞鬼… 莫非佢成為咗我新一代嘅惡夢??? Continue Reading

煲劇生涯

最近無寫blog, 亦無寫故仔. 不過唔係因為心情唔好wor!! 相反, 係因為心情極靚, 所以有太多活動, 而乜都無做. 事關最近又有返煲劇癮, 今季幾套日劇本來無追開, 無興趣嘅都搵返翻黎睇. 呢兩日睇開honey & clover (蜂蜜與四葉草). 本來無諗住睇, 但係上個星期日睇咗一套戲令我想睇成海璃子, 所以試睇咗一集. 咦!!!!!!!!!!!! 咁正嘅!!!!!!! 就咁樣, 我就決定睇落去啦… 唉, 我都要去洗個白白之後又煲啦…! 星期日睇咗咩同最近煲開咩就遲d再講啦!! Continue Reading

布施病了…

上個星期三, 布施唔知食咗d乜野, 搞到肚仔痛, 又屙又嘔.無計, 朝早請咗半日假, 同佢去睇醫生…打咗兩支針, 攞咗5日藥… 食咗藥即日無事, 今日亦已經食晒5日藥, 便便都回復正常啦!! 星期日下晝仲去咗街街~ 你睇我地幾精靈~~!! Continue Reading

寫作都再開!!

英文blog再開之後, 一定停滯中嘅寫作都開始重遇光明. 呢樣野, 真係令人又高興, 又興奮. 除咗本身心情好咗之外, 我諗我已經搵到今次writer block嘅原因. 最近幾個故仔, 我改咗寫作方式. 由劇本式, 轉咗做小說式. 因為我唔係寫劇本, 所以我覺得我應該轉用小說式. 但係可能用劇本式用得太耐啦 (我用英文寫作近10年, 約70部作品之中, 只有3部係用小說式, 其餘都係用劇本式寫咗), 我用小說式寫覺得有d辛苦. 其中一個原因係, 用小說式寫比同劇本式寫得慢. 以一個心急嘅人黎講, 用小說式實在係慢得滯… 諗好嘅野寫極都寫唔到… 加重咗壓力, 反而令到我寫唔出. 所以我都係覺得唔好勉強自己, 用返自己覺得舒服嘅方式寫係最重要. 雖然我依然覺得, 我一日唔用小說式寫我一日都唔會有進步, 但係我寧願寫好作好, 再慢慢修正修改成小說式, 會比我一開始就用一種我唔熟悉嘅方式寫作. 之前話影響到我情緒嘅作品都會响近排再開始寫, 不過可能首先我要由頭睇一次, get返個mood先!!! Continue Reading

08舞台劇

今日收到風….. 今年8月mo娘嘅舞台劇係Cinderella… 聽到之後… 去嘅意欲即時減半… 喂, 咁多野可以做, 點解要做d咁白痴嘅野?! 你當你而家係咩? 學校文化祭?! 大佬, 我地要俾錢睇架!!!! 可唔可以做d型d?! 手塚治虫都仲有好多可以做wor!! 藍寶石王子嘅續篇雙子騎又得, 又或者可以做火之鳥… 總之就有好多題材, 做乜好揀唔揀, 揀呢套野?!?! 唉, 不過… 如果愛妹做主角我依然會去睇嘅… 個point係去睇愛妹吖嘛, right? 尋日同朋友傾計, 我地响度傾, 邊個會做咩角色. 以下係我地嘅猜測… 唔知會中幾多個呢?? 王子: 愛妹Cinderella: Eri壞家姐1: Reina壞家姐2: Koharu仙女: Aika 我地係諗咗呢幾個咋. 同埋, 我係鐘意愛妹, 佢鐘意Eri, 所以唔多唔少呢個猜測係有少少期待成份. 希望係咁啦. 不過講真, 我都幾想愛妹做王子. 因為由上次個06舞台劇睇到, 愛妹做男角係比做女角正… 所以都希望係佢做王子啦~ 而且我諗, 愛妹做到王子佢一定好開心, 因為佢真係好鐘意做王子… 佢連隻狗都叫王子你就知啦~^^ 期待快d出Cast… 到時再update大家!!! Continue Reading

改變形象

最近心情一定不佳, 想諗辦法改善… 試過好多方法都唔得, 咁不如試下由外表改起!! 今朝起身無端端想剪頭髮, 於是中午就去咗髮型屋. 我本來係長頭髮, 上年年中一直留到而家. 尋日我都無諗住剪. 但係今日真係想改變一下, 所以一不做二不休, 剪!! 唔單止咁, 仲把心一橫, 染埋佢!!!! 就咁睇好似唔係染到好勁, 不過响足夠燈火下其實都幾啡下. 我係攞愛妹最近一張相去叫佢剪, 而且係照佢隻色染… 同燈光下應該有8,9成似(隻色). 我已經有成7,8年無染過頭髮, 我自己都有少少唔慣… 唔知係咪心理作用, 心情係真係好咗少少喎~!! Continue Reading