Monthly Archives: February 2008

歩いてる

最近個人成日都覺得好悶悶不樂咁. 情緒本來就有d失控. 加上上個星期日早上發生嘅一段 “生活小插曲” 令我覺得情緒上好辛苦. 响表面上我扮到無野無事咁, 因為我好怕人問我咩事, 我唔係鐘意講俾人聽果類人. 所以我寧願扮無野無開心… 不過事實上, 已經到咗極限… 痛苦無奈嘅感覺已經到頂. 但係問題係, 我搵唔到辦法舒緩… 而且原來明明唔開心要辦開心係好辛苦嘅事…

有想死嘅衝動.

我不嬲都係一個有自殺傾向嘅人. 有時候我會諗, 自己第時有點死. 中學果時, 我覺得自己會自殺死, 但係而家, 我覺得反而唔會. 我係有自殺自毀傾向, 不過我仲未捨得死… 我身為愛妹fans, 佢唱得歩いてる叫人唔好自殺, 又唱みかん話俾人聽人生充滿希望, 我點敢去死?! 我8月仲要去見佢… 我唔捨得死住… 何況而家有布施, 我養得佢我就有責任照顧佢同錫佢, 我唔會就咁就走咗去留底佢自己一個嘅…

幾辛苦, 我都仲可以睇mo娘, 睇下愛妹. 起碼睇嘅時候, 我可以暫時唔記得唔開心嘅野…

為去日本做準備

今日陪同事去幸運閣電腦城買野, 順便自己又去睇下有乜好野入. 最近最想得到嘅係一陪Skype電話, 咁我就可以好方便咁打上uonlive… 哈哈. 一問價, 即刻打退堂鼓… 原來過千…. 因為收到風8月mo娘有舞台劇, 所以而家正為去日本大計儲錢. 雖然而家都未知去唔去… 一切都係等舞台劇嘅資料公佈. 係愛妹做主角? 一定去. 唔係愛妹做主角? 請問去黎做乜?? 雖然話係唔係主角都會見到佢啫, 但係洗萬幾二萬銀去睇佢做茄? 我會覺得好心酸lor. 為佢為自己, 我覺得真係要佢做主角我先會飛去睇佢lor. 我上年已經無去到日本, 離對上一次見佢, 已經就黎兩年. 好掛住佢, 好想好想見到佢… 希望佢可以做到主角… 努力呀, 愛妹!!! 我都努力, 減少開資~!!! Continue Reading

ゲキハロ3

今朝終於睇晒隻ゲキハロ3嘅DVD. 今次係Berryz工房第二次演劇, 第一次係呢個. 點解個title係ゲキハロ3唔係ゲキハロ2? 因為ゲキハロ2係C-ute做, 我睇咗一半. 唔講C-ute啦, 講返Berryz. 今次個劇同上次一樣, 一睇張宣傳poster就知道邊個係主角… 我個miya竟然… 係竟然!!!!!!! 唔响第一行而係响第二行!!! 淨係呢點已經令我嘅觀看意欲減咗大半. 所以本來預咗錢買嘅呢隻DVD, 都响臨門cancel咗個order, 打算download黎睇咗先決定入唔入手. 搞到Buono!都被迫延期, 真係錯人不淺. 講返套劇. 今次係講有兩group唔同取向嘅學生. 一group係覺得讀書最重要, 另一group係唔叻讀書而覺得運動(課外活動)先係最重要. 讀書果group係yurina, saki同maasa, 運動果group係risako, miyabi, momoko同chinami. 睇poster都知, 兩group嘅頭號人物分別係yurina同risako. 個故事好老套咁話yurina飾演嘅學生會會長要棄除所有學校嘅課外活動, 而都得到咗校長嘅支持. 另一方面, 田徑部嘅risako就同yurina力爭, 唔俾佢棄部, 佢有一位運動老師嘅support. 個故事一聽就覺得行到頂點. 唔知點解d編劇淨係識寫呢d?! anyway, 後來佢地同意咗黎一個比試, 用自己嘅弱項對對方嘅弱項, 邊一方贏就會話事權. 就响立誓嘅翌日, 佢地發現咗好奇怪嘅事, 就係yurina同校長, risako同運動老師嘅身份對調咗. 之後就係集各人嘅力量想辦法幫佢地回復正常… (個結局都幾得意, 有少少驚喜) 講到呢度… 如果有睇過上一次ゲキハロ嘅朋友可能有發現, 兩個故事雖然唔同, 但係個pattern就好似… 上一次大概係講, 有兩姊妹,… Continue Reading

英文blog再開!!

原本今日睇講berryz個新舞台劇, 但係尋晚只係睇咗一半, 我覺得comment都係睇晒先講好d… so far有好多不滿… 遲d先講. 仲有要講下buono隻album… 聽就聽晒好鬼耐啦, 不過未有心情一路聽一路講… 遲d… 遲d… 今日心血來潮, reopen返個英文blog. 改咗個名改埋個url. 清咗d無聊post, 準備再出發. 仲有一個大計就係會將以往幾個英文blog嘅文章全部copy返過去… 包括2005年我第一個blog “princess room”入面嘅文章!! (圖片就好多都無咗架啦, 不過d字先係心血呀嘛^^)… 將會係好大工程… 加上已經開始砌以前嘅chat history… 本人將會幾忙下… Continue Reading

尋日嘅haromoni@…

死啦… 出事啦… 尋日haromoni, 終於出咗事. 一開場就見到d令人尖叫嘅野… I mean, 有無cute d呀??? 樣cute都算啦!! 我仲可以話樣係靠唔住嘅, 但係點解佢要連做嘅野都cute埋?!?! mo娘搞到無野好搞, 竟然玩吹醫生手套… 佢吹到好大個… 之後… (右手邊人物經過處理… 因為我唔想見到佢) 放手…… 你睇下佢搞到自己個頭?!?! 最後加個咬手指look… 嘩… 我懷疑佢有心要殺死我… (同樣, 右手邊人物經過處理… 因為我真係好唔想見到佢) 出事… 我永遠都對可愛嘅野毫無反抗能力…! Continue Reading

情人節晚大作戰

好, 終於有時間返黎交代返星期四果日blog入面講嘅大計劃啦. 報告一下, 成功咗呀!!!! 究竟我做咗d乜?? 其實講大, 又唔係真係咁大… 上星期四晚, 我打咗電話上uonlive網上電台嘅極道恐怖熱線!!!!!! 點解我會無啦啦打上去?? 事關佢果日有嘉賓. 有乜嘉賓會令到我打上去?? 咪就係藍秀朗lor!!!! 佢做咗恐怖熱線嘅嘉賓主持已經好耐. 一個星期平均都有一次, 講一講日本嘅靈異事件. 我好鐘意佢把聲. 好似一個好溫厚嘅人咁, 同埋可能係佢同日本有d關係啦, 我一直都好鐘意佢. 佢係一個作家, 出過over 10本書架啦. 我係佢嘅書迷, 每一本都有睇! 佢嘅文筆簡潔, 我好鐘意睇佢嘅書. 做咗fans都年幾, 都想有機會同”偶像”溝通下. 所以一聽到佢會上極道恐怖熱線做嘉賓, 我已經打算打電話去! 打咗幾次都唔通, 我以為唔得啦, 點知最後竟然通咗!!! 至於我同佢講咗d乜?? 你地自己去聽下就知架啦~!! ^-^)/ Continue Reading

出乎意料

各位, 情人節快樂~! 有情人嘅人都出晒去玩, 我呢d當咗偶像係情人嘅人就留守响屋企啦! 今日有一件都幾… 特別嘅事發生, 所以我覺得要記底佢, 於是上黎寫blog. 今日下晝, 工作意欲低下. 勉強完成都基本嘅工作之後, 本來仲有其他野可以做, 但係都無做啦, 就咁坐下渡時間. 上咗個hello! project嘅資訊網, 睇下有乜新料, 就發現咗8月個舞台劇正式由hello! project宣佈咗. 雖然仍然係無資料, 但係有正式公佈就即係可以期待啦. 睇到個news, 回想返2006年去日本睇愛妹嘅時候, 同一位我提過好多似嘅朋友上網傾計嘅事. 呢位朋友已經無再online, 佢係突然之間有一日byebye咗就唔見咗人嘅. 有擔心過, 有唔開心過, 亦有嬲過. 但係已經過咗半年, 突然諗起佢, 又有少少掛住佢. 之後有好多次我都想send個email俾佢, 但係結果都係無. 有少少因為面子問題啦, 覺得係佢無啦啦走咗去, 做乜要我去搵返佢. 今日唔知點解, 好想試下. 於是我就send咗個email俾佢. 其實我send嘅時候, 只係想做一d野, 叫做對得住自己就算啦. 反正, 網友呢d野都係兒兒戲戲. online就傾下計吹下水lor, 唔online, 就可以無咗呢個人. 雖然我同呢個朋友已經見過面, 但係咁又點. 人地响澳洲, 佢唔鐘意online, 我又奈佢咩何呢. 人地有心避你的話, 你根本就無得追,… Continue Reading

喜歡你

今日响公司狂聽Beyond. 當中有首歌好鐘意. 叫”喜歡你”. 入面有一段歌詞, 係咁嘅: 每晚夜裡自我獨行 隨處蕩 多冰冷以往為了自我掙扎 從不知她的痛苦 一聽就覺得心頭一顫. 同時間一個畫面閃過咗我個腦…個畫面係我寫緊嘅一個故事嘅一個情節. 同呢兩句歌詞好夾.聽咗呢首歌, 加深咗我對呢個scene嘅感覺… 有得著. 原來, 聽返d舊歌, 係有咁嘅好處… 不過呢個故仔要寫下停下. 事關我寫呢個故仔太投入啦, 而且呢個故仔本身幾慘下, 所以太投入會令自己情緒失控. 有一次連續寫咗幾日之後嘅一晚, 無啦啦寫寫下喊咗出黎… 之後一兩日都唔係咁開心… 我覺得, 投入係好, 但係都要好好管理下自己嘅情緒… 不過有時真係無計, 當自己响個故事入面出現嘅時候, 好多時都會同自己嘅心情連動咗. 希望可以寫好個故事, 投入嘅同時都可以適當咁抽離到啦. 為咗令自己抽離, 呢兩日都無寫佢, 寫咗另一個故仔. 呢個故仔係4年前某作嘅續篇, 同第一部嘅角色有少少互動. 我覺得呢個故仔會係我最近寫得最好嘅一個. 不過唔係講內容, 係文筆. 呢d都係我覺得架啫… 不能作準. 早兩日講過話會寫koharu同aika. aika除咗會响上述續作做主角之外, 都會出現响呢一個同koharu同berryz一齊嘅故事. 呢個都可以叫做又係某作嘅續篇… 其實嘅個故事係3年前已經有plan, 但係就一直都無寫. 本來主要只有berryz, 而家會加埋koharu同aika. 本來c-ute都想加, 但係太多人, 我諗我handle唔到, 所以都係唔好啦. 不過,… Continue Reading

第7, 第8期成員

而家嘅mo娘, 有差唔多一半成員係屬於第7同第8期. 第7期只有一位, 就係久住小春. 第8期係光井愛佳, 後期再加多兩個中國”留學生”. 今日唔係要講佢地兩個, 因為, 佢地响我嘅世界入面, 係連存在嘅價值都無. 不值一提. 今日主要係想講下小春同愛佳. 我到而家, 都係對第7第8期無感覺. 小春已經加入咗2年幾, 而愛佳都入咗就黎一年. 理論上我應該已經好接受佢地, 而”鐘意”嘅感覺亦都應該會出現咗. 但係事實上, 我對佢地依然係有如陌路人. 回想返第5同第6期. 當時真係唔想有新人加入, 但係佢地加入咗之後, 又鬼咁快令我鐘意咗佢地. 呢個情況, 就同第7第8期啱啱好相反. 第7第8期加入, 我無乜反對, 亦無乜支持, 但係佢地入咗咁耐, 雖然有d時候我會覺得佢地可愛, 但係就一d親切感都無. 今日响公司有時間發白日夢, 就好無聊咁諗, 點解自己會對7,8期成員嘅感覺咁陌生. 結果我諗, 會唔會係我寫故仔嘅時候無寫過佢地?? 我寫小說, 會幻想. 而幻想會將我同成員嘅距離拉近. 幻想佢地係我身邊嘅人, 發生一d事, 一齊解決之類. 雖然係幻想, 但係咁, 已經可以令我了解佢地多d. 第5期同第6期加入嘅時候, 我已經開始寫好多故仔, 會用佢地黎做角色… 所以我會對佢地有親切感. 但係第7, 8期出道到而家, 我甚少會用佢地黎做角色, 因為我鐘意5,6期, 又鐘意Berryz工房,… Continue Reading