Monthly Archives: January 2008

買咗零食俾布布 & Stephy演唱會CD入手

今日出街, 去購入咗多隻DVD, VCD同CD. 其中一隻就係Stephy隻演唱會CD.

係呀, 係CD. 雖然呢隻碟俾好多網民踩, 話佢唱成咁都出演唱會CD, 但係我講過我係支持佢嘅一群, 所以為表支持, 我當然第一時間入手啦! 加油呀, Stephy!!
呢隻CD跟咗張好大張又好靚嘅演唱會Poster. 不過我除咗愛妹之外係唔會貼架! 所以呢張Poster我可能會送俾人, 又可能會長睡我房間嘅衣櫃入面…

除咗Stephy, 我今日仲買咗d零食俾布布. 不過如果俾我媽咪見到, 又會話我縱壞佢, 買咁多零食俾佢…

講開布布, 最近天氣超凍, 但係佢咁大隻狗d衫仔又唔係咁啱心水無買到. 果晚突然變凍, 我就攞咗我自己件衫俾佢著. 但係因為太大, 要用夾仔夾住後面… 哈哈

著衫前…

著衫後…

今日去買咗張床仔俾佢瞓, 日後再俾大家睇下佢瞓覺個樣~

慶幸生命中有你

尋日話咗講愛妹, 所以今日一定會出現黎寫愛妹. 對愛妹嘅承諾我永遠都會盡力去做到. 幾大件事我都會, 可況寫blog咁小事? 以往幾年, 每一年我都會有一個循環, 一個唔係幾好嘅循環. 就係每一年年尾開始我對愛妹都會進入習慣期. 無咗個passion, 佢响身邊好似好理所當然咁, 而忘記咗去愛佢. 1,2月就會步入搞三搞四期, 會出去睇其他artists. 3月尾就會回頭是岸, 好後悔同討厭自己唔識得一心一意… 4月5月就係熱戀期… 到年尾又會出事. 不過今次有少少唔同. 因為上年年尾無咗個習慣期. 個份熱情完全無退過, 心入面就只有佢. 而暫時個搞三搞四期都無跡象會黎. 今年希望可以平安過渡啦. 講返d正常d嘅野. 今日返工, 零工作mood. 個精神完全集中唔到, 唔知自己做緊乜. 個腦就得愛妹. 我都估唔到自己可以咁鬼癲…! 諗到好多野… 其中有今後我套小說嘅發展. 但係出現嘅影像全部都係零碎scene, 有少少夾唔埋. 睇怕呢d都會今晚要做嘅工作. 故事進展比預期慢咗少少, 但係都叫做ok. 打算係唔係都晚晚打開下個file, 睇下寫唔寫到野. 有時候, 寫作係迫出黎嘅. 唔迫就會懶散, 就寫唔到好野啦. 最近嘅愛妹: 張相係concert嘅現場相. 佢响台上面又跑又跳, 搞到自己濕晒身. 頭髮又亂亂地. 但係我就係鐘意呢d. 鐘意睇佢concert濕晒嘅相. 佢真係太可愛啦!!!!!! Continue Reading

菅谷梨沙子第三本個人寫真集

今日收到最大衝擊嘅料… 就係risako將會响2月6號推出佢嘅第三本個人寫真集!!!!!!! 我第一個反應係: 唔洗出得咁密呀?!?! 有少少氣憤… 點解當年愛妹無出咁多?! click入去一睇… 咦!!! 好cute喎個封面!!! (細就細d… 將就下啦… ^^) 即時有想購入嘅念頭~ 不過我話過我唔會買多餘野, 而呢本野對我黎講一定係”多餘”, 所以都係唔買啦. miya有第二本我先買啦. 同埋, 各位大佬, 幾時同我個大孖(chinami)出返本呀…~!! 好! 聽日講愛妹!!   Continue Reading

活著有你多好

呢個世界上, 永遠都有d人覺得自己好重要, 但係同時又有d人會低估咗自己嘅對其他人嘅影響力wor. 好似愛妹咁, 佢到而家似乎都未知道自己响mo娘入面有幾重要. 佢成日低估咗佢自己嘅能力, 亦都低估咗自己嘅重要性. 記得佢入咗mo娘無耐, 就有機會企中間. 當時佢認為其他人會俾自己好. 之後佢成日都企中間, 佢依然係覺得係佢自己嘅運, 而唔係實力換取到佢嘅位置. 再之後做舞台劇. 我同朋友間都覺得愛妹會做主角. 結果宣佈佢係主角嘅時候, 最吃驚嘅係佢自己. 呢個亦都係愛妹嘅可愛之處, 佢唔會自傲, 永遠都覺得自己有進步同努力嘅空間. 佢同一般A型血人一樣, 係完美主義者. 佢對自己要求好高, 永遠都覺得自己未夠. 另一樣佢低估咗自己嘅, 係對人嘅影響力. 响呢度主要嘅target係講fans. 好似我呢d fans, 真係俾佢影響咗好多. 好耐之後都有講過, 有好有唔好. 但係如果俾我再揀過, 我依然會選擇鐘意佢. 佢唔知佢嘅存在對我地fans有幾重要, 我唔知其他人, 但係對我黎講, 無咗佢我真係會無晒精神寄託. 不過我爸爸成日教我, 天下無不散之筵席, 有相遇嘅一日, 就一定會有分離嘅一日. 呢個係世界不變嘅定律. 你就算幾想延續呢一刻, 都無可能做得到. 所以我都知, 我6年半前認識愛妹嘅一刻, 邁向分離嘅倒數就已經响不知不覺間開始, 無人知道會幾耐, 但係要做嘅, 係珍惜擁有嘅時間. 古巨基首歌都話啦, “不要相信一切有下次”. 世時無常, 好多野係無下次.… Continue Reading

曇花一現

我講緊嘅係, 鄧麗欣小姐嘅唱功. 自從上年12月演唱會之後, stephy一直被人取笑佢演唱會走音, 仲俾咗個花名佢要鄧走音. 各大頒獎禮亦都攞佢黎玩. stephy會係無奈還是無晒感覺呢? 呢個我唔知. 不過我本人係支持佢嘅一群. 人地响我面前話佢走音, 我唔會發嬲, 但係我會同佢地講, 其實佢都唱得好多架啦. 我去咗睇佢個concert, 係就係有走音, 但係真係進步咗好多. 要即係證明佢有得進步嘅. 只要佢俾多d心機唱歌, 佢一定可以改善. 呢一段唔只係一句”對白”, 我真係咁諗. 演唱會之後兩個tvb嘅show, 佢唱咗”再見不是朋友”, 我覺得佢唱得好咗. 唔係好好, 但係好咗. 佢好似學識咗點運氣, 唱到唱唔到嘅位, 都唔係走得好離譜. 頭三個頒獎禮, stephy都係無份上台攞獎, 只係齋坐. 到最後港台十大, 我都已經無諗過佢會有獎. 但係又俾佢入咗十大金曲. 我果日開住個電視, 有d公司野要做所以都無望, 齋聽. 聽到電燈膽個intro, 我即時望電視. 咦?! stephy今年唔洗食白果?! 我滿心歡喜, 諗住睇下佢今次唱成點. 點知… 唉, 一個月多d, 佢已經打回原型, 又係走音走到好似完全唔係果集歌咁. 小姐, 你唔走音是係曇花一現??? 對佢有點兒失望. 不過我依然相信stephy會進步嘅… 等你呀~! stephy話提繼續.… Continue Reading

人腦電腦一齊病…

長期睡眠不足加上天氣忽冷忽熱再加埋身邊多人感冒, 我開始有少少唔舒服. 不過都唔係好唔舒服嘅… 係有d頭痛咁lor. 今夜媽咪又有野做出咗街, 屋企無飯食但係又唔想出街. 好矛盾嘅心情… 一頭痛就乜都唔想做. 就連今日係haromoni@日, 依然係無咗好想睇嘅衝動. 明明知道睇完會開心好多, 又會精神好多(係, 愛妹係真係有咁嘅power令到我復活!), 但係就係提唔起勁去開… 咁無奈嘅日子裡面, 我一直以為係我好朋友嘅電腦, 竟然揀呢一日黎玩我. 我唯一一部枱機, 竟然… 開唔到. 於是一不做二不休將佢分解再結合, 最後發現原來只係個harddisk有事. 將windows重裝入新hardisk入面, 終於開到機. 但係個顯卡俾我分解再結合幾次之後有少少不支… 唉, 又整壞野啦…! 不過佢仲未死, 所以理鬼佢啦. 電腦就似乎好返, 但係人腦就越黎越嚴重… 死啦, 聽日仲要返工…! Continue Reading

布施襲地球

大家睇下布布d牙? 見唔見到隻生緊出黎嘅虎牙仔?? 呢張相我覺得影得佢好cute呀! 今個月嘅best shot ^_^!! 新眈頭~!! 今次都係蝙蝠. 上次隻黑色咬爛咗, 尋日俾咗隻新嘅佢… 不過唔時頂到幾耐… 今日個blog加插一段布施襲擊人類事件…! 注意: 由於我係渣機人, 被襲者唔係我…~ Continue Reading

布施近況

好耐無講布施. 其實不停有影相, 不過無post出黎啫^-^ 而家post俾大家睇! 咬住個波波, 諗緊點玩好~ 室間睇好似好細隻, 但係响室內, 就覺得佢好鬼大隻… 玩到攰, 坐下先…~ 好野~ 去街街lu! 喂~ 行得未呀~ 咁耐架~ 係係係, 最近有重大事件!! 14號夜晚, 布施甩咗一隻乳牙仔!! 係咪第一隻我就唔知啦, 因為多數狗會吞返d牙. 但係呢隻係我有生以來第一隻執到嘅狗牙仔~! 好cute架! 布施又展開咗佢成長嘅新一頁啦!! Continue Reading

2008目標

工作上唔講啦, 講多都哂力. 講返娛樂上. 首先為上年結數. 2007年一共開始咗17個故事, 當中有6個係已經完成. 睇返自己個list, 開始返工之後完成嘅只有一個. 其他都全部open狀態. 07年有一個大作, 至今寫到第63頁, 但係應該未寫到一半. 呢個故事係必完作品, 目標係08上半年完成. 仲有就係臨尾衝線開始寫嘅某作品嘅續作, 呢個故事都應該會完成, 因為第三部已經構思好. 2008年, 我希望可以有70%以上嘅完成率. 2006年我開咗27個故事, 當中有16個係响同年完成. 所以我希望08年嘅產量同完成率可以拍得住06年啦. 1月過咗三分一, 第一個故事即將出現. 另外就係, 我希望今年之內可以整理好我同一位網友由2004年12月開始嘅chat history. 我同佢嘅chat history有好多故事原素, 所以希望可以執返好佢, 等自己可以睇返呢d咁搞笑嘅回憶. 其實一路都想執, 不過真係好難… 因為太多太亂… 不過2008年希望可以啦!!! 娛樂上係諗到咁多, 今年都應該係寄情寫作. 希望下年年頭, 我可以向大家報告我做到今日寫嘅野啦!! Continue Reading

ハロモニ@ 2008年1月6日

好耐無睇haromoni@. 今日一睇, 真係好開心!! 佢地今日仲個個著和服… 嘩! 正! 好cute… 好cute呀…!! 你睇佢你睇佢… 咁大個人食野食都好似個小朋友咁…! 傻妹 好啦, 愛妹唔講咁多. 要睇多d就去http://aigokoro.com/leader睇啦^^ 咁响呢度就睇下其他member: 睇下我好耐無睇過嘅sub-leader. 今次個look真係幾ok吓. 但係講到cute, 一定要數sayu公主!! 個game佢要禮貌地話俾人聽果個人個假髮甩咗. 不過佢自己睇到都笑: 最後最後, 俾大家睇下reina, 佢都好cute架! 記得去http://aigokoro.com/leader睇下呀! Continue Reading