Monthly Archives: December 2007

史迪仔vs鋼琴

史迪仔同鋼琴有乜關係?

本來係無, 但係而家有啦. 點解?? 因為我個鋼琴老師送咗隻史迪仔俾我做聖誕禮物呀!!! 大家睇下, 真係好cute架!! 佢個身身好細個, 但係個頭又好大個喎!!

加多張我&史迪仔!

不能沒有你

某程度上, 呢句係一句廢話. 其實呢個世界, 無話無咗邊個唔得嘅. 無咗一個人, 除非你自殺架啫, 唔係, 咪又係咁. 食, 瞓, 返工, 放工… 今年實在係有太多事令到我明白呢個道理. 一個人從你嘅生活入面消失, 你依然生存. 同樣, 人地無咗你, 佢都唔會死. 以前有一位朋友同我講, “如果你有唔開心, 請你响攞起刀之前, 攞起個電話打俾我“. 佢係呢個世界上第一個同我講呢番說話嘅人. 我記得當時真係好開心好感動. 佢仲話會支持我. 但係呢一個承諾, 已經煙消雲散. 而呢一位朋友, 亦從我嘅生命中消失咗. 唔好誤會, 佢唔係死咗… 又或者佢真係死咗. 我唔知. 我只係知道, 突然之間有一日講完bye bye, 就無再on過line. 仲有一位朋友, 都講過類似嘅說話, 叫我唔開心就講俾佢聽. 結果, 响我唔開心嘅時候避咗我嘅, 都係佢. 友情係咪真係咁脆弱? 我唔知. 我只係知道, 我唔敢再相信所謂嘅朋友. 可能係我永遠都唔識得交朋友, 所以一直都無真心朋友. 呢樣野我自己要檢討. 不過就算而家俾我遇到一個真心對我好嘅朋友, 我又究竟敢唔敢再去試呢? Continue Reading

陪著你走

啱啱睇勁歌優秀選, 佢地唱咗隻”陪著你走”. 一聽, 又忍唔住喊. 對上一次聽, 係stephy演唱會入面stephy唱. 唱得幾好架, 响演唱會已經聽到我喊. 做乜咁感動呢, 其實係因為愛妹. 我鐘意咗愛妹6年半, 呢6年我經歷咗好多個階段, 由高中到大學, 到無業, 到而家做野, 好多好多變化, 好多好多嘅改變… 有朋友變敵人, 有戀人變陌路人, 亦都有唔識變成好朋友… 有開心有唔開心, 有傷過人亦有傷過自己. 但係無論係順境定係逆境, 愛妹都係”陪著我走”. 一路聽, 一路諗住愛妹, d眼淚就不斷咁流. 我真係好鐘意好鐘意佢. 佢真係陪住我走過好多路, 難行易行佢都陪我. 希望, 佢以後仲會陪住我繼續行我嘅路啦. 誰說 時間片刻變陳舊全為我分秒亦停留因我 身邊有你緊握我的手 愛 誰說永不會長壽陪著你一生到白頭都能 把心中星星閃得通透 陪著你走 一生一世也不分天天編出兩雙足印 過千山過千海如果 走到這世界邊端我倆已是無力前行 跟我一起飛去 Continue Reading

慶祝澳門特區成立八週年紀念迎奧運萬人演唱會

今日係澳門回歸祖國八周年, 我公司當然放假! 不過, 我今日比返工更忙更早起身. 因為, 今日要一早去氹仔運動場做野. 唔關公司事, 而係學琴果間琴行嘅老闆仲响澳門開咗一間氣球舖, 今次佢接咗呢個回歸show嘅氣球黎做, 所以搵咗我地幾個學琴or教琴嘅人幫手. 於是, 一早6點9就起身, 照顧咗布施食飯同大小便之後, 我就出發. 7點半去到集合地點. 齊人之後一行人就向氹仔運動場出發. 由於時間上好趕, 所以一去到就開公. 我地要吹大約2000個氣球. 8點開始吹, 吹到9點幾, 就開始有d dancer黎彩排. 再過多一陣, 就見到鄭秀文黎. 不過我對佢無興趣…! 哈哈. 後來何韻詩都黎咗, 佢企响度睇鄭秀文彩排, 佢真係好型. 我唔鐘意佢, 但係佢真係好有型. 我經過佢幾次之後都忍唔住同佢講咗一句: “你好型呀!”. 佢地之後仲睇咗許志安彩排, 但係都係唔多好睇. 許志安排完, 我地就搞掂前台d野, 返咗後台做野. 果時就見到陳奕迅, 楊千嬅, 李克勤. 不過, 最正都唔係佢地. 最最最正係咩呢, 見到森美!!!!!!!! 我地响地下做緊野嘅時候, 森美响我身後經過! 同我一齊做野果個女仔話見到森美, 但係我一擰過去, 森美已經行過咗, 只見到小儀. 但係小儀極串. 我地望住佢, 佢竟然睥一睥我地之後擰咩面,… Continue Reading

蒼蒼~そうそう~

多得某blog主大力相助, 令到我咁快就可以將公主嘅最新寫真集”蒼蒼”攞到手. 真係唔該晒! 尋日已經睇咗隻making-of dvd, 嘩, 今次本寫真集都係好好好好好靚. 好靚.今日收到寫真集, 就即刻開黎欣賞下!!! 公主近呢幾個月成熟咗好多, 可能因為咁, 今次本寫真集有一種之前幾本寫真集都無嘅感覺. 不過成熟還成熟, 佢不竟都只係一個18歲嘅妹妹仔, 所以都有以下呢d咁cutie嘅shot. 成熟照就唔post出黎啦, 要睇你一定有計嘅~ 自從公主嘅第一本寫真集開始, 我已經覺得佢係一個同 “傳統日本” 好夾嘅女仔. 好似佢著和服真係好靚, 同埋當佢响日本舊式房屋入面嘅時候永遠都有種好自然嘅感覺. 可以話, 佢帶出日本傳統美之餘, 日本傳統都幫佢發揮到佢嘅最美一面. 以下呢張係本人响整本寫真集最鐘意嘅一張相. 真係好有feel. 真係好靚呀呢本寫真集!! Continue Reading

養咗布施兩個月

養咗布施就快兩個月, 呢個大舊bb大得好快, 已經有11.55kg, 打晒3支防疫針, 同埋就黎四個月大. 上圖係兩三日前影嘅相, 佢手上係佢最近最鐘意嘅玩具. 布施係我嘅第二隻狗, 第一隻係松鼠狗kammy.養咗布施兩個月, 由於佢係bb, 所以有好多麻煩野, 例如周屋大小便, 咬爛晒d野咁. 而且今次係我自己堅持要攞佢返黎養, 所以阿爸同阿媽都唔會點幫我手, 所有野都係我自己理返. 記得對上一隻狗kammy(佢家陣都仲响度), 返黎果時又係咁, 但係果時唔知點解就無咁好耐性, 亦都無諗過要為佢付出任何野, 包括時間&金錢. 養咗幾日就覺得好煩想唔養, 我阿爸有問過我俾唔俾人, 雖然我好想, 但係我覺得自己好衰, 所以無正面咁答佢. 結果, kammy就一定响我屋企, 就快5年啦. 但係今次布施呢, 可能自己又大個咗, 識得負起責任. 停一停, 諗一諗咗先帶佢返黎, 所以可以叫做自己有咗心理準備. 養大種狗俾養細種狗更加花時間, 更加麻煩. 但係我就覺得養布施養得好開心. 可能係我肯為佢付出, 所以覺得麻煩少少無所謂啦. 講真, 有時候放工返到屋企, 真係好鬼攰, 真係好唔想再又要抹地又清潔. 有時一返到黎見到佢搞到d野亂晒, 真係覺得好煩. 但係見到佢一見到我返黎鬼咁開心, 咁個心又甜返晒, 諗, 做少少啫, 無所謂啦! 之後又攬住佢黎錫. 養咗兩個月, 偶而我會覺得佢好煩, 但係一次都無諗過唔要佢.… Continue Reading

與公主在一起的日子

知唔知呢個咁cute嘅bb係邊個呢! 如果有睇過mo娘新pv應該都會知道, 係, 佢就係mo娘6期成員, 道重さゆみ, 亦即係我嘅公主啦. 大個女咗係咪好靚女呢~ 我同每一個年資比較長嘅mo娘都有一段故事. 可能就係因為咁, 我先會對佢地特別有感情, 而呢種感情, 第6期之後嘅成員已經永遠都得唔到.其實唔係咩咁自滿嘅野, 只係一個事實. 除咗愛妹同eri之外, 最長編就應該係同公主sayu啦. 公主2003年頭出道, 不過我鐘意佢, 係2004年尾嘅事. 由佢出道到我鐘意佢之間嘅時間, 唔好話留意佢, 基本上我就係睇佢唔順眼. 佢做乜我都唔likey, 總之唔見到佢就係好. 不過我只係唔鐘意, 我對佢, 係無任何些微憎恨. 2004年睇咗個舞台劇就鐘意咗佢. 劇入面佢叫michiru, 所以我初初鐘意佢嘅時候, 唔係叫佢真名, 而係叫佢michiru嘅, 後期慢慢先改返口, 叫佢sayu. 再後來知道佢成日都話想做公主, 同埋方便我同d唔識日文嘅朋友講佢, 所以叫叫下就叫咗佢公主啦. 對我覺講, 公主係mo娘入面最聽我話, 同我有最多巧合嘅成員. 首先, 佢把又長又靚嘅黑髮.佢係mo娘(6期前)入面唯一一個無染過頭髮嘅. 呢個係我錫佢嘅其中一個原因. 我當時鐘意佢嘅時候, 我”叫”佢千其唔好染頭髮, 而佢真係到而家都未染過. 而為咗”獎勵”佢, 我應承過佢只要佢一日唔染頭髮, 佢出寫真集我一定會買齊. 呢個承諾, 到而家仲做緊架. 仲有就係, 2005年有一日, 我無啦啦想話睇佢嘅bb相, 結果第二日嘅dokyu(以前一個mo娘嘅節目)就有得睇. 再一次,… Continue Reading

命をかけて守りたい、大切なものがある

命をかけて守りたい、大切なものがある 以上呢句, 係愛妹06年舞台劇嘅slogan. 响劇入面無出現過, 但係poster同dvd封面都有. 呢句野嘅意思大慨係, “有一啲重要嘅我想用我嘅性命黎保護“. 呢句幾我好鐘意, 覺得好啱. 而我亦有我想用個性命黎保護嘅野. 至於係乜, 我就唔响呢度講lu, 你地估下啦. 因為只要我知係乜, 咁就夠啦. Continue Reading