Monthly Archives: September 2007

翼の折れた天使たち

因為連續假期而好閒嘅我…

所以就搵返d買咗好耐但係一直擺响度無睇嘅dvd攞返出黎睇. 早一期狂掃咗一埋上野樹里(唔知佢係邊個? 我講”野田妹”會唔會多人識得呢?), 所以執黎睇, 第一隻執起係就係呢套”翼の折れた天使たち”(中譯為: 折翼天使). 上野樹里主演嘅係第4個故事…

故事講述一個被父母遺棄因而非常之渴望被愛嘅女仔. 但係無論佢點努力, 佢d男朋友都會離佢而去. 有一日, 佢男朋友無啦啦留咗一個5歲嘅小男孩俾佢照顧, 佢開頭好唔鐘意佢, 覺得佢好煩, 但係慢慢就响佢身上學到原來自己一直追求被愛但係自己就無嘗試去愛過人.

好好睇呀. 最近睇d野都好好睇. 睇完之後好好好好好鐘意上野樹里呀!!!

好啦, 係時候繼續煲劇…~ 繼續睇樹里!!!!!

我的病人愛一次便夠

係, 又係遲來的一個blog entry. 呢個咁熟口熟面嘅title, 係9月16號果集森之愛情嘅title. 未睇之前, 呢集係我最期待嘅一集.睇完之後, 呢集係我最愛嘅一集.呢集過後, 我無再睇過森之愛情. 哈哈. 仲簽名支持腰斬… 未睇呢集森之愛情之前, 係有少少鐘意王菀之. 少少.睇完又後, 好鐘意佢… 不過唔肯認.但係而家, 係啦, 終於肯認自己愛上咗呢位香港唱作人. 講下對ivana嘅印象. 我未知佢係乜水之前, 已經認得佢對可愛到無比嘅耳仔. 我已經講過好多次, 我對人地嘅耳仔好敏感, 好鐘意睇人地對耳仔. 後來知道佢係邊個, 但係無聽過佢d歌, 因為我有心遠離香港娛樂. 上年頒獎典禮就已經好留意佢, 但係我都係繼續遠離香港娛樂. 不過係我個果type, 要令我愛上只係時間問題. 咁啱見到森之愛情有佢份, 向來鐘意睇鐘意嘅人做戲or劇嘅我已經期待到頂點. 一睇, 個故事好正, 好慘.. 好慘… 睇咗不下10次, 每一次都喊… 但係真係好好睇… 佢講野把聲… 實在… 實在係… 太太太太太太太可愛啦!!!!!!!!! 可愛到… 真係唔知點算好… 其實有好多要講, 但係千言萬語, 不知從何說起. 總之我今日寫呢個blog, 係想講, 我真係好鐘意好鐘意王菀之. 咁响呢度, 向每一位有支持過我鐘意ivana, 有介紹過佢俾我,… Continue Reading

猶疑

根本上我係一個非常之優柔寡斷嘅人. 無錯, 我係一個O型血但有著AB型性格嘅人. 識我嘅人都應該會試過類似嘅情況: 1) 約我去街, 我諗好耐先答你去唔去.2) 約到我出黎, 問我去邊度食野, 我又會諗好耐.3) 決定咗去一個地方, 但係行行下又想去第二度.4) 去到目的地, 點菜又會諗來諗去.5) 叫咗繼續睇餐牌, 之後又話第二d野應該好食d.6) 食完飯, 問我想去邊, 我又會諗好耐.7) 決定咗邊度都唔去, 但係返到屋企樓下, 就會話: “哎呀, 早時去果度啦!” 要我”毫不猶疑”係一件好好好難嘅事. 就算係一d好簡單, 好唔需要多諗嘅野我都會猶疑好耐. 好似, 最近終於肯認自己鐘意王菀之. 其實知道有呢個人好耐, 又鐘意佢把聲好耐, 又鐘意佢對眼同耳仔好耐… 但係都响度諗, 我應唔應該鐘意佢. 呀, 咁又大大話話諗咗成大半年. 哈. 係呀, 呢個就係我. 不過就係因為我知道自己係d咁嘅人, 我反而好多時候都買咗d其實自己唔係好想要嘅野返屋企. 事關當我鐘意一樣野, 我唔會俾自己諗左諗右, 覺得值得, 我就買. 因為我知道, 我一諗, 就又會諗好長時間. 不過其實咁真係好唔應該, 因為用多咗錢之餘, 屋企又多咗好多”垃圾”. 因為有好多野, 我諗咗之後係唔會買嘅… 就好似hello! project成員嘅單獨寫真集咁,… Continue Reading

又一次救咗我啦

有時有d野嘅timing真係幾啱. 每一次有d事發生令到我覺得好唔開心嘅時候, 愛妹都會用佢嘅方法黎cheer-up返我. 可以係出碟消息, 可以係特別嘅節目, 甚至係郵寄嘅精品到手… 等等等等. 點解我會突然講呢樣野呢… 其實呢排因為一個朋友嘅態度令我覺得好心淡. 學識咗咩叫, 你對人好人地未必對你好. 見佢冷淡, 就好努力咁用第二個方式, 第二d話題同佢傾計, 但係根本無效果. 有小小覺得自己自討沒趣. 你當人地係朋友, 人地就一d都唔顧你嘅感受. over the internet, 可以話唔見咗就唔見咗, 就好似一開始無存在過咁, 消聲匿跡. 呢個朋友, 其實唔只一次. 佢就係咁自我. 佢鐘意同你傾計, 佢會出現, 同expect你會同佢講野. 佢唔鐘意, 就會好似煙咁, 散咗去連影都唔見. 每一次我都唔開心, 但係佢出現返, 我又唔想話鬧佢嬲佢. 人地話, net-friend就係咁架啦, 始終網上嘅人同埋事, 就係咁虛無縹緲, 咁唔真實. 我都係咁覺得, 所以如果真係只係net-friend, 我唔會放個心落去. 但呢一個, 有d特別. 因為我地已經見過面, 上年仲個個星期video chat. 我以為佢好了解我, 我亦都好了解佢. 我覺得佢可以係我一生嘅朋友. 哈, 但係原來, 係我自己一相情願.… Continue Reading

我嘅中文blog 2號~

啱啱諗住開多一個blog嘅時候, 有朋友叫我試下用msn嘅my space… 反正唔洗再註冊~ 一於試下好唔好用啦~ 呢個新blog多數係記低一d突然之間出現响腦入面嘅文字同畫面… 所以可能幾無厘頭下~ 不過如果有興趣都可以去睇一睇嘅~^-^http://littlebatwing.spaces.live.com/ Continue Reading

阿四&兄弟姊妹近況

好, 今日講阿四! 阿四係乜水? 咪就係8月21號出世嘅6隻金毛狗仔嘅老四lor!! 無睇過之前個post可以睇返! 點解佢叫阿四? 因為呢d狗仔都會有新主人, 所以都無為佢地改名. 都係用順序黎叫. 咁點解我特別講阿四呢~ 原因係如無意外我應該會帶佢返屋企… 不過係遲d….~ 而家好努力諗緊名… 好啦, 一次過update返晒呢個月嘅成長過程啦!! 以下係出世11日… 仲未開眼~ 17日~ 已經開晒眼, 又聽到少少野啦~ 呢張係9月14號, 愛妹生日果晚影嘅. 24日~ 以下呢幾張係今日影嘅, 1個月大啦~ Continue Reading

LIFE完滿結束

由一開始超級期待, 到睇到中段想放棄唔睇, 但係都捱到最後一集嘅LIFE終於睇完. 最初想睇係因為有沙紀, 但係令我由中段開始力戰到尾嘅唔係佢, 而係北乃きいちゃん. 其實我開始睇嘅時候麻麻地佢, 可能係14歲媽媽嘅時候佢有少少乞人憎啦. 不過如果你問我, 我覺得呢套劇入面嘅きいちゃん都唔係咁討好. 或者, 我從來都唔鐘意一d做好人嘅角色掛. 而且劇入面嘅ayumu, 其實係幾婆媽. 所以一路都唔鐘意佢個角色. 但係故事嘅後段, 佢開始識得據理力爭之後, 我開始幾鐘意佢. 同埋, 頭半段佢慘咗咁耐, 其實都好想見到佢有苦盡甘來嘅一日. 所以就繼續睇落去. 一路都係睇得有d辛苦, 因為都幾悶下. 但係呢, 睇到第10集就覺得幾好睇, 而第11集大結局, 我睇到喊咗幾次. 成個故事流程其實都幾悶幾行下: 首先係好朋友, 之後反目, 繼而俾人蝦, 而之後有新朋友, 得到家人&朋友嘅諒解, happy ending. 而壞人就無好下場, “施虐者”風水輪流轉變成”被虐者”….. 真係真係真係行得很… 不過呢, 呢套劇好就好在埋尾埋得好. 我份人好無記性, 所以如果個結局好, 我基本上都會覺得套劇係唔錯. 好… 而家去食飯… 飯完再煲一次life嘅大結局!! Continue Reading

生日快樂…………….

我知……. 我知我遲咗兩日….. 唉….. 對唔住呀, 愛妹….. 有好多好多好多好多預定…. 但係1樣都做唔到…. 本來諗住愛妹生日果日我買個蛋糕同佢慶祝… 但係我又病咗, 唔食得蛋糕…. 本來諗住愛妹生日果日開始寫一套plan咗好耐嘅小說… 但係又係因為唔舒服而無做到… 本來諗住寫blog, 呢度, 同aigokoro.com, 祝佢生日快樂… 但係因為瞓鬼咗而搞到今日先寫… 本來… 好多好多嘅本來… 但係竟然乜都做唔到俾佢.. 不過我希望佢知道, 咁唔代表我唔重視佢… 佢永遠都係我生命中一個好好好好好重要嘅人… 點都好, 遲到好過無到… 生日快樂呀, 愛妹!!!!! (今年嘅生日精品已經到手~ 咁多年來第一次响佢生日前到手. 多謝雅明商場風船屋同我買返黎呀!! 感謝!) Continue Reading

下次下次

富士山下終於完滿結束, 感動中… 呢首歌係我彈得最辛苦嘅一首歌… 因為我最差係拍子, 而呢首富士下山嘅拍子有一段好難. 淨係果段仔練咗成2個星期. 不過我之前都講話, 過咗富士山下就係天堂. 因為呢, 富士下山係”課程”嘅最後一首歌, 以後, 就可以自己選擇要彈嘅歌. 今日上堂用咗5分鐘時間, pass咗富士山下, 之後就一直同miss討論下一首要彈咩. 之後佢彈過衛蘭嘅 my love my fate, twins嘅你不是好情人同古巨基嘅愛得太遲俾我聽, 呢3首歌我都好鐘意, 所以果時都諗住第一彈自選會响呢3首入面選. 今日除咗呢3首, 仲多咗一首候選, 就係阿嬌首solo – 非君不嫁. 聽來聽去, 都係最想學阿sa首你不是好情人… 就係準備拍板之際, miss攞咗一個新琴譜入黎. 一打開…. 竟然有惡夢隻下次下次!!!! (點解我會叫薜凱琪做惡夢, 請睇返呢個post) 而且一睇, 俾阿sa隻你不是好情人容易!! miss亦都話, 彈咗下次下次再彈你不是好情人會順d. 所以就拍板, 決定彈下次下次. 自從上次森之愛情之後我聽呢首歌都好有feel…~ 所以超希望彈好佢!! 朋友們, 你地等我表演啦!! 哈哈!! Continue Reading