Monthly Archives: July 2007

堅強

我覺得就算一個平時非常軟弱嘅人, 當搵到一樣要保護嘅野, 或者一個要保護嘅人, 就會變得非常堅強. 因為, 佢會寧願自己受傷, 都唔希望見到佢所愛嘅人受到任何傷害. Continue Reading

LIVE CHAT

啱啱睇完mo娘同berryz嘅live chat.http://livetalk.yahoo.co.jp/performer/307/ 雖然我問嘅問題無被抽中出黎問, 但係我好enjoy同佢地”一齊”做一樣野. 好耐以前, 有一個前成員有一個直播嘅電台節目, 果時我响紐西蘭讀書, 逢星期四我都會半夜3點鐘起身去聽. 我鐘意呢種, 同佢地一齊做同一樣野嘅感覺. 好耐都無呢種live野. 今年我去唔到日本見愛妹, 呢幾日都好唔開心. 但係今日見到愛妹live, 我真係好好好好好開心呀… 呢幾日嘅黑雲即刻吹走晒~ 多謝你呀, 愛妹… 有時d野就係咁啱, 我最唔開心嘅時候佢永遠會有d野令我開心返~ 但係睇都好有代價. 個live show响日本時間7:30開始, 而澳門時間就係6:30. 但係我返工要返到6:30. 平時我無時做都會坐多陣, 個lift無咁多人先走. 返到屋企有時成7點. 但係今日約咗愛妹, 所以6:30搭正我就標咗出公司, 9秒9衝返屋企. 紅綠燈都唔得閒睇. 結果由公司等lift計起, 到我返到屋企坐低, 只係用咗4分幾鐘… 簡直破晒世界紀錄… 返到黎隻腳好似就黎甩出黎咁滯… 唉… 我諗我真係要做下運動先得啦, 唔係下次去concert我驚跳唔起愛妹見唔到我就唔好啦~ 哈哈, 雖然天氣咁熱跑到身水身汗係好辛苦, 但係我覺得係值得嘅…!! 除咗愛妹, Eri好cute呀!!!! Berryz啦wor, 就唔洗講啦!!!!! Continue Reading

乖寶寶與非常搗蛋王

好. 終於有時候講下我對孖寶啦. 早幾日hello! project dvd magazine入手, 一開就睇berryz果part啦. 咁除咗睇下miya之外, 主要都係想睇下孖寶咁啦. 我對孖寶呢, 個性格好唔同. 一個比較溫柔文靜, 另一個呢, 就好活潑貪玩. 隻dvd magazine多數係玩遊戲, 今次berryz係考下佢地對hello! project有幾多認識. 一人做一份試卷. 全部答啱有100分. 做得最好嘅有奬, 最差就要罰. 排排坐考試~ 你地睇下細孖幾認真? 大孖呢… 就抓晒頭: 結果呢, 最高分嘅係Captain Saki嘅40分, 最低係Miya… 佢… 竟然0分…最高分嘅Captain有得食朱古力香蕉… 而最低嘅Miya呢, 就要食由其他成員炮製嘅超難食朱古力青瓜… 好啦, 而家我地睇下孖寶做緊乜? 大孖呢, 就响度同其他成員興高采烈地整到支青瓜有咁難食得咁難食. 實行要食死Miya為至… 之後仲跌鬼埋: 搞到Miya無眼睇… 而陪住Miya嘅, 就係細孖啦!! 佢只係企埋一邊睇, 一d都無落手搞. 睇到無~? 細孖係咪好乖呢? 大孖呢, 就係一個超級搗蛋王… 乜都有佢份, 尤其係搞事嘅時候~不過兩個都咁cute, 我兩個都咁錫 PS: 講真, d問題真係好難…… Continue Reading

曼聯~

啱啱睇完曼聯對深圳… 好好笑…. 但係又幾好睇. 好有娛樂性. 無我好鐘意嘅球星, 所以無諗過去現場睇. 但係電視啦wor, 一定要睇啦! 因為我都ok鐘意rooney. 結果, 係意料之內. 哈哈!!! 好耐無睇足球, 今日有得睇d有足技嘅球隊, 好開心~ Continue Reading

女に幸あれ

啱啱睇咗mo娘嘅新歌performance. 呢首歌我幾鐘意, 但係其實又同之前d歌好似. 不過呢個就係mo娘啦, 聽一隻大碟十幾隻歌好似聽緊一首好長嘅歌咁. 哈哈, 不過我都係咁鐘意佢地. 好啦, 今次有咩要講呢…! 唔係講愛妹wor, 你地睇分類都知道啦! 今次係講新上任無幾耐嘅第二最愛eri. 好多個月之前我已經話佢應該係打算留返長d頭髮, 而當時同佢嘅頭髮長度差唔多嘅我, 就無再keep住剪短啦, 同佢一齊留. 講開又講, 就算之前我唔係好鐘意eri嘅時候, 都咁啱同佢一齊剪短, 又一齊keep住個短髮. 到我開始覺得悶, 想留返長, 佢又好似想留長咁, 所以我同佢嘅頭髮長度一向都幾似. 不過只係長度, 髮型唔似. 而且而家佢比我長少少, 因為我上次去剪頭髮嘅時候剪得碎得滯, 搞到而家好似留極到唔長咁… 唉… oh, 唔好講我個頭啦, 講返eri個頭啦. 平時睇haromoni佢成日就整到卷卷地咁, 所以都睇唔到佢真正嘅長度, 要今日新歌個perf先見到. 嘩~ 我最鐘意係呢個長度. 唔長唔短咁係最可愛嘅時期! 佢呢個頭髮長度同佢長髮同短髮嘅時候嘅感覺好唔同… 太短就活潑得滯, 太長又太成熟, 到膊頭又有少少唔湯唔水. eri而家呢個, (响我嘅尺度黎講) 係最可愛嘅. 見到佢呢個look令我有少少story ideas explosion (故事靈感爆發). 都好嘅, 我都好耐無寫過eri做主角嘅故事啦… 對上一次… 已經係2年幾前… 哎呀,… Continue Reading

LIFE第四話

好啦, 今集開始越玩越大啦. 大家黎睇下佢個陰險樣先: 掉晒佢d野呀, 寫黑板呀, 用水淋佢呀果d不在話下啦. 呢班恐怖嘅妹妹仔仲有玩膠水… 但係最過份嘅, 莫過於擲佢張枱落街啦! 不過決定咗唔衰俾人睇嘅主角, 竟然自己抬返張枱上去, 沙紀非常震驚而且好嬲… 似乎下一集仲會玩大d wor… Continue Reading

pure+

本來準備要講孖寶, 尋日已經想講, 但係講咗學琴事件所以又無講, 今日睇咗risako本寫真集嘅making, 趁新鮮又講咗先啦. 唔好意思呀, my dear孖寶 咁今日就講下呢個13歲嘅小妹妹菅谷梨沙子(Sugaya Risako), 佢係我第一個鐘意嘅Berryz, 可惜而家已經3甲不入. 不過唔緊要, 我基本上愛晒所有Berryz! 好啦, 入返正題. risako尋日推出咗佢第二本個人寫真集. 講真, 我好唔滿意. 我對孖寶一本都未有, 何解佢要有兩本!!!!!!  算啦, 原諒佢. 睇咗個making, 覺得佢今次本寫真比我想像中好好多, 不過就係睇極都唔覺得佢得13歲lor… 你地睇下: 係咪好cute呢?! 我最鐘意就係呢張啦!! 一個中學生出寫真集一定會有嘅校服look: 不過就有d鄉下學校d feel… 好啦!! 到我評分嘅一大著眼點, 瞓覺look! 講真, risako嘅瞓覺look响hello! project嘅數一數二嘅cute架…~ 你地睇下, 呢個妹妹仔邊度似13歲呀? 咦? 不過睇呢張d表情, 又幾細個wor… 有少少期待, 仲有少少衝動想買… 諗下先啦…!   ###重要新聞###今日宣佈咗hello! project會有一個新group, 而呢個group個名要”Buono!“. 成日有3位, 就係我家berryz嘅miyabi, 加momoko, 同c-ute嘅鈴木愛理. 出道歌將會係8月新出嘅其中一套動畫嘅主題曲!! 好開心呀!!… Continue Reading

小蝙蝠學琴的故事

轉返全日工之後, 學琴時間由星期一嘅4點半, 轉到星期五嘅7點半.對上一次學琴係上個星期一, 所以今日見到個彈琴老師, 好似好耐無見過佢咁, 有好多好多好多野想同佢講. 但係上堂得果45分鐘, 又要彈琴, 可以講得幾多? 不過都用咗小小時間响吹水上面. 有人會覺得, 你有無搞錯, 俾錢去吹水?! 但係對我黎講, 雖然用咗時間去傾計, 但係我依然係學到野. 而且同彈琴老師嘅亦師亦友嘅關係, 令我對彈琴嘅興趣增大咗. 咁大個人去學琴, 已經唔係再為埋d咩考級呀果d野, 純粹就係興趣. 咁邊有人會想自己嘅興趣變成自己嘅壓力? 唔通鐘意一個木口木面咁對住你嘅老師? 而家我學琴學得好開心, 而彈琴令我覺得好舒服, 好愉快. 我生日媽咪送咗個電子鋼琴俾我, 我而家响屋企有得練啦~ 而且得閒無事, 都會去彈下, 响完全無壓力嘅情況下享受. 講真, 我開始話想要學返琴, 有幾多個人睇好? 一定覺得我三分鐘熱度, 玩兩玩就放棄. 有邊個會諗到我會繼續而且越彈越有興趣?! 老實講, 連我自己都唔睇好自己. 所以我有今日, 雖然唔可以話有乜野成就, 但係我真係好多謝我呢位老師. 係佢令到我越黎越鐘意彈琴. 而且佢亦都係我一個好好嘅朋友, 有想將一d生活上發生嘅事同佢講~! 能夠有呢種緣份, 响咁多間琴行, 咁多鋼琴老師中認識到我而家呢個鋼琴老師, 我真係真係覺得好幸運!! 雖然佢應該唔會睇我個blog, 不過都想响度同佢講句多謝~. Continue Reading