Monthly Archives: June 2007

孖寶

雖然係”與雅同行”分類, 但係今次唔係講miya, 而係講其他berryz. 其實我都諗過開過一個分類俾其他berryz, 但係諗住都會唔成日講, 就費事再開啦. berryz嘅就歸納入miya個分類啦.

好啦, 言歸正傳. 今日我要講下我對孖寶. 邊個係我對孖寶? 就係佢兩個啦:

無錯, 係德永千奈美(Tokunaga Chinami)同熊井友理奈(Kumai Yurina). 佢地兩個就係我對孖寶啦. 當然, 呢個係我咁叫佢地啫, 所以我一直強調係我對孖寶.

咁點解我會咁叫佢地呢, 除咗佢兩個都係我嘅心肝寶貝之外, 就係佢兩個經常响演唱會被一pair唱歌. 上幾次演唱會已經係咁, 今次果個, 又有佢兩個份啦. upload咗俾大家睇下:

我好鐘意佢兩個一齊, 因為我覺得佢地個feel好夾.
據我研究所得, chinami係幾識得照顧係果類, 而yurina就反而係傻更更果種, 所以佢地一齊好balance. 同埋yurina實在係幾高, 如果佢個partner太矮, 就會好奇怪. 好就好在chinami都有返咁上下高, 所以佢地match起黎好好睇. 可能d製作人都有同感, 所以佢地都偏好將佢地放埋一pair架.

孖寶係我嘅berryz rank入面嘅2同3. yurina 2, chinami 3. 第1啦wor, 唔洗講都知道係miya啦(^-^)

題外話: 今晚沙紀套新劇終於出街, 希望可以快d睇到啦!! 睇完我會再開post講架啦!!

狂叫kawaii嘅11分鐘…

尋晚臨瞓前見到公主(sayu)嘅寫真集making有得down, 就快d down黎睇下先. 雖然都係諗住買架啦, 不過有得down個making咪睇咗先lor, 到時我本寫真集黎到, 連隻dvd都可以唔拆出黎, 幾好?  不過其實都仲有一個比較奸嘅目的嘅, 就係如果真係好差好差好差, 差到我接受唔到, 咁我仲有得cancel個order慳返幾百蚊… 不過當然只係真係差得好離譜嘅情況先會咁做, 因為3年前我曾經同公主講過, 只要佢一日唔染頭髮, 就算我已經佢再唔覺得佢可愛, 我都會一路買佢出嘅寫真集. 但係一睇到個開頭, 我已經知道我呢個奸目的係唔會發生. 因為佢實好係太太太太太太cute啦!!!! 買多幾本都抵呀!!! 真架! 呢本相信會係我近年最鐘意嘅寫真集(愛妹果d除外, 佢果d無得計). 我一路睇一路狂呼kawaii. 個making dvd 11分鐘長, 我真係叫足11分鐘… 一d都無誇張. 佢咁cute我當然唔會收埋收埋… post一堆相相俾大家睇下先啦! 瞓覺look…….. KAWAIIIIIIIIIII 校服look!!!!! 呢個look其實令我諗起佢一出度果時個pure樣… Continue Reading

berryz演唱會

尋晚睇咗berryz新出嘅演唱會dvd. 但係… 睇到一半我… 竟然… 眼瞓… 不過miya真係好cute, 唱歌又正… 講開又講, berryz隻新碟首c/w好好聽…~ Continue Reading

你唔鐘意愛妹嗱?

早兩日, 有條白痴仔响msn度叫我, 問咗我一個史無前例嘅白痴問題. “你唔鐘意愛妹嗱?” 佢問完我, 我嚇咗一跳. 唔係呀話? 咁白痴嘅問題都問得出口?! 於是, 我就鬧完佢低B之後, 問佢點解會咁問我. 而佢就答話因為我個msn頭像之前兩日唔係用愛妹. 而我個名又轉咗, 加埋個個人訊息都轉埋, 佢就以為我另結新歡啦. 白痴仔, 我而家話你聽係咩事. 1) 頭像: 我成日都會轉下, 有d新鮮感. 早兩日見到koharu個眼鏡look咁cute, 咪用咗兩日做頭像lor! 而家玩夠, 已經變返做我嘅最愛. 2) 個名: 家陣要返工, 有公司人响list, 諗住唔好用埋d古靈精怪名之嘛. 用返我自己個名. 而後面果句”endless”(公司部腦版), 其實都係對愛妹講嘅. 本來都諗過用”endless love”嘅, 但係太肉麻太浮誇啦, 而且俾公司d同事見到, 因為同佢地唔熟, 唔知佢地會諗乜… 所以咪隱悔d lor. 愛妹明就得啦, 心照. 3) 個人訊息: 呢個最白痴, 因為我只係無寫愛妹個名落去. 我現時嘅個人訊息係”あなたはいつまでも私のエンジェルだよ~ん” (你永遠係我嘅天使), 果個”你”咪就係講緊愛妹lor. 唔係咁都要問呀…? 明未呀? 白痴仔? 我講過好多次我唔會再遺棄愛妹架啦, 仲要問…… Continue Reading

情緒

最近經常有少少情緒失控. 情緒波動得快, 1分鐘前好開心, 1分鐘之後可以發癲打牆. 無端端會想喊, 想大叫想打野, 同埋會想用某種道具做d唔係好應該做嘅事. 有人嘅時候我都會盡量控制, 費事人地以為我痴線. 但係其實好辛苦下. 今日放工無啦啦發癲, 做咗乜就唔好响呢度講啦, 總之就唔係好野啦, 同埋, 係對愛妹唔住嘅事. anyway, 但係其實今日唔癲得, 因為聽日要考駕駛理論, 今日要讀書. 所以癲完一輪 (大約… 45分鐘至1個鐘咁上下), 就要諗辦法搞返添個mood. 於是, 就用咗最行, 但係又最有用嘅方法 – 睇愛妹. 一路睇一路讀~ 睇咗3個concert之後, 家陣個mood好返好多~ mo娘嘅concert真係有用~ 多謝你呀, 愛妹! Continue Reading

實在太令人失望啦…

我講緊嘅係liar game嘅大結局. 首先, 3個鐘頭係呃人. 白痴, 係咁將之前10集炒埋一碟, 播完果10集嘅”精華”之後, 只係得返大約45分鐘(飛咗廣告), 就其實就係同1集嘅長度一樣. 再講, 最後一個game真係好鬼長, 又唔好睇. 神崎直又白痴. 我有少少頂唔順. 可能係我唔buy佢個理論. anyway, 好高興佢完咗. 下個星期開始同一時間係沙紀嘅世界. 不過佢做衰人… 我只係希望, 我睇完都會一樣咁鐘意佢, 或者係, 更加鐘意佢. Continue Reading

睇完生徒諸君啦

天氣開始熱, 就即係話夏天已經到位… 又即係話… 夏季嘅日劇就黎啦~!!! 春季日劇我一開始睇5,6套, 但係一路睇一路減, 最後我有追嘅只有2套: 生徒諸君同liar game. 呢2套劇日本方面已經播完. 不幸身處日本國外嘅我就只可以等下載. liar game嘅3小時大結果因為成1.6gb, 下載需時, 加上我個bt瓜瓜地, 所以都未有得睇. 生徒諸君就啱啱睇完, 眼淚都未乾. 個結局好唔好睇呢…? 其實我覺得麻麻地. 其實大概都估到係咁, 有少少行行地. 不過唔係差嘅, 不過都唔係誇啦啦咁lor. 反而我覺得第8同第9集講樹村珠里亞(堀北真希)果段好好睇… 哇哈哈~  睇生徒諸君我只係喊咗3集, 就係8, 9同大結局. 因為呢幾集就係主要講珠里亞. 而我睇完呢套劇, 發現原來我真係幾鐘意堀北真希…!! 再黎就係liar game. 唔知要等幾耐先有得睇… 不過我朝思暮想佢快d完, 終於等到呢一日嘅來臨… 好開心… 不過其實我唔係唔鐘意睇liar game, 都ok好睇嘅, 但係戶田有少少令我覺得佢好煩…!! 但係點解我會希望佢快d完呢? 其實係因為liar game完咗之後跟住會做果套劇!! 6月30號liar game時段會出嘅日劇叫ライフ(Life), 係我最鐘意嘅劇種之一(校園片). 而最重要嘅係, 沙紀將會做呢套劇嘅主角!!!!! 詳細內容我諗我要睇過先俾到評語…!! 我想快d睇你呀, 沙紀!! PS: 今季さゆり都好似有劇出,… Continue Reading

為地球做小小野

我一向都係支持環保嘅人. 雖然我唔係果d會因為環保而會唔睇電視, 唔打機嘅人. 夜晚瞓覺我都會聽住廣播劇, 而且, 我永遠都會有一部電腦開過夜. 我無改變我嘅生活習慣, 但係我都有我嘅原則, 為地球先生做小小野. 第一, 好似依家天氣咁熱, 好多人都會開大冷氣. 但係我只做會响瞓覺得時候開. 日抖响屋企, 我都唔會開冷氣. 夜晚開, 都唔會低過24度. 第二, 我會盡量唔食剩野, 因為咁就唔會製造多餘垃圾. 就算真係食唔晒… 我就會叫我隻狗狗幫我搞掂 第三, 睇完電視, 我唔會用遙控關. 一係就按總制, 一係就拔插蘇. 仲有就係用少d膠袋啦~!! 其實呢d都係好小事, 人人都可以做到. 但係唔好似為無用. 你而家做嘅小小野, 就將來就會有好大幫助!! 呢個道理係愛妹3年前教我嘅…! Continue Reading