Monthly Archives: May 2007

miyabi寫真集

仲有2日多d, miya嘅個人第一本寫真集將會發售.
我30幾日前已經期待緊呢本寫真集,
今日睇到個making dvd嘅preview…
嘩… 好正… >.< 太感動啦~ miya大個女啦…~

睇3分幾鐘野, 我cap咗32張相相出黎… >.<~
因為… 佢實在係太可愛啦…!!

期待寫真集到手…

生徒諸君!

日劇季頭嘅時間完全無興趣要睇劇嘅我最近一口氣將幾套劇嘅1-5或6話睇晒. 當中包括: 生徒諸君!Liar Gameプロポーズ大作戦ちびまる子ちゃん冗談じゃない! 當中ちびまる子ちゃん同冗談じゃない!睇咗2集就宣佈投降, プロポーズ大作戦因為有p仔(山下智久)所以頂硬上繼續睇… 而真係想睇落去嘅, 就只有生徒諸君! 同Liar Game. Liar Game我有機會再講, 今日想講下生徒諸君! 睇個名就知, 呢套係一套校園片. 校園片不外乎熱血教師同不良學生, 熱血老師用行動感動不良學生, 將佢地變返好. 無錯, 未睇已經知道套野大概係講乜. 睇咗兩集, 第一樣諗起就係極道鮮師, 再之後就諗起3年B組金八先生. 呢套生徒諸君感覺上就係兩者嘅混合體. 不過講真, 呢套d學生係比較過份. 佢地做嘅野一d都唔可愛, 又無良心. 極鮮嘅學生, 佢地係就係壞, 又會打交, 但係佢地有良知, 心地都叫唔錯. 而且好團結. 3B嘅學生, 好似一盤散沙咁, 但係佢地其實個個都唔壞. 會打交, 但係唔會响背後做小動作. 但係生徒諸君呢? 佢地班入面有個組織叫3TD, 口口聲聲就話保護d同學, 但係其實就係獨裁主義, 要d人聽晒佢地話. 人地一做d佢地唔鐘意嘅野佢地就會蝦佢. 令我覺得佢地幾乞人憎下. 而且內山理名做老師唔係咁夠說服力… 不過呢個係個人意見, 事關我上一次見佢佢仲係做緊學生… 不過套劇都有想令我追落去嘅感覺… 期待第6集… Continue Reading

最愛&最後

對我黎講, 我已經搵到我嘅最愛, 而佢亦足夠今我將佢變成我嘅最後. 唔洗擔心, 我唔係就死… 我只係話, 佢之後我唔會再追另一個星. 追星迷偶像已經廿幾年. 3歲開始到而家足足21年. 追星路途上, 出現過好多好多明星歌手. 有d而家都响娛樂圈, 有d已經收山, 有d已經去世… 但係佢地竟然無留底特別嘅回憶俾我. 但係其實都唔重要, 因為最愛當時還未出現. 但係而家佢已經出現咗, 我已經認定咗佢係我嘅最愛. 我唔認為我會鐘意任何偶像多過佢. 而佢將會係我最後一個追星對象. 如果佢有朝一日因為任何理由要離開藝能界開始佢新一頁嘅人生, 我會絕對支持, 而我亦唔會再追第二個. 我唔係話我唔會再聽歌, 而係, 我唔會再追. 佢, 將會係我最後一個追嘅偶像. 當然, 而家係佢最光輝嘅時期, 我响呢個時候講呢番說話都係有d言之尚早, 但係我都好想向佢保證呢樣野 – 雖然我知道佢唔會睇到呢個blog. 講咗咁耐, 最重要嘅野我都未講, 就係, 從佢出道到而家, 我無當過佢係我偶像. 佢已經超出咗偶像, 超出咗鐘意同唔鐘意. 佢就好似一個陪我一齊行過好多個階段嘅人, 好似我身邊一個家人咁… 覺得我誇張, 但係我無, 我真係咁覺得… 你估我會通街叫人”阿妹“架咩…! 亦都係因為佢好似一個我身邊嘅人咁, 所以我有時會忘記咗佢, 或者唔珍惜佢. 但係, 無論我响出面點玩都好, 我一定會識得返屋企嘅… 而家我都決定收心養性啦~… Continue Reading

終於到天空之城啦!!!

之前無响呢度提過, 但係我幾個月前開始學返彈鋼琴. 主要自己係想學流行曲, 但係都有d兒歌跟尾…  講返流行曲, 第一首學許志安嘅爛泥. 呢首歌聽過個名但係未聽過隻歌. 收到譜之後搵咗隻歌返黎聽… 係咁咦記得個melody, 總算過到骨. 第二首學嘅係容袓兒嘅我的驕傲嘅中間嗰段. 隻歌都ok鐘意嘅… 同埋好短啫, 又係總算過到… 第三支係向左走向右走主題曲, 好似就係孫燕芝隻遇見. 無聽過, 叫朋友幫我搵咗隻鋼琴版… 聽完之後諗住就咁播俾miss聽就算…… 三個星期又過去終於過又pass埋, 正式進入令人興奮嘅第四首歌 -> 天空之城主題曲 laputa!! 但係開心都黎唔切, 聽完miss示範之後嚇到青晒… 唔係掛, 好似好難彈wor…  好驚呀~! 但係其實好期待可以用自己雙手彈到呢隻歌~! 而家聽緊人地彈(宮崎峻動畫鋼琴大碟)… 正! Continue Reading

兜圈…

兜兜轉轉, 都係返翻愛妹度…明明知道個結果會係咁, 但係自己都係要出去”搞三搞四”… 有時候覺得自己真係好鬼白痴… 用晒d時間同精神同錢响d無結果嘅無謂野度. 無無聊聊咁又癲咗個零月, 結果都係兜個圈返原位… 咁計我話不如唔好郁… 根本自己都知道無可能取代到… 其實之前咁多次經驗, 自己都唔學精我自己抵死… 講到好似男女關係愛情咁, 唔係呀, 其實都係講緊偶像咋~! 好啦, 講返d開心d嘅野~愛妹剪咗頭髮, 我覺得有d似雅ちゃん嗰個look… 不過當然係愛妹cute d 啦~ 佢剪咗頭髮個樣精神咗~ 佢對好精靈嘅眼仔又sharp咗, 好覺得幾好. 不過其實我睇佢個love-hello dvd嗰時已經覺得佢要剪… 事關個傻妹染到d頭髮傷晒…佢d頭髮(特別係髮尾)好dry … 比大家睇下佢個新look: ((呢張相佢眼腫腫, 因為係隊長畢業concert, 佢喊過…)) 黎多張~!!! 唉, 小ni, 學下人啦… 人地剪短你就搏命駁長… 你d hair extention好肉酸呀…. ((注: 呢張相係睇唔到嘅))   Continue Reading

母親節禮物入手!

聽日母親節啦wor, 各位乖仔乖女準備好禮物俾媽咪未呢?? 我就今日入咗手啦, 但係為怕我媽咪走黎睇我個blog, 所以暫時唔post相同內容住… 今日去行街街, 買咗本漫畫(四葉妹妹6)同一本小說(死神的歌謠1)… 離開書店一望, 有發現!! 係電車文具扭蛋!!!!!!! 一向對日本火車電車新幹線情有獨鐘嘅我一見到當然要扭啦!!!! 一扭就扭咗一埋… 所以而家好高興~~!! Continue Reading

幽靈解碼

大家記唔記得, 新聞報導過一個11歲嘅小學生出咗一本12萬字嘅小說. 我就衝住一個小學生會寫咩小說呢一點好奇心, 買咗呢本書睇. 買就買咗好耐, 睇到睇咗好耐…  唔係因為佢長, 而係呢本係一本好難睇嘅書. 當然, 個故事係一個小朋友作, 個故仔本身嘅問題, 我唔作出批評. 因為故事內容係作家嘅喜好, 係作家嘅自由. 鐘唔鐘意係睇讀者嘅興趣. 因為就算一本好好嘅小說, 如果你無興趣, 佢都唔好”好睇”. 但係我要講嘅係, 呢本小說嘅寫法. 小作者林先生似乎好鐘意用一大串字去形容一件好小嘅事. 我睇落, 佢俾我嘅感覺就將一大串差唔多意思嘅形容詞排埋一齊. 有一大堆詞不達意, 用詞一當嘅形容詞. 讀落好唔順. 我咁講, 一定有人會話返我: “ 佢得11歲, 係咁上下啦, 唔好咁衰啦, 佢寫得叻過你啦! 而且佢仲細, 會越寫越好.” 我同意, 無錯, 佢係寫得好過我. 但係個問題係, 我而家係以讀者身份俾評語, 唔係作者嘅身份. 而且, 佢而家係出書, 人地要睇係咁俾錢買. 無論你係幾多歲, 人地俾得錢買你嘅作品, 你就係”專業”. 呢個道理, 係mo娘嘅唱歌跳舞老師講嘅 – 佢地對當時得6歲嘅荻原舞都係咁講. 但係我好同意. 如果你嘅”作品”係網上發表, 我唔會出聲. 因為我可以唔當你係”專業”,… Continue Reading

愛妹又黎啦~

今日有野收~ 呢盒野今朝11:30黎到我屋企門口… 我… 响房打機打到聽唔到門鐘… 結果… 佢返咗郵局等我… 咁我今日又懶, 無出街. 無開門睇唔有張單… 到我發現嘅時候, 已經係下午5點7個字…我以我最快嘅速度換衫仆出門口, 9秒9跑到郵局!好彩仲未放工~!!!!之後又用9秒9跑返屋企.打開~好多愛妹相相呀~~~今次有40幾張愛妹相…加埋其他d莫名奇妙嘅相… 都有成50幾60張.除到愛妹之外嘅相或者精品我全部list晒上ebay啦… 有興趣可以去我舖頭睇下: http://stores.ebay.com/Little-Wing-of-Hope Continue Reading