Monthly Archives: April 2007

唔鐘意嘅成員

小mo咁多人, 講真, 真係無可能鐘意得晒. 一定會有鐘意同唔鐘意. 對我黎講, 只要有愛妹就夠晒, 佢如果畢咗業, 我仲會唔會跟小mo, 而家係未知之數. 但係就係講緊, 好多人主要都係鐘意一兩個成員. 咁其他d點算? 有d人會選擇去嘗試下鐘意埋佢地, 有d人會選擇唔理佢地, 更加有少數人會憎咗其中幾個唔順眼嘅成員. 我呢, 算係第一同第二類嘅中間…… 掛.

因為我覺得, 你要見你鐘意嘅成員嘅時候, 你一定會見到埋其他成員. 咁如果個group入面有好多你唔鐘意, 甚至係憎嘅成員, 你會睇到好辛苦. 以前我同一個朋友都係咁. 唔鐘意呢個, 又唔鐘意果個. 見到佢無啦啦要唔高興一餐, 有乜為? 而且小mo又有新成員, 你憎唔憎得咁多? 不如開開心心睇咪仲好?

所以6期, 7期, 8期入嘅時候, 我都無太大”抗拒”. 反正佢都要响度, 不如睇埋啦. 平常心… 平常心……~ 唔好憎呢個憎果個… 自己辛苦~… 遲d有中國成員加入, 都放開d啦… 可以唔鐘意, 但係唔好憎佢地lor…~!!

愛妹受傷…

尋日嘅下晝公演, 愛妹唔小心扭傷咗右腳腳踝, 佢立即被送咗去附近嘅醫院接受治療. 好彩唔係好大件事, 佢响夜晚公演嘅第7隻歌已經可以出返場啦…~! 小心d呀, 愛妹…!! 而家我有少少擔心佢會有後患… 風濕呀果d咁… 希望唔會啦!! Continue Reading

雅ちゃん寫真集

終於到佢啦!! 全球觸目, 萬眾期待嘅夏燒雅第一本寫真集將會响5月31日發售啦!!!!有校服, 又打網球, 又打籃球… 嘩….. 好想睇….!! 快d出啦快d出啦~!!! Continue Reading

甜心粉絲王

今晚終於睇到我想睇好好好好好好好好好好好耐嘅甜心粉絲王. 而同呢套戲有關(唔係劇情)嘅一個覺悟, 就得閑先講. 睇呢套戲之前, 聽到唔少付面嘅評價, 但係由於阿sa係我嘅香港最愛, 所以無論如何我都會去睇架啦. 但係我睇完, 我覺得唔錯. 可能係因為我鐘意阿sa所以偏心咗啦. 但係我真係覺得唔差. 不過其實可能因為我自己都係一個超級粉絲(唔洗講都知係愛妹嘅啦), 所以有共鳴掛…. 不過阿sa真係好cute, 正!佢最近無3,4年前咁多戲出, 我仲以為佢無咁辛苦, 但係我睇呢套戲, 見到佢都係長期眼紅紅咁… 陰公… oh, 仲有… 睇呢套戲, 我不停咁諗起金大喜…!! … 等我一陣睇返下一站天后先~^-^睇完, 我先發現原來我真係好鐘意阿sa架…!!!! 呀, 仲有~尋日睇咗十分愛… 遲d記得嘅話會講下…~ 因為對我黎講, 甜心粉絲王>十分愛… Continue Reading

世界最可愛嘅野之一

尋日話有d好可愛嘅野要分享, 就係以下呢條片.2002年, hello! project kids出道, 第一個工作就係一拍一出叫仔犬ダンの物語嘅電影. 睇就睇咗好耐啦, 但係d花絮呢, 就尋日先睇到. 而當中有逐個kids問佢地拍完嘅感想, 而以下係我berryz最愛, 雅ちゃん嘅部份: 當時9歲(應該就黎10歲)嘅雅ちゃん. 太太太太太可愛啦…!!佢果時係一個金頭髮嘅小學生, 個樣同個格都串串地. 但係睇佢講野同玩嘅時候, 就唔難發現佢其實係一個怕怕地羞, 又好可愛嘅小朋友. 而且仲好有禮貌, 好聽話添架~ 就睇呢10幾秒嘅訪問, 已經覺得佢cute到無人有. Continue Reading

It’s so Beautiful Everyday~

最近每日嘅例行動作, 就係一起身就聽mo娘一首叫”春beautiful everyday”嘅歌. 呢首歌仔係eri同aika唱嘅. 人呢, 就唔係最愛架啦, 不過呢, 就好鐘意隻歌. 而且d歌詞好正. 就係一句: It’s so Beautiful Everyday~ 就已經好正.事關好多人, 尤其係大忙人, 都唔記得去欣賞同珍惜每一日, 有好事就覺得理所當然, 有唔好嘅事就怨呢樣怨果樣. 其實所有野都係講心態, 如果你覺得佢beautiful, 佢就beautiful架啦~^-^ 所以我每日一起身就聽下嘅首歌, 提醒自己, 每一日都係beautiful day~! 想聽下俾條link大家:http://www.filebank.co.jp/weblink/9a52f614f9e6cccef63d275b4aa782a4d3cfbed7fe611d98 Continue Reading

又一個星期三

一週入面最期待嘅係星期三. 點解? 因為每個星期三都係一個星期內hello! project最多新料嘅一日. 有乜出有乜新野都多數星期三出現. 而每一個星期三, 我都响度等一個唔知會唔會出現嘅消息… 愛妹, 你幾時先有solo出…? 最近嘅生活, 係寫作寫作再寫作. 每日都要寫下作下先叫一日. 靈感爆發但係寫唔出, 呢種writer block我已經經歷唔少, 而唯一嘅解決方法就係, block都照寫, 寫唔出都開個word出黎對住佢, 呢個, 就係我醫writer block嘅方法. 不過… 有writer block嘅日子… 真係非常之咁痛苦… 後加:今日好似係c-ute嘅mini album出嘅日子(無錯, 又係星期三)… 我聽完即刻delete咗…! 不過upload咗, 想聽嘅朋友不妨down黎聽下… 不過我唔叫你24小時內delete我相信你都會delete…http://www.filebank.co.jp/weblink/00436084db82e12cb4a59423f41dee0a0e99c84760fb8099 但係點解我用”後加”我都唔開過個新topic? 因為c-ute唔值得我開一個topic俾佢地… 至於如果你唔識c-ute, 咁… 就… 不如算啦… 哈哈, 我做下好心講下啦. 佢地係一班同berryz一齊出道嘅小妹妹(除咗一個), 以前叫hello! project kids. 2004年老頂响hello! project kids入面pick咗8個出黎組成berryz, 而剩返果7個就係而家嘅c-ute (c-ute嘅命名係响2006年, 2004-2006年之間佢地果7個係無group名嘅). 所以我地唔鐘意佢地嘅hello! project fans好多都叫佢地做”leftover”…  係咁多啦. 唔想點講佢地.… Continue Reading