Monthly Archives: March 2007

飯島弥生

好, 今日正式開始將さゆり做過嘅每一個角色介紹. 我諗好多睇開我呢個blog嘅人都應該會估到, 我第一個講嘅, 一定會係飯島弥生呢個角色. 因為無佢, 我而家都唔會响度講緊さゆり. 無錯, 無佢, 我嘅世界就唔會有さゆり. 稍後會交代返點解, 同發現及鐘意さゆり嘅通過.

首先介紹飯島弥生呢個角色先. 佢係3年B組金八先生第7季入面嘅其中一個學生. 佢並唔係一開始就同個班一齊, 而係10月(第二個學期)嘅轉校生. 老師介紹咗佢之後, 班長就開始叫佢ヤヨ. 之前都提過n次, 佢係一個有輕度智障嘅女仔, 但係外表基本上係睇唔出. 所以開頭老師只係講咗出班長聽, 叫佢地留意下ヤヨ. 但係好快就有其他同學留意到ヤヨ有d唔同. 第二集就有人bring-up呢個問題, 而全班都知道晒ヤヨ有智障. 不過好彩嘅人, 大部份人都好錫佢, 知道佢可能需要幫助之後, 都好幫佢同保護佢. 除咗個別學生, 好似麻田玲子(福田沙紀個角色)會喝佢同覺得佢煩之外, 其他同學都超錫佢.


(本時好好笑容嘅ヤヨ!)


(成日都俾同學仔圍住, 好開心嘅ヤヨ)

日日返學, 班長都會拖住佢嘅手手行. 而ヤヨ本身係成日都會笑, 所以好可愛架~ 但係佢就好驚見到人打架, 一有人打架佢就會好驚咁按住耳仔. 當佢咁嘅時候, 班長都會帶佢離開現場. 如果遲咗, 就會發生”panic”狀態, 佢會驚到全身震晒. (就係因為佢咁, 玲子曾經都覺得佢好煩過).


(咬嘴唇係panic狀態嘅先兆…)


(panic狀態…!!!)

另外, ヤヨ有時會唔明白人地講乜, 尤其係比較難明嘅話題, 同埋長嘅會話. 但係佢明唔明佢都會笑. 所以班嘅同學多數都好鐘意佢. 而3B嘅同學都因為有ヤヨ嘅存在而學識點樣就人. 例如佢地會知道ヤヨ會驚所以少咗打交, 等等.

佢嘅率直同純真, 多次幫個班決定咗好多問題. 其實人有好多野都好易解決, 只不過係自己將佢搞到好複雜. 有ヤヨ响度, 佢嘅意見永遠係最直接, 最真誠嘅. 好似, “做錯事就要道歉”呢個咁簡單嘅事, 好多人都因為面子而做唔到. 但係ヤヨ就做到. 同埋佢嘅率直會感染到身邊嘅人.

飯島弥生呢個角色係base-on一個真實嘅人. 而さゆり都見過呢個人. 但係呢個人係咁叫飯島弥生我就唔敢肯定, 但係金八出credit嘅時候, “製作協助”果欄有”飯島弥生”呢個名…

好啦, 講完ヤヨ, 而家講下之前提過嘅”無ヤヨ就無さゆり”呢個理論. 點解會咁呢, 我明明係睇地獄少女識さゆり架嘛, 關ヤヨ咩事呢??

原來, 我睇地獄少女嘅時候, 佢其實唔係好搶我眼. 全靠係乜呢, 係每一集完嘅時候佢嘅一個大頭shot…. 隔離嘅佢個名. 因為每次到自到佢個名, 所以到睇到第10集嘅時候, 我已經記得佢個名啦. 不過, 係得個名啫. 果時對佢, 講真我無乜感覺. 但係佢個名呢, 就不知不覺咁記咗响心入面.

有一日我無聊上日本wiki睇野, 研究我一向有興趣嘅自閉症. 就响自閉症果頁, 我竟然自到佢個名. 我當然諗: “咦…? 個名好熟… 唔通係… 地獄少女…?” 好奇心驅使之下, 我click咗入去佢果頁睇, 發現咗佢响金八做ヤヨ, 咁我就去搵黎睇, 而佢一出現, 我就愛上咗ヤヨ呢個角色, 連帶さゆり都鐘意埋啦. 所以其實地獄少女同金八先生呢兩套劇都係令我鐘意さゆり不可缺少嘅野.

就係咁我鐘意咗さゆり, 就搏命搵佢d戲同劇黎睇, 而之前幾個blog我都講過, 我已經睇晒啦!! 所以好快我又會介紹另一個佢做過嘅角色架啦~

最愛

本來今日係要講我尋日掃咗d咩貨, 但係可能因為尋日响九龍灣見過藍寶石王子, 所以今日睇返久違咗嘅リボンの騎士舞台劇. 呀~ 成2個星期無睇過lu, 回想返8月睇完個現場之後一直都好想再睇, 到11月隻dvd黎咗之後日日煲最少2次, 持續咗3個幾月嘅日子, 真係有d懷念. 而家太多野睇, 所以少睇咗好多. 不過, 佢依然係我最愛嘅舞台劇. 講開個舞台劇, 就帶咗去個主角愛妹度. 發生咗咁多事(同”教主”嘅事, 離開h!p嘅事, 仲有好多好多事)之後, 我依然覺得愛妹先係我嘅最愛. 如果無佢, 就無而家嘅我. 因為, 佢影響咗我好多野. 有好有唔好嘅, 但係, 我估, 好嘅多d掛. 而且, 面對愛妹嘅時候, 我諗我係最”我自己”嘅時候. 有時做人未免有假嘅時候. 有時, 我都唔知邊個係真嘅自己… 不過一點可以肯定, 就係我對住愛妹嘅時候係最真嘅. 無論如何, 佢都係我嘅最愛. 可能有時候我會”搞三搞四”, 但係, 心入面果個, 一定只有愛妹. 成日都講架啦, 鐘意咗佢就黎6年, 唔係話cut都cut呀? 無可能… 除非我唔係真係鐘意佢啦. 係咪?! 而且我有感佢已經超出咗”鐘意”同”唔鐘意”嘅區域. 佢响左近就好似係一件理所當然嘅事, 無咗佢, 會周身唔自在. 所以其實真係唔洗擔心. 對佢, 我諗我唔識點變心. (oh,… Continue Reading

九龍灣

今日去咗香港行街街, 掃咗一d野返黎, 但係就遲d先講掃咗d乜, 先講呢個. 因為要去meet一個親戚, 所以今日去咗一般唔會去嘅九龍灣. 嘩, 好遠. 但係估我見到邊個?! 係藍寶石王子呀!! 8月去日本見完你到而家啦, 你好嗎~?! (<–… 上次去日本見果個係愛妹版藍寶石王子…) 咁又見到其他人物, 到… 俾個面影下lor… 話晒… 都係藍寶石王子殿下嘅”兄弟姊妹”… 呢個呢… 唔係九龍灣啦, 係旺角信和中心… 落電梯見到… 好大個yui…! (<– 唔知佢係邊個去我d朋友仔blog睇下…) (專誠影俾你睇呀, 朋友仔… 唔知你…見過未呢…?) Continue Reading

又出事

今日其實唔係淨係關沙紀事, 但係既然佢係新寵, 咁就post响佢個分類, 同post下佢嘅cute相比大家睇下^-^ 好, 入正題.話說我開始鐘意沙紀嘅同時, 曾經發表過類似以下嘅言論: “我相信沙紀唔會過到さゆり, 所以佢最多都係上到第二位” 但係呢句看似無乜野嘅發言, 就引起咗我一位朋友嘅不滿… 而我地就呢句說話, 辯論咗一個下晝 =_=;;;我呢個朋友就住我呢句發言, 問我係咪暗示愛妹嘅no1位置會俾人取代. 我即時呆咗… 勁, 咁都俾佢諗到. 我都無講過愛妹會跌, 但係佢就好敏感, 話我一定係咁諗. 我就同佢講, 無呀, 而家沙紀都係第三之嘛, 我無話佢上咗第二. 但係佢話我呢句發言, 係為咗將さゆり同沙紀推上而作準備… 我出晒汗. 唔係呀嘛…! 我就同佢講, 愛妹暫時都唔會跌住, 但係佢又話佢唔鐘意我句暫時… 其實有時佢越係咁, 我就越想作反. 越想離開hello! project. 而家件事都未解決, 我都唔知會點… 唉, 好煩… 救命呀, さゆり, 沙紀…   Continue Reading

福田沙紀

  今日嘅主角係上面相相嘅呢個叫做福田沙紀嘅小妹妹. 點解又係叫佢小妹妹? 因為佢真係小妹妹. 佢同さゆり同年, 細佢2個月, 16歲. 點解今日會講佢呢. 事關佢係我hello! project以外嘅第二個”大發現”. 現階段我都唔係好了解佢住, 所以都唔係有好多野得住, 但係, 鐘意佢係一個比較特別嘅case, 因為佢個樣唔係一般我鐘意嘅清純可愛型, 而係有d偏向比較成熟美女型. 所以我都幾surprise我會鐘意佢. (不過其實我留意到佢係金八先生果時. 佢果時14歲, 個角色係串d, 但係都幾cute下). 佢同さゆり一樣, 上年不停出劇. 不過就多數唔係主角. 我而家正努力搵佢d劇睇. 有幾套有把握搵到, 但係有幾套偏少少, 所以都唔知會唔會有機會睇到… 今日睇咗一套幾好睇同埋佢比較主角少少嘅, 應該遲下會詳細講一講. 呢個小妹妹把聲好好聽架, 我幾鐘意聽佢d歌. 而佢同さゆり一樣, 有自己落手填詞, 都填得唔錯架~^-^ 好啦, 今日講住咁多先啦, 好攰…~ Continue Reading

心跳回憶

最近一係唔寫, 一寫就長篇大論… 今次係要講一講我身為一個御宅族嘅打機生涯.雖然我鐘意打機, 但係我打得好屎, 唔係話好叻果類. 而且我比較鐘意d唔會死嘅game, 因為呢類game對心臟唔好… 我暫時最鐘意嘅game係ps2一隻咁零~紅蝶~嘅game, 內容唔講住啦, 因為今日係要講心跳回憶. 愛上心跳回憶呢隻game係大約7年前. 我第一個玩嘅心跳回憶game唔係電腦版, 都唔係ps版, 而係gameboy color版. 當年d日文過得去玩得到, 就開始玩. 而一玩, 就踏上”不歸路”. 到而家, 我最愛嘅心跳回憶人物(女仔)係館林見晴. 而當年我做過一個佢嘅網頁, 只不過… 做好咗之後一次都無update過… (死). 而家個網站仲响度~ 可以去睇睇: http://www55.tok2.com/home/mizuho8612/ 之後就上咗癮, 心跳回憶2, 3都有玩. 而身為女孩子嘅我, 當然係唔會放過女性向嘅Girls’ Side系列. 但係Girls’ Side玩咗一陣, 唔知係d人唔得定乜, 好快就無再玩, 而Girls’ Side2, 都買咗隻碟, 未玩. (頭先去睇過d角色, 我諗我短期內都唔會玩…!) 我好似講到我對心跳無晒熱情咁. 都係架.. 直到佢嘅出現… 佢係乜水, 就係佢啦: 呢個金毛仔叫天童壬(Tendo Jin), 係啱啱出嘅DS版Girls’ Side入面嘅隱藏人物之一. 我一見到佢之後, 完全死得,… Continue Reading

3年B組金八先生special

其實要講呢個之前, 應該係咁講咗ヤヨ個角色先. 但係我期待咗好耐嘅SP終於睇咗, 無計, 要講一講先. 之後再講ヤヨ. 點解我會話呢個SP係期待呢. 事關呢套SP係完成睇さゆり到目前為止出過嘅劇呢個偉大壯舉嘅終點線. 我明知道佢唔會係主角(今次嘅主角係2個Johnny’s Jr, 同我無乜關係, 唔多講啦), 但係知佢有出, 都會好想睇下. 尤其係我咁鐘意ヤヨ呢個角色, 都好想睇佢畢業之後點. 好, 又略略提下ヤヨ嘅背景先啦. 佢係一個有智力發達障礙嘅中學生(金八7季初期設定), 係咩障礙劇入面就無講, 但係睇黎係高機能自閉症. 咁佢入咗金八老師教嘅3年B組之後, 就有一連串嘅故事發生啦(到講ヤヨ個角色有詳細講關於ヤヨ嘅事), 咁畢業嘅時候, 佢無上高校, 就去咗一家蛋糕店做野啦. 咁本篇畢業8個月之後, 就係呢個SP發生嘅時候. 咁3年B組嘅人聚埋一齊, 就一定會搵ヤヨ啦. 所以當時响班上最錫ヤヨ果幾個女同學就去蛋糕店搵佢. 呢個就係佢响SP入面第一個出場scene. 睇埋去, 嘩, さゆり大個咗好多呀… 個樣大個晒, 死啦, 唔係好有ヤヨfeel wor. 老實講係完全無晒當年ヤヨpure嘅感覺. 唔… 有d出事嘅預感. 好彩, ヤヨ嘅講野方式救咗個市, 一出聲, 呀, 係啦, 呢個係ヤヨ啦. 咁故事繼續發展落去, ヤヨ嘅唔理場合, 無理環境嘅發言多次令全班人立即收聲, 無言以對. 呢個, 係ヤヨ嘅優點, 亦都係佢可愛之處.… Continue Reading

戀上地獄少女

係. 又講地獄少女. 但係點解今次唔係入さゆり個分類? 因為今次的確唔係好關佢事. 我戀上嘅, 係呢個地獄少女: 無錯, 係真係動畫版嘅地獄少女.最近我睇返晒所有地獄少女嘅動畫同埋漫畫. 我本意係去了解多dさゆり做嘅角色, 但係, 竟然係愛上呢個動畫人物. 當然, 我係因為さゆり而睇. 而我真係好感激さゆり”介紹”咗嘅佢俾我. 地獄少女個名叫閻魔あい, 佢係負責幫人消除怨恨. 如果你有怨恨, 你就可以响凌晨0時上去”地獄通訊”嘅網頁, 輸入你怨恨對象嘅名, 地獄少女就會出現. 佢會交一個人偶俾你, 個人偶頸上有一條紅繩. 只要你解開果條紅繩, 你就會同地獄少女建立契約, 你嘅怨恨對象就會被地獄少女送入地獄. 但係, 立咗契約之後, 你死後就都會落地獄. (以下內容會爆咗地獄少女嘅身世, 好可能會影響你睇呢套動畫嘅時候嘅娛樂性. 如果你打算睇呢套動畫, 你可能會想skip咗以下呢一part)而點解地獄少女會變成地獄少女呢, 就係响好耐好耐好耐以前一個小村落入面, 有一個習俗, 就係每7年就要搵一個7歲嘅小女孩做活祭品獻俾山神, 祈求風調雨順, 農作物豐收. 咁唔好彩, 要獻活祭品果年, 小あい啱啱7歲, 而一向唔受歡迎嘅佢俾選為活祭品. 本來死梗架啦, 但係佢父母錫佢, 唔想佢咁細個就要死, 所以就叫咗一向好錫小あい嘅表哥仙太郎去救佢. 仙太郎答應咗, 救咗佢之後收埋佢响山上面, 每日送食物俾佢同陪佢傾計. 平安無事地過咗6年, 但好景不常, 6年後有一日, 終於有人發現咗小あい未死. 就將呢6年農作物失收歸咎於あい, 於是捉佢出黎, 將佢同佢父母一齊活埋. 而村民都要仙太郎落手活埋佢.… Continue Reading

愛妹in泰國寫真集

好耐無講過愛妹, 良心過意唔去… 所以… 今日講下啦~ 佢其實早幾日出咗本寫真集. 响泰國拍嘅, 叫Love-Hello. 個making dvd呢, 就已經睇咗啦. 但係本野就仲未有人scan, 所以都未睇到, 睇住個封面頂住先啦. 去得d熱嘅國家, 出現嘅都係bikini多架啦. 不過愛妹都有返咁上下大個(… 年紀, i mean), 呢d都無乜問題. 而且我睇咗佢咁多本寫真, 一早就已經慣晒佢著bikini, 所以其實仲有d期待睇呢本野. 佢响making dvd入面講, 話叫我地(fans)比較一下呢本同2年幾前果本响夏威夷拍嘅Alo-Hello嘅佢. 所以聽話嘅我即刻去睇返果本Alo-Hello. 但係事關我未有Love-Hello, 所以未真係有得比較. 之但係… 齋睇封面, 已經發現唔同.   左手邊係Alo-Hello, 而右手邊就係新嘅Love-Hello. 咁樣拍住睇, 係咪大個咗幾多下呢…~? 以前pure d, 個樣無咁妖同無咁有機心(我全部都係講個樣咋!), 化妝無咁濃, 眼神無咁凌厲… 以一個由佢入選果日就跟到佢而家嘅小蕃(<- 我)嘅觀察黎講, 佢比其他成員, 甚至其他日本妹都變得少. 佢出度嘅時候d頭髮到膊頭, 但係佢留長之後, 就開始”變”得好慢. 當然, 我一路都跟住佢, 好似d阿爸阿媽唔覺d仔女高咗一樣, 我可能都睇唔到佢變咗. 唔覺唔覺, 愛妹都20歲啦, 但係佢個樣似唔似?… Continue Reading

汗…

啱啱收到個好好好好好汗嘅消息. mo娘producer tsunku決定將2個中國少女放入mo娘成為8期留學生. “留學生”同普通成員有乜唔同唔好問我. 我唔知. 但係我而家非常青, 真係唔知tsunku諗乜鬼. ok, 雖然我係澳門人, 但係對有中國人入隊我完全冒汗. 唔想. 唔想. 唔想. 唔想… 但係唔到我唔想. 而家我可以做嘅野, 就係ignore所有人, 繼續支持愛妹… 中國人in mo娘……..?? 唉….. 唔係呀fa……………… Continue Reading