Monthly Archives: December 2006

回顧2006

仲有大約1個鐘頭就到2007年, 係時候回顧一下我嘅2006年. 2006年對我黎講係放假嘅1年. 畢咗業, 屋企又比我放1年假, 咁我就take咗呢個機會, 放自己一個悠長假期. 睇返2006年, 真係幾平靜, 但係又好enjoyable嘅一年. 雖然話就話平平淡淡, 但係都有d大事嘅. 咁响呢度就等我同大家分享下我呢1年嘅5件大事 (本來係10大, 但係今年真係無咁多…)

第5位: 又去迪士尼
上年同屋企人去咗一次, 今年又去. 同朋友去果然係唔同d, 好好玩. 又見到我愛嘅史迪仔!

第4位: Aigokoro.com
Aigokoro.com開站, 係一個屬於愛妹嘅網站. 我同一個同係愛妹fan嘅好朋友都係呢個網嘅”員工”, 為愛妹”工作”.

第3位: 日本語能力試驗1級合格!
識咗日文咁多年, 終於考咗1級. 1 take過, 80幾分添呀~!

第2位: 8年來第一次住响澳門足一年!!
去咗讀書之後, 第一次連續响澳問住足一年. 同爸爸媽咪catch-up返d溝通, 係一個好寶貴嘅一年時間.

第1位: 去日本睇舞台劇/再一次見愛妹
唔洗講啦, 一定係呢個. 我真係無諗過我會有機會去睇呢個舞台劇, 真係好幸福, 好幸運, 好多謝比我去嘅爸爸, 同埋陪我去嘅媽咪. 去得到真係好好彩, 因為我搭機果日打8號風球, 架機遲多1個鐘頭開, 我地就會去唔到. 去到係一個奇蹟. 而再一次見到愛妹, 好多感覺. 我諗除咗對我父母, 我未試過有咁大嘅感覺. 記得離開日本之前果晚, 我都有去再睇一次個舞台劇. 諗到係我最後一次現場睇個舞台劇, 同之後唔知道幾時先再見到愛妹, 就喊得好緊要… 之前我因為唔捨得一個人而喊, 係我要由澳門返紐西蘭嘅時候… 所以呢次日本之旅, 真係真係好深刻. (唔可以唔再一次提嘅係, 我坐中間第2行呀!!! 愛妹望咗我好多次… 真係真係好好好深刻… 而家, 都好掛住佢…

好啦, 2006年我嘅top5大事就係以上呢d啦~ 仲有一約半小時就2007, 預祝各位07年快樂!!

らいひ

RPG方面出現嘅人物, 本來唔應該响呢邊出現. 但係今日特別. 因為今日係呢一位RPG豆釘嘅1歲生日. 所以特別破例, 响呢度祝一祝豆釘生日快樂!! らいひ!ハッピーバースデイ! Continue Reading

第二頭”家”

最近好少游出黎, 主要原因係第二頭家太忙. 識我嘅人都知我有好多好多好多個blog, 而呢個yahoo! blog只係冰山一角… 呢排都主要游咗去一個比較特別嘅blog. 點解特別?? 因為佢係一個RPG blog… 詳情就唔多講啦, 總之係RPG啦. anyway, 今日係3日連假前嘅最後一日返工日, 但係一返工就又有毒氣… 真係好唔掂… 不過是但啦, 本蝠今日心情靚靚, 事關訂咗嘅mo娘concert dvd如無意外應該會响今日到手… 其實應該係琴日到手, 但係自己衰, 15/16, 諗住等埋1月17號berryz隻舞台劇dvd一齊先訂… 諗來諗去, 雖然終於都係訂咗, 但係就搞到遲咗一日… 呢d就叫做自作孽不可活… 不過以下係我個baby(包裹)嘅現況: December 28, 2006   13:49   Tokyo – Japan   荷物集荷 December 28, 2006   19:21   Tokyo – Japan   DHL施設へ到着 Tokyo – Japan December 28,… Continue Reading

自殺傾向

我應該係一個幾有自殺傾向嘅人. 成日都諗如果係咪都要死, 不如自殺, 起碼可以自己選擇死法或者幾時死. 但係我同時亦係一個怕死嘅人, 明明仲有命, 做乜要自己縮短佢咁低B, 所以都幾矛盾下. 雖然會諗, 但係因為宗教同家教()嘅關係, 我應該係唔會自殺嘅人… 傾向, 同會唔會做, 係可以有好大嘅分別…! Continue Reading

walkie bits

最近愛上咗walkie bits小龜龜, 以下係我家4小龜: 左到右: 亀丸(Kamemaru)、亀吉(Kamekichi)、亀助(Kamesuke)、亀太郎(Kametarou) 而今日點解會提佢哋呢~?? 原因係我今日發現咗原來我最愛嘅hello! project係有幫佢地宣傳!!! 你地睇下佢地玩龜仔:   呢個係mo娘6期成員3個玩(就係之前個blog提過嘅果個) 呢個係berryz工房2個成員, 左邊係我嘅berryz最愛雅ちゃん! Continue Reading

eri生日!!

今日是mo娘6期成員eri嘅18歲生日(唔知eri係乜水? 搵返我個blog就會有架啦!!) 咁响呢個大日子(?)入面, 我upload咗一個eri嘅影片比大家睇睇~! ^-^ 呢個就係eri啦~!! (本來想比大家睇一個6期成員玩game嘅影片, 但係比較大, 所以或者遲小小再upload比大家睇啦!) Continue Reading

失蹤2日…

公司毒氣事件之後2日無寫blog, 唔係因為我中咗毒, 而係放假通常比較”忙”. 話說20號一大早(話係咁話啦, 其實都11點半)去咗上堂(至於上咩堂, 遲d再同大家講), 之後就同人去咗街, 後黎返咗屋企打機(玩咩game? 又係遲d先講啦…), 夜晚就上面大陸開餐… 返到黎沖涼之後, 開咗個舞台劇dvd, 但係睇咗10分鐘就攰到瞓著咗. 第二日(即係21號), 就同媽咪去咗香港行街街, 我去咗指定地點旺角信和中心. 本來有幾隻cd/dvd, 3本寫真集, 1卷月曆要買, 點知好多都無, 結果入得1本寫真集, 3隻cd… >.<! 失望… 不過算啦, 無就慳返.  香港行街街之旅我仲有野要講~ 或者聽日啦~ 咁”辛苦”咗2日, 今日就係瞓覺日~ 無出到街, 都無搞乜, 就一日瞓得夠為止… 今日係廿幾年第一次唔洗出街食飯做冬, 所以舒舒服服咁响屋企食咗飯, 沖咗涼, 開咗支紅酒, 好開心咁一路飲一路睇緊我隻舞台劇dvd, 咁咪寫下blog lor. 不過我都要專心睇啦~ 走人!! Continue Reading

廣播劇

話說小蝠我好鐘意聽廣播劇, 不過唔係香港果d, 更加唔係澳門果d, 而係日本果d, 仲要係hello! project果d我先會聽. 而呢d廣播劇對我黎講係超級非常之重要, 原因係, 我每晚覺覺得要聽住先瞓得到. 幾時開始呢?? 應該大概係2年半至3年前. 我果時貪得意播住黎瞓, 但係整整下而家覺覺就好怕静… 一静就好多野諗, 好唔舒服. 所以每晚瞓覺, 我都會開hello! project嘅廣播劇聽住黎瞓. 甚至有時半夜醒咗, 好多時都會伸隻手去開返佢. 而家無得聽應該會瞓唔著… 其中有幾個人把聲我特別鐘意聲, 佢地講野好清楚, 把聲好柔和. 瞓覺首選~!! 一個係石川梨華, 一個係紺野あさ美. 當然, 愛妹把聲正就唔洗講啦~!! 好溫柔, 超好聽… 好似有人講故仔氹瞓覺咁, 好舒服… 但係有一個後遺症, 就係而家一聽都某幾個廣播劇, 就算唔係夜晚, 都會自自然然覺得眼瞓… (呢個亦係我响飛機可以大覺瞓嘅秘訣… ) 點解我會無啦啦講起我呢個”生活習慣”?? 因為我啱啱聽咗一個新嘅廣播劇lor~~ 擺上黎比大家聽聽…! (呢個因為係新野, 所以係收音機錄版… 我平時瞓覺聽果d, 全部都係cd版…) http://piriri.org/miya/061217_vu_radio.mp3 (<– 識聽日文嘅下載聽下啦~ 大約12mb~) Continue Reading