Monthly Archives: November 2006

一部份收藏

我部大帝dvd機發脾氣唔俾我睇個舞台劇所以我而家自己都發脾氣中!! 為咗舒緩一下, 我打開個櫃桶睇下我d收藏冷靜下, 就諗到要同大家分享下. 反正無得睇dvd, 不如就响沖涼前blog下啦.

大家睇下, 呢個就係我其中一格櫃桶嘅收藏品啦. 機乎全部都係hello! project (mo娘大家庭) 嘅cd同dvd.

dvd占大多數, cd得好少. 而cd多數係berryz嘅cd. 我有齊所有berryz嘅single, album同singlev (single video, 即係該single嘅pv嘅dvd). 至於演唱會dvd就差2隻佢同人地一齊嘅dvd, 事關我真係好唔鐘意果2個同佢地開果幾場演唱會嘅人(係地都係hello! project嘅人, 係一隊叫”w”的組合. 兩個都係前mo娘成員. 而家其中一個叫加護亞依响今年年初因為未成年吸煙而被雪藏當中. 個人希望佢永遠都唔好出返黎, 但係據報佢將會响下年初返黎), 所以無買到. mo娘演唱會dvd 都係我收藏對象.

不過其實我唔係一個cd”收藏家”. 我反而係比較鐘情於d睇得嘅野. 公式照(即只在日本hello! project專賣店出售嘅相相)同寫真集先係我嘅最愛. 下次有緣俾大家睇下我嘅寫真集同相相收藏啦~

終於睇咗啦!!!!

其實應該係尋晚post會傳神d, 但係尋晚實在high到唔知發生咩事, 所以一睇完(12點多d d)就跳上床傻笑. 好辛苦先瞓得著, 但係都半夜又笑鬼醒(<– 無誇張, 真係笑醒). 再瞓返, 3點02分唔知邊條友打我手提電話, 嘈醒我(但係無聽到電話), 應該發嬲, 但係又忍唔住繼續傻笑… 唔知幾時又瞓返, 但係朝早7點已經醒晒, 一起身又播, 實行返工之前再睇再睇再睇 . 所以今日體能上係好攰, 行路有少少浮浮地, 但係精神贏晒!! 精神度係120%!!! 講返d dvd, 真係勁呀. 一共有3隻碟咁多!! 2隻係正編, 1隻係花絮. 個舞台劇大大話話成2個幾3個鐘長, 但係估到估唔到, 呢套dvd入面竟然一共有3場咁多!! 事源係呢個舞台劇有1個鄰國王子角色, 但係就分別比3個唔同嘅人做. 王子1號係石川梨華, 2號係安倍なつみ, 3號松浦亜弥. 日子唔同就王子唔同, 呢個係呢個舞台劇其中一個特別之處 (我去睇嘅係1號仔石川梨華, 我係特登計啱去睇佢嘅). 不過其實鄰國王子係乜水唔係最重要, 最重要係愛妹個角色唔會變, 唔會比人取代. 本來諗住佢dvd都係得一場 (多數係最後一場), 但係佢竟然有3場咁多!!!!! 我尋晚淨係睇得一場 (睇晒要天光啦… ), 都係睇石川梨華. 好好睇, 好感動. 完完全全喚醒咗我3個月前去睇果時候嘅記憶!! 今朝起身睇咗少少松浦亜弥版, 覺得佢真係唔夠石川梨華做得好同入戲.… Continue Reading

大日子!!!!!!!!

今日係咩日子?? 今日係咩日子呀~~~?? 今日就係我想翻睇好耐嘅舞台劇dvd面世嘅日子呀~~~~!!!!! 11月29號, 呢一日係我今年其中一個大日子!!! (其他大日子當然係响日本現場睇呢套舞台劇果幾日啦~~) Date   Time   Location   Status November 28, 2006   14:26   Tokyo – Japan   Shipment picked up November 28, 2006   21:03   Tokyo – Japan   Departed from DHL facility in Tokyo – Japan November 29, 2006   02:13   Hong Kong – Hub –… Continue Reading

活在當下, 珍惜所有

早兩日提到一隊叫”ZONE”嘅日本女子樂隊, 仲話佢地d歌正, 而家介紹下佢地嘅一首歌仔… 首歌叫做”ボクの側に…”, 中文譯作”在我身邊…”. 呢首歌好有意思, 等我先打一段歌詞出黎俾大家睇下. 側にいた あたりまえのように (你在我身體就樣是理所當然的事)失うこと ないと思い (我從來沒有想過會失去)だからさよなら 言われたなら (所以如果你要跟我說再見)写るすべて 灰色になる (我生命著的一切都會變成灰色) 失って気づいた その大切さを (當我發現失去了你)胸にしみるほどに 感じだよ (我才深深地感受到你的重要) 幸せすぎて 気づかずにいた (以往實在太幸福了, 所以沒有發現)たくさんの ぬくもり感じて (我感覺到很溫暖)幸せすぎて 忘れていたね (以往實在太幸福了, 所以我忘記了)優しさに 包まれたこと (我是被溫柔包圍著的) 好多人好少去諗自己擁有嘅一切, 永遠都覺得係理所當然. 但係其實唔一定架! 所以要懂得珍惜身邊嘅人同事, 唔好等無咗先黎後悔呀~ 但願大家都活在當下,珍惜所有. Continue Reading

23張相片以及場刊入手!!!

踏入”收成期”嘅我, 今日收到一部份嘅相相啦~ 今次全部都係雅ちゃん嘅相相, 同埋今個月頭上演咗16場嘅舞台劇嘅場刊. 好開心呀~ 啱啱整理完畢, 嘩~ 幸福~ 本場刊就一般啦, 但係無論如何佢都係一件限定品, 所以都好開心~ (相相後補, 因為我唔記得帶個card reader返工) PS: 今日經朋友仔個blog發現薜凱琪個blog. 哈哈, 幾得意~ 補個圖~ (今日就係收到呢d野啦~) Continue Reading

mo娘年表??

响我諗緊今日要寫咩嘅時候, 一位朋友仔間接俾咗個idea我, 咁是事我就決定講下我最花時間嘅野 – morning娘啦. 首先要講下, mo娘同其他組合最大嘅唔同, 就係佢唔會有固定嘅成員. 佢地會有新血加入, 亦都會有舊人離開(佢地稱之為”畢業”). 所以大家可以將mo娘理解成一間”學校”, 新生加入, 舊生學滿師之後畢業 (當然, 為保持人氣, 有好多時都會有d叻人好耐都唔走). 大大話話, 而家都增咗6次員, 而家暫時最新最細係第7期成員. (其實第8期選拔已經進入最後階段, 12月10號就會有新成員加入…. 完全唔期待中…. ) 好啦, 講咗個背景, 而家係時候講下d人啦. 由於佢地轉人轉得太多太快, 有d唔係跟死佢地嘅fans都會”跟甩”. 正常嘅, 係我呢d咁嘅”全職”先跟得咁足. 咁就先講一講而家在籍嘅成員先啦. 現時mo娘有8位成員, 已經無晒第1期(即初期)成員架啦. 而家係由4, 5, 6, 7期成員組成: 後排 (左到右):吉澤ひとみ (Yoshizawa Hitomi) – 1985年4月12日出生 (21歲) – 4期成員&現時隊長 藤本美貴 (Fujimoto Miki) – 1985年2月26日出生 (21歲) – 6期成員&副隊長亀井絵里 (Kamei Eri) –… Continue Reading

正常嘅女子組合, 永遠都係短命嘅…

沖沖下涼, 突然間諗起一首歌, 歌名係”一雫”, 第二個係日文漢字, 中文無嘅, 讀音係”shizuku”, 意思係”滴”. 所以呢首歌日文讀法係”hitoshizuku”, 思意係”一滴” 咁解. 呢隻歌係一隊叫”ZONE”嘅日本女子樂隊嘅其中一首歌, 亦都係日本版”冰河世紀” (卡通片ice-age)第一集嘅主題曲. 點解會諗起呢首歌呢? 因為我真係好好好好好鐘意呢首歌. 我本人係比較鐘意慢歌 (雖然mo娘10隻有9隻半都係快歌, 但係佢係另計, 因為當你好鐘意一樣野嘅時候, 佢嘅所有野你都會鐘意), 所以呢隻慢慢地嘅歌, 係我响整個JPOP入面一隻好鐘意嘅歌. 最近mo娘方面好”忙”, 都無時間去聽, 所以頭先一諗起, 沖完個涼就搵隻dvd出黎聽+睇. (而家都仲播緊) 但係一睇, 就有d感觸. 好無奈一樣野, 日本嘅少女組合/樂隊, 唔知點解一般都好短命 (mo娘就唔好計啦, 佢地有新成員呢個system…). 好似大約10年前嘅max呀, speed呀, 果d, 5年仔都玩完. 而我講緊嘅呢隊”ZONE”, 佢地都只係玩咗4年, 2005年4月就散咗. 佢地d歌真係好好聽, 而且佢地唔係出黎唱下跳下就算, 佢地係玩band, 會彈結他, 玩bass, 打鼓, 間中仲會填下詞, 作下曲咁, 係一隊幾pro嘅樂隊. 佢地散咗, 真係好可惜… 佢地散咗都年幾啦, 但係有時睇返, 聽返佢地,… Continue Reading

終於識喊啦~

1公升的眼淚終於睇完, 响最後10分鐘, 我終於比佢搞喊咗. 我仲以為可以破記錄睇戲唔喊添…. anyway, 呢套係一套好劇^0^!! 多謝貓大哥幫我入貨~ 好啦, 我係時候要諗下之後睇咩啦!! 因為我想睇好耐嘅舞台劇嘅dvd終於會响今個禮拜出啦~ 所以其他野要睇就要趁而家睇啦, 如果唔係出咗就唔會睇其實野… 我預咗自己會日日狂睇至到1月17號, 雅ちゃん隻dvd出之後又狂睇果個~ 所以黎緊呢幾個月都唔會睇其他碟lu~~ Continue Reading

傳說中的”戀愛初歌”…

話說我想睇呢套戲好耐. 其實港產片, 我無乜期望架啦~ 呢套都唔例外. 我想睇只因為好耐無見過kary, 想睇下佢. 好, 尋日dvd到手, 第一時間睇. 嘩… 唔係咁悶呀?? 我睇咗15分鐘, 我就已經想瞓. 呢套野完全係平淡到死水咁. 方力申個角色又唔突出, kary又好似唔係好叻做戲(<- 咁講比咗面啦)… justin… 都不予置評. 個故事, 例牌野, 窮家女鐘意咗富家仔, 但係人地開頭唔show佢, 同佢去街又比人玩… 之後發現身邊人先係對佢最好, 想同佢一齊, 個富家仔又返轉頭… 咁lor… 成套戲架啦!! 我覺得d”茄”反而幾得意. kary出戲, 佢3個ex餅姊妹一齊撐場, 幾有義氣wor~ 不過我覺得, 佢地其實搶咗鏡. 低能孖妹stephy同theresa, 好鬼得意搞笑. 仲好cutie添呀. miki仲神奇, 神出鬼沒, 成隻鬼咁. 但係又一句對白都無果度cutie wor. 而且套戲, 竟然係由佢收尾…. 總括黎講我覺得呢套戲唔合格lor, 而且僅有嘅分係d茄度儲返黎… 主線戲真係唔係好得… 不過呢d都係純屬個人意見~! Continue Reading

雅ちゃん新髮型~

Berryz工房,出新歌, 有雅ちゃん當然要即刻睇. 一睇, 就見到佢剪咗頭髮. 好cute呀~ 我本人就好鐘意~!! 其實佢都成日轉髮型, 初初出度佢大約10歲果時, 佢染到個頭金晒, 又highlight咁. 再大個d, 就全金髮. 後來上中學啦, 就染返個頭做黑色, 就一直到而家啦(其實都係上年嘅事, 佢而家先讀中2). 細細個一直係長髮嘅佢今次剪到膊頭長度, 都算幾有改變架~ 我就幾鐘意啦, 個人好似爽咗好多咁, 好襯佢活潑嘅性格!! 長髮就詩文d lor, 不過都係得個樣詩文… 佢都係跳跳紮無時停呀啦~ 哈哈!! Continue Reading