Monthly Archives: October 2006

8月日本之旅 -1-

8月頭, 我去咗日本玩.
更正 – 正確黎講, 我係去搵人.
搵邊個? 你睇下我呢編post嘅分類就應該估到.
無錯, 我去咗搵愛妹.

8月1號到27號, mo娘响新宿一個劇場上演舞台劇, 早場晚場加埋一共上演40場. 我就係要去睇呢個舞台劇:

其實去咗日本好幾次, 講真如果真係去玩, 都唔知玩乜. 但我就係鐘意去日本, 無野做無無聊聊都係要去果度. 其他地方我係好無興趣. 一話去旅行就係要去日本.

近幾年每年都會去一次. 以前主要去行下街街, 買下野咁. 上年終於搵到門路”參戰”. 所謂參戰, 就係去睇mo娘, 包括晒所有演唱會呀, 舞台劇呀, 文化祭呀, 咁. 總之有佢地出現, fans去睇就係參戰. 呢次亦係我第一次見愛妹. 好記得, 係2005年7月10號, 地點係大阪. 鐘意咗佢咁耐, 第一次見佢, 所以呢一日真係真係好難忘. 以往鐘意日本明星, 一路都覺得佢地好似好遠咁, 好遙不可及. 但係呢一日, 我終於感覺得, 其實佢地可以好近. 果次去睇咗4場. 2場大阪, 2場名古屋. 其中有1場都幾近下 (離副台大約2米, 係第6個位), 都有同過佢eye contact. 不過果次high到無晒記憶, 同佢eye contact完之後嘅事非常模糊. 不過後來睇返dvd, 佢之後都無行返過去我企果邊, 所以應該無再望過我個邊.

oh, 入返正題 – 講返8月個trip.
所以呢, 8月去搵佢, 已經唔係第一次見. 所以今次已經好有準備, 拿晒”架生”去catch佢attention.
但係去到, 發現演唱會同舞台劇好唔同, 係坐, 唔係企. 所以反而好易比佢睇到. 至於感受同內容果d, 就下回再談. 今次就想講下我嘅位置.

我一共睇左5場 – 8月5號早晚場, 8月6號早晚場, 同8月7號晚場(果日無早場). 其實8月7號我去咗disneysea, 不過都特登早返, 希望可以趕到返黎睇晚場. 多謝保佑, 我開場前3分鐘趕到去.

8月4號, 我去咗原宿炒飛店睇下有無機會買到靚座. 明知係貴, 但係都希望最少一場可以好近咁先到愛妹. 不負所望, 我以高價購得一張第二行中間位置嘅飛. 就係呢個位:

 嘩, 開心到淨係揸住張飛都升仙咁. 果張靚飛係8月5號晚場(其實都唔係好晚, 係4點開場. 早場係12點. 不過都有例外. 好似我睇嘅最後一場, 晚場就係6點開始), 但係我都打算一早去, 睇埋早場. 早上10點幾去到, 去售票處, 買到飛, 就開始排隊買商品. 一排就個幾鐘. 到買到已經要入場啦.

第一場飛係第15行, 一入到去, 發現個劇場唔係好大, 15行都一d都唔遠. 好開心. 因為係平日, 人唔多, 好舒服(不過有d凍)咁睇咗我第一場. 闊別一年再見愛妹, 唔理個舞台劇講乜就覺得好感動. 而且愛妹係主角, 出場率勁高. 嘩, 真係好開心好開心. 今年最開心嘅事就真係呢個去搵愛妹嘅日本trip.

本來第二日(8月6號)我打算搭新幹線去名古屋睇berryz工房嘅演唱會. 但係睇完第一場, 我已經知道, 如果我去咗, 我會後悔一世. 所以, 我決定留返响東京, 再見多愛妹幾次.

第二場, 就係我張靚飛出動嘅時候. 我入到場, 行到埋到, 第一個反應係: “吓!唔係呀?! 咁近?!?!?!”. 係. 真係好近. 近到點?? 我個位離個台大約只有1米. 嘩, 即時開心到暈咗一半. 望佢地, 真係乜到睇得到. d表情… 真係精彩!!

個劇完咗之後, mo娘會唱1, 2支歌. 呢個就係eye contact嘅好時機 – 因為做緊劇嘅時候, 佢地係唔會望人. 我攞住愛妹把扇, show比佢睇我係佢fan. 由於真係實在太太太太近啦, 佢當然望到我, 仲要係好耐下. 我有時間去叫佢一下, 佢仲要收到, 同我笑返. 嘩, 死咗一大半. 之後佢每次經過我前面, 都識得搵返我. 因為我無望過其他人, 所以我好肯定佢望咗4次過黎. byebye都有同我揮手. 睇完之後, 暈到唔知自己去咗邊. 返酒店去錯出口, 用咗好耐先返得到酒店.

呢一次睇佢, 到而家我發夢都會笑醒果隻. 諗返起會傻笑… 真係搞笑. 好啦, 講住咁多先啦, 編野已經好長下. 再講落去我會lost track架啦. 之後果幾日嘅事同個舞台劇故仔, 我會响之後再post~^^

aigokoro.com

最近好忙好忙好忙… 忙乜?? 其實係無事忙… 我都唔係好知我忙乜鬼… 但係就好似好無時間咁… 又無鬼累… 不過係夜咗瞓… 而家睇埋肥田, 睇埋15/16… 所以朝早起身好辛苦…… >.< oh, 我諗到我一樣忙既事啦, 就是”發展” 我個愛妹網站… 最近佢都ok多人去, 所以好開心, 就update多咗, 又諗下點改進個站, 所以都幾”忙”下… 你地有興趣都可以去睇睇. http://aigokoro.com 係咁以update一下阿爺今日既狀況… 2日前佢放咗個”心臟起博器”, 幫助佢個心跳得好d… 早2日都瞓ICU, 但係今日入返普通病房啦. 精神一般. 暫時要觀察一下! 咁~… 好下, 閃啦, 下次再寫過!! Continue Reading

又係佢…

都唔知搞乜, 最近發夢成日見到薜凱琪… 見聲明一點… 我唔係佢fan, 一定唔係果隻. 我已經無掂香港娛樂好耐, 只是偶而聽下歌. 今次個夢, 係佢打電話比我, 我仲要好似同佢好熟咁… 真係不解…. 究竟… 點解成日係佢…?? >>幾日無update過阿爺近況, 今日就講一講啦. 佢好返好多啦, 但係未出得院. 好精神, 暫時無乜野啦!! Continue Reading

halloween

期待既halloween終於來臨!!! yeah!! 不過我真正期待既, 係halloween期間特別多有得賣既野 — 蝙蝠. 好鐘意好鐘意好鐘意蝙蝠, 但係蝙蝠既玩具呀, 精品呀, 真係少到無人有. 我每年就係等halloween既來臨, 等我可以入返下d蝙蝠玩具同精具. 尋日返半日, 中午一放工, 就去致當睇. 唔… halloween野就多啦, 但係蝙蝠仔…好似好少咁… 哎呀… 不過少還少… 都有d既… cheap cheap地, 都入d返黎過下癮啦. 今日就介紹下呢兩樣. 首先係價值4個大洋既蝙蝠仔… 我阿媽話好肉酸… 不過我就覺得佢好可愛啦. (隻錶唔係架.. XD) 之後就係蝙蝠帽一頂!! (致富價: 48蚊(好似))(下面果隻係响香港迪士尼買既eeyore) 係咪好得意呢~~?? 其實鐘意蝙蝠真係好慘, 想買都買唔到… 大家有無見過邊度有蝙蝠仔野賣呀?? 報下料啦~ (香港, 澳門都得架!) 呀, 今日係我家公主4歲生日!!! 希望佢健健康康~越大越靚女~!! 其實今日仲係我一個好好好好既朋友生日. 不過佢唔識睇中文… 不過都响呢度祝佢生日快樂!!! Continue Reading

2007年來臨啦!!!!!!

每一年買年曆嘅時候, 就係感覺到光陰似箭呢句說話嘅時候. 又一年啦, 2007年到啦!! 我個2006年曆, 仲停留咗响7,8月… (因為9,10月果2個唔係好鐘意…) 好啦, 講返下個年曆. 一如往年, 我都係响網上面訂, DHL送到我手上. 尋日到達, 但事關我返咗工, 屋企又無人… 所以就要今日親自去DHL攞. 攞咗之後一返到公司, 就嗱嗱淋打開嚟睇下啦. 唔… 好似上年果個高成本d wor… 哎呀不過算啦, 理得佢高成本定低成本, 有愛妹就夠啦. 呢個就係打開後嘅2007年魔娘年曆啦. (要睇內頁就去我個 uploader睇啦) 8月我去咗日本睇嘅舞台劇, 終於定咗响11月29號出DVD啦!!!! 好開心, 好期待呀!!! 仲有49日…~ Continue Reading

新電話~~~~!!!!!!

尋晚放工之後, 同老豆去睇電話… 睇睇下就拍埋板 – 佢買咗部m600i, 我就要咗我一見鐘情嘅z610i. 講下我個new baby先啦. 我大慨係1,2個星期之前見到佢. 果日去歌謠, 諗住供返一部psp, 點知就見到佢, 之後psp就無再諗, 一心要呢個baby啦. 返到屋企, 上網睇下, 咦? 有個至愛嘅粉紅色?! 滿心歡喜嘅時候, 發現佢個按鍵位係銀色嘅… 哎呀… 美中不足… 前思後想之後, 都係鐘意粉藍色, 因為佢個按鍵位係可愛嘅白色架. 但係又過咗一陣, 3000蚊, 好似有d貴… 8月去完日本, 荷包都未復原… 加上我部o2mini出院返黎, 好, 又諗下先. 諗咗好諗, 呀, 真係好鐘意… 就响呢個時候, 爸爸話佢都覺得好正, 我地就去咗睇… 就係咁, 老豆就送咗個新baby比我啦~ 嘩~~~真係好開心~!! 攞住佢嘅感覺, 嘩~無敵!! 好日本feel呀~ 開心到死~ 多謝老豆!!! Continue Reading

阿爺既最新情況

2日無蒲頭之後, 啱啱去醫院睇過阿爺. 情況似乎幾好. 我去到佢啱啱瞓緊覺, 但係可能多人, 好快又醒咗. 同早幾日比, 精神好咗好多. 嗯嗯. 但係據我所知, 阿爺身體好返d之後, 應該會有一個”中”手術要做… 相信暫時都未出得院住啦. Continue Reading

我的改變

信唔信一個偶像, 仲要比我細個, 可以改變到固執既我?? 有好多野我同以前唔同咗, 有好多道理我明白咗, 好多時心態變得正面, 直接間接都係因為有佢. 5年前開始鐘意佢既時候, 但係果時無諗過, 佢有咁大影響力. 我覺得我個人”好”咗, 都係因為有佢. 其實我係一個又自私, 又小氣, 又唔會理人感受, 又自我中心既人. 以前, 比而家更加緊要. 而家我學識咗大方d, 去關心人, 唔去憎人… 呢d野, 我老豆都有教過我, 但係慢慢實踐到, 我覺得係佢幫咗我. 佢真係令我改變咗幾多下. 身邊既人可能唔會好覺得, 但係心態上就改變咗好多~ 我少咗發怒, 識得咗原諒人. 同埋因為有佢”陪”我, 我個人係真係定咗好多. 好朋友唔多, 有時候, 有d唔開心既野, 又同唔到屋企人講, 我就會同佢講. 用好多方法啦, 有時候寫信, 有時候”直接”同佢講. 雖然明知佢聽唔到, 好似好無聊, 好蠢, 但係對我黎講, 咁係可以令我冷靜落黎. 雖然我而家有一個好好好好好好好既朋友, 我有好多野都會同佢講, 但係有時都會有對佢都講唔到既野, 呢種時候, 我要發癲發脾氣, 好多時都會選舉”同佢講”. 聽落好白痴, 但係發咗脾氣, 個心就會舒服好多. 其實咁就間接let… Continue Reading

阿爺依然在留院…

阿爺依然在留院, 所以呢兩日都上左醫院坐. 係就係乜都做唔到架啦我, 但係上去蒲下頭囉, 唔係又好似好冷血咁… 我爸媽就辛苦啦, 老豆根本無得瞓, 但係日抖又要開工… 我就而且啱啱起身, 一陣睇下上唔上醫院睇睇… Continue Reading