Monthly Archives: September 2006

禮拜六, 無節目

好悶…

禮拜六要返工, 好悶…

唔夠瞓仲要返工… 超悶…

快快快快快d 1點…

快快快快快快d放工…

快快快快快快快d走人…

下昼可能去大陸… 但係好累… 睇下點啦…

新玩意~

最近迷上玩yoyo… 因為唔係好興既關係, 所以澳門我搵唔到有得賣. 結果, 响網上面由美國訂咗2個返黎. 首先介紹呢個叫”throw monkey” (擲馬 騮?).呢個係一個比較大個既yoyo. 佢外層包咗個象皮, 所以個yoyo返黎你手心既時候, 唔係打痛你. 不過, 呢個先係我既最愛: 呢個是yomega公司ge power brain xp. 佢係一個制, 比你開auto-return. 開左, 個yoyo會自己返黎. 閂左, 個yoyo就會轉耐d.呢個yoyo好”聽話”, 好啱新手玩. 我玩左一陣就玩到花式啦!!! 如果想開始玩yoyo, 不妨由呢隻開始~ Continue Reading

來歷不明既傷痕?!

前日, 我發現左手手臂有2條來歷不明既傷痕… 都幾長下. 發現係响屋企, 沖涼前. 雖然我有前科, 但係我真係唔記得果日有界過… (我都好耐無做過這樣野…) 究竟係意外… 還是…?! Continue Reading

青汁

大家有無聽過一種飲品叫”青汁”呢? 呢隻飲品係來自日本既, 係一種健康飲品. 買返黎既時候係一包粉, 加水飲用. 日本市面上有好多唔同既青汁牌子, 香港我估計都唔少. 而澳門呢, 我暫時只見過關閘附近果間daiso有. 入到手既只有呢種: 一大包入面有4小包: 將1小包放入杯裡邊, 加100-120ml凍水 (大約半杯), 搞掍, 就可以飲啦. 青汁係蔬菜既精華, 專係比食肉多菜小既人補充蔬菜既營養, 好似鐵質呀, 咁. 不過我要強調一點, 呢杯野絕對唔係好飲!! 飲既目的係為健康!! 但係… 都唔係好難飲既… 我唔係好鐘意食菜, 所以有時都會飲呢個青汁補返下d蔬菜營養!! 有興趣試下啦~ 介紹還d難飲既野, 等我講一講果個食到既好野: 呢個係西洋腸雜菜通粉… 好好味架!!! 雖然我阿媽都煮到, 不過呢一碗係出茶餐廳食既. 間茶餐廳叫發記, 响盧九花園附近!! 得閑去試下啦!! Continue Reading

又食公仔面…

死啦, 食左幾日公仔面, 好似好唔健康咁… 今日中午又係佢… 其實唔係好想食… 但係又快又平又好味既野, 好似又唔多… 食食下, 唔知我會唔會變防腐人呢… Continue Reading

病左……….

呢幾日都無update, 其實係有原因ge… 因為大感冒而病倒… 留家休養數天… 當然, 屋企係有電腦ge, 但係, 無力無心情update. 但係今日已經好d, 返番去老豆公司做野啦… ^-^ Continue Reading

天生殺人狂

天生殺人狂並不存在. 沒有一個人一生下來就喜歡殺人. 因為人類本性抗拒殘殺同類. 天生殺人狂和dna沒有直接關係. 但你會問, 那為什麼殺人狂的兒子, 往往也是殺人狂? 問題問得好, 但始終和天生沒有關係. 出現”問題”的, 是後天. 一出生就被貫輸暴力, 血腥. 久而久之, 心裡就會接受了用暴力及血腥方式解決問題… 這就是所謂的”天生殺人狂”, 但事實上, 並不是”天生”的. 心理室的理論是本人看書加上獨立思考所得出的結論, 並不一定是完全正確, 但多有根據. 而且只代表本人立場. Continue Reading

豐富的午餐

星期六… 有人請食飯… 嘩~ 好耐無食過住家午餐!! 感激兼感動中… 不過咁都唔只!! 事關場地以及用具既缺乏, 呢一餐飯係一餐好型既飯!!! 首先請大家睇睇呢個飯. 睇清楚d….. 咦…? 個”飯煲” 好似個茶壺咁既….? 無錯!!!!! 因為無飯煲, d飯係用茶壺蒸出黎架!!!!!!! 第一次食蒸飯既感覺… wow, 好味道!!! 之後, 就介紹下d餸啦. 先來一碟可樂雞翼. 上面加左d “然西” (sorry, 正確寫法我唔記得…), 又香又甘… 唔~好味道…!! 呢味係菜花炒蛋, 好耐無食過韮菜, 嘩~~ yummy yummy~~ 再加一碟蒜蓉炒耶菜, 正啊!!!! 多謝晒!!! 真係好味道~~ Continue Reading

愛妹牛一

今日愛妹20歲生日, 响日本黎講, 就係所謂嘅”成年”.唔經唔覺, 鐘意咗佢都成5年幾, 同佢都”一齊”過咗5個生日.由佢15歲, 到而家20歲成年了,感覺上佢無乜大分別…可能係我一路睇住佢嘅關係啦.不過點都好,愛妹, 生日快樂!! 你永遠都會係我最錫嘅皇妹!! 等我解說返一下點解會叫佢愛妹啦!!! 其實呢個名, 真係响佢一出度就叫到而家㗎啦. 佢全名叫高橋愛. 咁响佢出度果年, 我就一開始就鐘意佢. 因為佢比我細4年, 我就同d friend講, 話我好想有個好似佢咁嘅妹妹(我係獨生女). 講下講下, 就”愛妹愛妹”咁叫佢… 之後, 就一真係咁叫啦. 到而家都改唔到口 (其實亦都唔想改). 對佢我諗我已經超出咗偶像嘅鐘意啦… 而家, 响我心目中, 可能佢真係已經變咗我個妹啦~ 當然, 我係講緊我對佢嘅心態… 唔係佢真係做咗我個妹…. (不過係都唔駒… XD) Continue Reading

打風

… d天氣真係… 夠晒9唔搭8….. 明明d天氣係秋天, 但係又落雨, 搞到又有d似春天, 但係今日(尋晚?)竟然又打風, 咁即係夏天啦… 但係夏天黎講又好涼wor, 咁即係唔係夏天啦… 咁… 即係點…??? d天氣越來越痴線, 就表示地球先生真係病得好嚴重. 佢自己都開始唔知自己做緊乜… 其實地球先生真係好好架. 佢好好心, 比我們人類, 同埋各種生物住响佢上面. 但係我地就唔識好好地對佢, 搞到佢又病又污糟… 不過而家開始對佢好都唔遲架~ 注意一下日常生活嘅小節, 減少一d不必要嘅用水用電… 既環保又省$$!! Continue Reading