Category Archives: 成員介紹:teamKII

ごりさ

呼~剛好趕及7月更新我的「SKE48成員全員集合計劃」!好險好險…
上上次5月… 上次6月… 今次7月… 也不算太過份吧?8月希望自己會好好寫這個系列吧。

今次的主角是,KII的猩猩-後藤理沙子。(又是KII嗎?連續6篇了啊

話說寫理沙子最大的困難是找圖。
我在一個我常去的網站找,用她的名字找到的只有一張SKE48的全員大合照。再到另一個網站找,找到的只有兩頁-大約二十張圖。個人照兼尺寸合適的僅兩張!沒辦法,只好放她跟其他成員的合照。

後藤理沙子應該是我暫時寫過的SKE48成員中最生面口的一個吧?她所屬我喜愛的KII,而且還是我SKE48最愛的3期生!這個14歲雖然是3期生,但其實她11歲的時候參加過2期生的甄選,但不合格。不想輕易放棄夢想的她8個月後再參加3期生的甄選,終於合格了成為了SKE48的成員!

雖然合格了,但她的SKE之途並不如同期成員的順利。首先3期生本來就比較特殊,不知道是不是合格人數太少,還是秋元P本來就只打算補員,3期生的合格者並沒有組成一team,反而是以昇格teamS或teamKII為主。現在SKE48的3個teams,teamS主要是1期生,teamKII主要是2期生,teamE主要是4期生。3期生可以說是各散東西。有些成員沒多久就昇格,最快的小木曽只用了3個月就昇格teamKII,兩天後須田,木下也昇格teamS了。3個多月後的6月,木崎也昇格teamS了。但這個時候,跟她們屬同期的理沙子,就連舞台都還未有機會踏足,2010年8月才終於有機會出演KII的公演。但這個公演之後一個月,KII就開始進入「沒正式公演」的時期,到現在還只是做Survival公演(重做之前做過的公演)。

理沙子正式昇格KII,是去年的12月8日的事,那一天同時是teamE組成的一天。理沙子的昇格是因為有四個KII的成員因為不守規矩而遭降格,一直幫KII做Under的理沙子順理成章成為正式成員。被認為成員昇格速度快的SKE,理沙子足足用了一年零一個月才昇格為正式成員。雖然不是等得最長的成員,但超過一年的成員並不多。

昇格後的理沙子出鏡機會多了,但SKE營運偏心的情況令KII的新成員上位速度很低。太多的機會,資源都用在S身上。同是3期生,進了teamS的須田和木崎和進了teamKII的小木曽比較,不用多想就可以發現teamS兩位的機會多太多了。不過幸好SKE48越來越有人氣,也擁有了多個屬於自己的電視節目,好像「イッテ恋48」等,令KII的新成員和teamE的成員也有機會亮亮相。

看看這個小女孩的樣子,大家應該在想為什麼她會叫「猩猩」,她哪裡像猩猩了?對對,她被叫猩猩不是因為她長得樣猩猩,而是因為她的名字。後藤理沙子,被成員簡稱為「後理沙」。後理沙日文讀音是「GORISA」,跟日文猩猩「GORIRA」的發音相近,叫多了她就被叫成猩猩了。理沙子對這個名字並不抗拒,甚至覺得很有趣,她說過她很喜歡成員們開她的玩笑,但如果是不認識的人,她會覺得很討厭。有機會跟理沙子握手的朋友要注意啦。

理沙子在自己的特技柵上填寫了「藉口和漱口」,看到的人都會滿頭問號。據說她本來是沒有特技的,但工作人員叫她認真想想。她思考過後覺得自己說藉口說得很好,於是就寫了「藉口」。不過在SKE48学園入面古川叫她即席說一個遲到了的藉口時,她說的理由實在很那個。至於「漱口」,她說因為自己漱口時可以發出聲音,但同在SKE48学園被成員打擊,說發出聲音根本不難之類的。結果說,這個小妹妹是完全沒有特技可言的。

理沙子在SKE48近三隻Single也是白組的成員。我特別在「卒業式の忘れもの」中留意到她。留意到她,是因為她的髮型,但不是因為她的髮型特別可
愛,反而我看到的第一個感想是:「她這個髮型想怎樣啊?」。這個髮型就是我媽媽常說的「紥了一條炮仗在頭上」(我其實也不知道為啥媽媽會這樣形容,只是我每次在家中紥類似的辮子她就會這樣說)。先不管這個髮型襯不襯她,但最少是給我一個很鮮明的印象了。

雖然感覺平平凡凡,但她的目標可以很遠大的。她最尊敬的前輩是柏木由紀,希望自己可以好像她一樣,成為一個又可愛又有表現力的清純派偶像!

ごりさ!就算你站在最後一行,站到最邊邊的位置,懂得欣賞你的人還是會看到你的!加油!

姓名:後藤理沙子(Goto Risako)
暱稱:ごりさ(Gorisa)
出生日期:1997年5月27日
血型:A型
出生地:愛知県
身高:157 cm
所屬:SKE48 teamKII(3期生)
自我介紹:みんな~しりとりの時間だよ。最初はしりとりの「り」から。せーの、りさこ、ごりら、らりるれり~ん

ちゅり

好像很久沒寫過SKE48成員了… 上一次… 唔,5月10日。呵呵,原來一個多月了。因為實在有太多比較舒服的題材~這種又長又累又要用腦的當然是要押後啦!(←喂 今次依然是KII的成員。今天我也問了自己一次,究竟我有多愛KII啊?其實我現在這麼愛KII,都是多得她!是她的隊長論令我對KII產生深厚的感情! 2009年3月進行甄選的第二期生,在2009年5月組成了SKE48的第二個team-teamKII。而率領這隊KII的隊長,就是19歲的高柳明音! (↑↑ 熱血教師版的熱血隊長) 要說明音是KII的首席,應該沒有人會有異議吧?總選的結果也清楚地反映出來了。可是當初,營運力捧的並不是她,而是向田茉夏(其實到現在,營運都還是在硬推茉夏的)。 2010年6月9日被任命為KII隊長的明音,現在任誰都會認同她是一個很熱血的隊長,可是從前的她,其實是一個極度害羞的人,而且不喜歡站在人前。雖然看起來好像很開心活潑,但其實蠻容易受傷和多愁善感的。她自己亦說過,她不是當隊長的材料。但既然被任命了,不喜歡認輸的她決定把這個任務做好。以前我曾在BLOG中都提過,明音的隊長感太弱。同隊中年紀最大的佐藤実絵子反而更似隊長,關於那次事件請看這裡。 事隔一年,現在的明音,已經是KII成員尊敬的隊長了。我喜歡她總是站在一傍觀察各成員,明音對KII每一個成員都非常了解。而在她的言談中,很容易發現她是處處為KII著想的。今年總選,她是目標是入選拔,原因是她希望藉著入選拔令更多人認識KII。雖然最終結果她得的是23位,還差兩位才爬得進選拔,但她在台上公然向秋元老師提出訴求,相信已經令很多人留意她了。回到後台,KII的成員都對她說謝謝,感謝她為KII說的話。但其實明音也並不是「膽生毛」,她在台上說那番話時,她拿MIC的手是不停在顫抖的。可是為了KII,她把全身的勇氣都拿出來了。的確,KII出道足足兩年了,但還未有一個屬於自己team的公演,令KII好像永遠也活在S的影子之中。在多次訪問中,當問到明音現在最想要的東西時,明音總是會答:「KII的公演!」 KII以外的明音,是一位料理達人。她曾經正式學習過料理,所以她對料理有一份執著。有時候成員在BLOG裡寫到自己做的料理,明音看到有錯會立即SEND MAIL給她個成員,告訴她出錯了。成員生日的時候,明音也會親手做吃的送給她。看來好像很精明的明音,其他社會科特別差。加入SKE不久之前她還以為日本以外都是美國,而法國在美國裡面… 等等… 似乎有點缺乏常識… 說到明音,不能不說的當然是小鳥!明音喜歡小鳥的程度,是如果有地震發生,她會第一時間去救她家裡養的四隻小鳥。明音的公式暱稱其實是「あかね」,但現在大家都叫她「ちゅり」了。「ちゅり」本來是明音養的小鳥的叫聲,由於明音說得太多,現在大家都叫她「ちゅり」。小時候的明音已經很喜歡鳥,但一直沒有想過要養,只是喜歡出外看鳥,只後來長大了才養了現在的四隻鳥「パピ」「ピノ」「プチョ」「ポポ」。記得明音去年來澳公演的時候,大夥人到酒樓吃飯,當中有一道菜是炸雞。大家都知道中式酒樓的炸雞是連頭連尾一起上菜的啦?明音看到炸熟了的雞頭,竟然哭起來了。雖然如此,這不代表明音不吃雞… 她最喜歡吃的是… 雞翼… 不論何時都「不遺餘力地生存」的KII隊長明音,希望今年會看到她念願的KII公演吧! 姓名:高柳明音(Takayanagi Akane)暱稱:ちゅり(Churi)出生日期:1991年11月29日血型:B型出生地:愛知県身高:154.2 cm所屬:SKE48 teamKII(隊長,2期生)自我介紹:今日もちゅりをバードウォッチング! 天から舞い降りた小鳥ちゃん。ちゅりこと高柳明音です PS:寫明音好像總結不了… 太多東西想寫,太多的感覺想表達… 結果寫出來的這篇post感覺很零碎… 唉 Continue Reading

あんにゃ

First of All,今日係茉夏嘅15歲生日,在此祝佢生日快樂,同埋祝佢今年總選可以上台啦! 好,入正題!今日係寫小蝠嘅「SKE48成員全員集合計劃」。 但係… 咦?又係KII?! 係呀,又係KII。點解?其實都無乜特別理由。望過去見到月曆上係佢,就決定寫佢。 今日嘅主角係,SKE48 teamKII嘅石田安奈。 之前連寫兩篇都係小蝠比較唔太有感覺嘅成員,今次嘅安奈係屬於鍾意嘅類別!安奈係KII嘅初期成員,亦即SKE48嘅2期生。 安奈係明音,茉夏之後,KII嘅第三把膠椅。唱歌跳舞都屬中上,响台上嘅表現力都算係搶眼嘅一群。但係呢啲都唔係安奈嘅selling point。 安奈嘅selling point係佢活潑開朗嘅性格。愛笑嘅佢最鍾意就係整惑人。佢出街嘅袋入面,除咗一般嘅銀包,化妝品之外,永遠都有啲蛇蟲鼠蟻嘅玩具,ready隨時攞出黎嚇人。夾手指嘅香口膠,放屁聲嘅坐墊… 等等,應有盡有。就算無呢啲玩具,佢都會諗到好多方法搞人。至於目標,SKE48嘅成員不在話下,佢嘅整惑對象已經發展到去fans,AKB48嘅成員,工作人員,甚至係SKE48嘅劇場管理人湯淺先生。最近安奈最自滿嘅成功目標係AKB48劇場管理人戶賀崎先生。已經玩到去上級嘅佢,唔知有無膽去玩秋元P呢?哈哈。 「ごめんね、SUMMER」第一次入選拔嘅安奈,直到目前為止已經連續三隻single都入選拔。跟佢上一年第一次入選拔嘅時候比較,我覺得佢嘅變化都幾大。主要係外表。睇返最近嘅安奈,就覺得佢化妝濃咗(定係我應該話「叻咗」?),特別係眼嘅部份。所以近排見安奈會覺得佢突然間大個咗好多咁。14-15歲,由中學生步向高中生,無論外表定係心態都會開始轉變。安奈就正正係處於小朋友同大人嘅交界位。所以佢未來一年嘅變化,將會係一個令人期待嘅項目。 小蝠最初留意到安奈,其實係因為佢嘅自我介紹:「今日も小悪魔なプレゼントをお届けしてもいいですかー?」,之後fans就答:「いいです いいです いいですよー」。我覺得好癮。因為佢呢句野係問人「得唔得呀?」咁,好記得係有一個concert嘅MC,玲奈特登叫安奈出黎,就係叫佢用呢個方法問fans。好深刻嘅印象。從呢個例子睇到,一句好嘅自我介紹真係會令人一下就記得。 輕微嘅題外話。安奈屋企有貓又有狗。隻狗叫「七」,母貓叫「福」,公貓叫「神」。三隻加埋就係七福神!最近阿福生咗貓仔,佢地好似keep返一隻三色嘅女仔,名叫「夢」。安奈嘅blog時不時會出現佢屋企嘅貓貓嘅相。愛貓人仕可以留意一下! 到目前為止,安奈嘅發展尚算平穩。但係小蝠覺得,佢嘅位置其實只係比邊緣人好少少。雖然上一年嘅總選入面,安奈個名曾經响速報上面出現過,證明佢都有一定嘅人氣。但係今時唔同往日,teamE成立,越來越多人嘅SKE48,如果遲啲多幾個好似花音咁嘅話,危機就可能會出現。始終總人數多咗,入選拔嘅機率就會下降。不過而家嘅安奈,應該暫時未有問題吧。 姓名:石田安奈(Ishida Anna)暱稱:あんにゃ(Annya)出生日期:1996年5月27日血型:B型出生地:愛知県身高:156.0 cm所屬:SKE48 teamKII(2期生)自我介紹:今日も小悪魔なプレゼントをお届けしてもいいですかー?(fans:いいです、いいです、いいですよー)あんにゃこと石田安奈14歳です! Continue Reading

しゃわこ

估唔到自己會又講KII嘅成員,更加諗唔到自己會咁快講佢。今日嘅主角係,SKE48嘅第3期成員,KII嘅秦佐和子。 呢個SKE48嘅成員係我少有地唔太鍾意嘅成員。小蝠最唔鍾意嘅SKE48成員top5應該有佢個名。但係點解明明唔太鍾意都咁快講佢呢?其實係因為前幾日睇咗上星期嘅嗰集「週刊AKB」(2011/04/22)。 「週刊AKB」我已經唔係集集睇,因為我覺得好悶。同埋佢地好識搵錢,好睇少少嘅佢都會出DVD。但係因為我鍾意嘅須田亜香里話佢自己有份出演,所以為表支持,我今集搵咗黎睇。原來今集係要研究佐和子,所以有部分SKE成員有出場。 點解會要研究佢呢?原因係上次佢出演學力試驗嘅時候嘅奇怪表現。佢攞咗第一位,答咗好多標準答案。但係無論人地係讚佢又好,笑佢又好,普通同佢傾計都好,佢都表現得極度之怕醜。講野細聲兼低頭唔望鏡頭。同佢講多幾句,佢就好似就黎喊咁。呢個古怪嘅SKE member有鏡頭恐懼症。鏡頭對住佢,佢就會用手或者頭髮遮住自己塊面。 咁點解一個咁怕鏡頭嘅人會走去考SKE48仲要入埋? 原因係佢夢想成為聲優。因為見到松下唯入咗SKE之後有機會做聲優嘅工作,所以佢都希望可以學佢咁,而入咗SKE。佢本人都講過,佢係極怕醜極唔鍾意受注目。但係入咗SKE之後,其實已經好咗,起碼佢可以抬起頭上舞台。 呢個咁奇怪嘅成員,怪嘅並唔只呢樣野。 佢係一個極端地怕麻煩嘅人。佢一個人擁有7部PSP,仲要係去街都會帶超過1部。理由係佢「覺得換碟好麻煩」,所以有一部PSP係專用黎玩佢最鍾意嘅 Monster Hunter。我聽到真係呆咗。雖然我都覺得換碟係好麻煩嘅一件事,但係我覺得帶咁多部PSP出街會更加麻煩囉==; 佐和子出生長大於大阪(又係大阪!呢排做乜咁鬼多大阪野!!)。 淨係呢個已經夠我ban佢啦!!唔係啦,講笑啫。佢雖然係大阪人,但係佢講野係零大阪音,其實都OK啦。我唔太鍾意佢主要都係因為佢唔太係我杯茶同埋佢話 野太太太太細聲啫。佐和子到而家都仲住响大阪,日日就去名古屋「返工」。因為其他成員嘅年紀問題所以公演都會好早就完成晒,所以佢搞掂啲野又會搭返車返大 阪嘅屋企。我估途中佢就會攞出佢嗰7部PSP黎玩… 其實… 不如唔好咁辛苦啦~移藉去NMB算罷啦! 雖然好怕醜,但係身為大阪人嘅佢都有大阪人嘅性格,就係你叫佢就會做。而佢唔多唔少都有想表現自己嘅一面嘅我覺得。所以好似响週刊AKB咁,叫佢跳舞佢就跳==;同佢同係3期生嘅須田亜香里形容佐和子嘅時候話,佢係一粒扭計骰。因為無論你幾想認識佢,都唔係咁易做得到。 佐和子係小提琴高手啊!呢一點小蝠俾咗好多分佢呀!不過佢拉完返埋位,就喊==;話自己拉得唔好。其實佐和子真係要俾多啲自信心自己先得。 最後要講嘅係。呢個9月14號出生嘅秦佐和子咁啱同Morning娘嘅高橋愛同月同日出生(唔同年),咁啱又係A型血。仲啱嘅係,兩個都係宝塚迷。Well… 其實都無乜特別,我只係想發表一下我呢個小小嘅發現啫 如果你對呢個有鏡頭恐懼症嘅SKE48成員有興趣,建議你睇下2011年4月22日嘅「週刊AKB」!一定大有得著! 姓名:秦佐和子(Hata Sawako) 暱稱:しゃわこ(Shawako) 出生日期:1988年9月14日 血型:A型 出生地:大阪府 身高:161.0 cm 所屬:SKE48 teamKII(3期生) 自我介紹:あんまり見つめられると照れちゃう。そんなシャイな私のこの気持ち、届いてますか? しゃわここと、秦佐和子です! Continue Reading

あいりん

AKB48 SKE48入面嘅宅女實在唔少。講起AKB48嘅宅女一定會諗起麻友,至於SKE48方面,應該點都唔會數漏古川愛李。 SKE48 teamKII所屬嘅古川愛李係SKE嘅2期生。 恕小蝠直言,話靚佢又唔係太靚,話可愛佢又唔太可愛。雖然一啲都唔係差,只係感覺上唔係太偶像嘅料。但係愛李勝在得寵!!得邊個寵?之唔係就係玲奈囉! 自從玲奈對對佢忽冷忽熱嘅小野晴香死心之後(爆),玲奈就轉投愛李嘅懷抱。自始之後,玲奈嘅blog不斷咁有愛李嘅出現。私底下佢地都非常之恩愛。愛李被同team嘅安奈踢爆,佢電話收email嘅鈴聲係玲奈把聲,而玲奈電話收email嘅聲就係愛李把聲。握手會佢地一pair嘅時間,愛李表示同玲奈一齊佢既興奮又緊張,氹到玲奈見親佢就開心晒。霖住SKE雙塔之一嘅玲奈,實有運行啦!! 以上都係講下笑啫,雖然佢兩個真係好鬼恩愛… 其實愛李強在MC。轉數快,口齒伶俐,又識搞笑又識配合人。呢樣野對於佢將來想响二次元業發展都幾有優勢。佢都係聲優志望喔! 我好鍾意愛李畫嘅公仔。簡單得黎又可愛。佢間唔中都會响個blog度公開佢畫嘅野。呢個迷你版嘅愛李叫做ちびりん,係愛李嘅分身。 愛李畫嘅野當中,最經典嘅莫過於佢畫嘅ゲキカラ啦! 其實愛李嘅藝能經驗算係多嘅一群。佢曾經參加過Morning娘同aver嘅甄選,甚至以藝名「春川瑠花」出過道。後來點解會不了了之,咁就唔知啦。總之佢2009年參加咗SKE第2期甄選,之後順利入咗KII。 小蝠對愛李嘅印象其實一直都係一般,可能又因為佢係KII啦,所以初期比較少接觸。直到真係玲奈多咗講佢,同埋佢連續入咗最近兩隻single嘅選拔,我先開始對佢有正面嘅評價。最深刻嘅一次係AX2011佢同明音麻友同指原嘅MC入面,一講到動畫同聲優,佢同麻友兩個好似相認咗咁,我覺得好可愛。後來多睇咗佢寫嘅blog之後,發覺佢啲blog其實幾啱我睇。除咗有佢畫嘅公仔之外,仲有講吓game,講下動漫。佢玩嘅嗰隻貓貓村我都有玩,所以啲話題好似好夾咁。 KII入面,明音,茉夏,安奈,小木曽之後,第5粒星應該就係愛李吧?聲優其實真係唔係話太過好行嘅一條路,希望愛李有機會夢想成真啦! 姓名:古川愛李(Furukawa Airi)暱稱:あいりん(Airin)出生日期:1989年12月13日血型:AB型出生地:愛知県身高:155.0 cm所屬:SKE48 teamKII(2期生)自我介紹:三度の飯よりアニメが大好き! あなたのヒロインになりたいなぁ♥ あいりんこと古川愛李です! Continue Reading

まなつ

我嘅第一個KII,向田茉夏。 今日一返到公司開電腦,開IE。我嘅IE首頁係(http://www.ske48.co.jp)。响公式YouTube Channel嗰欄,見到茉夏。睇下個title,原來係4月5號嘅KII公演後嘅video。响thumbnail先見到嘅茉夏,唔知點解有種有啲唔同嘅感覺。於是決定乜都唔做住,睇咗先。 短短49秒嘅video,我重新注意到我好耐無留意嘅茉夏。 真係好似好耐無真真正正望過茉夏啦。今次見返佢,好似大個女咗,變咗啲咁喎。成個輪廓都明顯咗。本身眼耳口鼻都靚嘅茉夏更加突出到佢嘅正統美少女嘅氣質。同埋加上啱啱公演完嘅關係,臉仔紅紅嘅佢令到我覺得佢比之前更加可愛! 認識茉夏係因為佢同玲奈兩個出演一個叫「このへん!!トラベラー」嘅電視節目。嗰一集玲奈打劍道嘅。當年唔好話KII,我連除咗玲奈同珠理奈之外S有咩人都未太識!所以茉夏係我第一個接觸/認識嘅KII。當時嗰個節目佢除咗自我介紹之外,就乜都無講過。但係我今日睇返,見到佢其實個嘴有郁,只係太細聲同埋係跟玲奈口水尾所以無人理佢罷了。但係咁都無改我對佢嘅感覺。茉夏係一個好文靜,好怕醜嘅女仔。全身散發住一種大小姐?公主?嘅魅力。SKE48嘅選拔成員曾經响一本雜誌入面拍過一輯「貴族女子學校」嘅圖,响7個選拔入面,我覺得係茉夏最襯個feel了。 而事實上,我對佢嘅第一印象並無錯。茉夏的而且確係一個文靜怕醜嘅女仔。而同好多member唔同,佢本身對偶像歌手等等係無乜興趣。佢之所以參加SKE嘅新成員招募,其實只係佢朋友叫佢一齊去試下,同埋佢又想改變一下自己怕醜妹嘅性格而已。結果,有心想入嘅朋友入唔到,反而茉夏就蒙查查地踏出咗佢SKE嘅第一步。 KII成立之後,第一個公演就係teamA嘅「会いたかった」公演。SKE48劇場嘅支配人湯淺先生睇中咗茉夏嘅潛質,所以俾佢响「渚のCHERRY」入面著黃衫企正。响teamA當時嘅公演入面,呢個位置係前田敦子企嘅。因為呢個理由,茉夏响未分清楚東西嘅時候,已經被冠上KII Ace之名。加上KII重做teamS嘅第二公演「手をつなぎながら」時佢被安排企珠理奈嘅位置,此舉令茉夏KII Ace之名更加確立。 之但係呢個稱號俾到茉夏嘅,係龐大嘅壓力。因為fans不斷咁比較茉夏同珠理奈,甚至將佢同敦子比較。死咩,呢兩個一個係頂點,一個係超人!無論點佢都只會給比下去。茉夏自己都知道,自己唔及珠理奈咁萬能,所以佢嘅位置真係幾辛苦。但係佢一直都好努力尋找自己嘅定位。 一開始就被推到KII中心嘅茉夏,响明音就任隊長嘅時候就有要同明音一齊擔起KII嘅決心。In fact,當KII嘅第三公演拖完再拖又再拖都出唔到嘅時候,茉夏係繼明音之後表現得最感慨嘅一個。佢嘅KII魂,未必輸俾熱血隊長明音。但係最令佢失望嘅係,佢嘅努力無响總選度反映出來。同明音一樣,茉夏有強烈想推廣KII嘅責任感。所以佢好希望可以嘅總選度有名次,令更多人認識KII。可惜嘅係,上年嘅選舉,佢無論係速報,中間還是最終結果,都榜上無名。單純係佢呢個為KII嘅理由,我都已經好想茉夏可以响今年總選嘅40大名上佔一席位。(可惜小蝠要支持嘅人太多,請恕未能為茉夏嘅夢想盡一分力…) 小蝠其實幾鍾意茉夏呢個女仔。我永遠都對佢好有好感。佢啲好自然嘅舉動都可以令到我覺得佢好可愛。佢依然係我唯一一個覺得萌嘅KII。响「1!2!3!4!ヨロシク!」佢嗰句讀白,佢嗰句「知~らない」係5句入面小蝠鍾意嘅一句!但係我諗茉夏唔算係我推緊嘅成員。鍾意,但係無推。 下個月就15歲嘅茉夏。希望2011年佢可以繼續努力,撐住明音,撐住KII!期待又期待再期待嘅KII第三公演可以快啲面世! 姓名:向田茉夏(Mukaida Manatsu)暱稱:まなつ(Manatsu)出生日期:1996年5月10日血型:O型出生地:愛知県身高:160.0 cm所屬:SKE48 teamKII(2期生)自我介紹:空模様のように 時には明るく 時には切なく いろんな私をみなさんにお届けします! Continue Reading