Category Archives: 夢之計劃R^2010

夢之計劃R^2010 (4日目-最後衝刺)

做完要事,就返屋企啦!
今日回程,但係飛機係夜晚,所以起身後checkout,托管咗行李就出街行一陣!
由於唔想行咁遠,所以就搭ゆりかもめ去一個站距離嘅青海站嘅Palette Town!
就係摩天輪附近!

由車站行去嘅時候,發現咗傳說中(?)嘅Zepp Tokyo!

原來响呢度~!下次有演唱會就識黎啦!

講返Palette Town,入面有d似威尼斯人==;

之後唔知行咗去邊,搵到間遊戲機店!竟然有我一直好想玩嘅「反枱遊戲」!

玩完出黎,竟然見到Starbucks!!
本來放棄咗以為無得飲,竟然最後嘅最後搵到!
rena仔強烈推介嘅さくらスチーマー!

好味呀!返咗黎成個月,都仲好掛住呢杯野…!

最後一日,個相照竟然無電==;
所以得好少相咋…!
呢幾日行程就係咁,寫真會呀,買咗咩呀果d就日後再講啦!

夢之計劃R^2010 (3日目-写真会+台場編)

我都知我實在係拖得太耐啦==; 第三日又一早起身去寫真會!事前當然要食早餐!我堅持每日早餐都食rena最愛嘅蜜瓜包。之前果日食咗LAWSON,今日呢個就係rena仔嘅最愛OK嘅蜜瓜包! 食後感?呢個的確比LAWSON果個脆d,但係個包心都係好軟熟。正!好味道! 寫真會都係主要係見rena!另外加插大島優子同指原莉乃。寫真會內容就後話。 大約1點,玩晒寫真會d飛,就出發去行街街啦!由於之一日嘅慘痛經歷(行到腳軟),今日只係响台場附近行。 第一站,DECKS! 佢入面好過癮架喎,做返好耐以前嘅日本出黎! 室內仲有鬼屋!不過我怕怕,無入到去。 餓啦!食個中午飯先啦!間餐廳都好特別,係佈置成以前d學校咁! 而食物,就似日本學校嘅給食。 DECKS入面有間大型室內遊樂場JOYPOLIS!但係我地都無心機玩,所以無入去到。只係响出面「到此一遊」咗就算啦。 離開DECKS,行埋旁邊嘅AQUA CITY,我地就向下一站出發。 下一站係!!富士電視台!!!! 可惜入面好多野都係唔俾影相,所以無乜野可以show俾大家睇。只能夠,俾大家睇下身處圓波波下嘅感覺! 歡迎黎到紐約!!! ==;蝠,你是白痴嗎?係人都知道台場有個自由神像啦! 今日就係咁完咗。好攰,一早就返咗酒店hea。但係就係今日!地震囉==;我當時响酒店,覺得搖搖下咁。我仲以為自己攰得滯暈添(←果然係白痴) Continue Reading

夢之計劃R^2010 (2日目-写真会+Shopping編)

第二日响東京!天氣不錯!打開窗廉,從14樓望落去,感覺唔錯喎! 台場真係好明顯比新宿果d旺區少人好多,行到落街都係人影都唔多隻(時間係早上10點) 由酒店出發,步行大約5分鐘,就到達咗今次我千里迢迢走過日本嘅最大目的地: 東京國際展示場BIG SIGHT! 去做咩??梗係去參加以下活動啦! AKB48「桜の栞」劇場盤発売記念東京ビッグサイト写真会 無錯!就係去BIG SIGHT同AKB48嘅成員握手影相!當然,唔係全員啦!你要有果個member嘅飛,你先可以同佢影! 响會場滯留咗三個小時,第一日同咗三個成員見面!1)松井玲奈(2次)2)柏木由紀3)前田敦子 影咗嘅相… 當然不能夠公開啦!至於感想,留返以後再講。 1點幾離開BIG SIGHT,首先就要去食個飯先啦!去親東京我都會搵もんじゃ焼(所謂嘅東京燒)食,今次都唔例外! 餵飽咗自己,就向shopping出發。由於台場真係有點乜都無嘅感覺,所以就搭車出返旺區!台場係海邊地方,搭嘅只有 りんかい線同ゆりかもめ。由於ゆりかもめ方便d,我地就搭咗佢。 ゆりかもめ係全面無人架駛嘅新電車,好快好定好舒服,而且個窗外景色好正! ゆりかもめ唔係直駁山手線,所以去到新橋站要轉車。 幾經辛苦(熬咗成粒鐘電車),終於去到目的地之一嘅秋葉原。同台場果邊比較,呢邊真係多人到不得了! 黎到秋葉原,就梗係要去AKB48嘅劇場睇下。可惜唔俾影相(我一攞起個相機已經俾人鬧啦)。不過,要影佢地其實好多地方都有。今次黎到日本,終於發現咩叫「通街都係佢地」。 好多AK48呀!真係周街都係!當然,我最愛嘅始終都係SKE48! 行完秋葉原,順路(?)去埋原宿。買咗d野,但係無乜影到相。去完之後又熬返成粒鐘車返去酒店… 個人散晒…返到酒店坐低抖咗一陣,八點零想出去食飯嘅時候…竟然已經收晒檔!!台場真係可怕… = =;; End up去咗酒店附近嘅Food Court食咖哩飯+Melon Soda!好味! Continue Reading

夢之計劃R^2010 (1日目-到着編)

無更新好幾日,今次唔係因為工作忙,而係正在進行「夢之計劃R^2010」。 究竟係咩計劃?其實都無乜大不了,只係去日本。 出發日係3月12日星期五。一早起身先執野,仲要送布施去狗仔酒店,所以無時間食野,咁唯有去到機場先搵野食啦… 點知成個澳門機場得呢間野: 但係話俾大家聽,呢個世界真係有又貴又唔好食。 呢三碗野竟然要成150蚊!唔通食咗曉飛?(呀!因為係機場?) 食完就上機,直飛東京!4個小時之後,我就著陸東京成田機場!因為成8點先出到機場,所以即刻買飛跳上巴士! (車站) (巴士) (車飛) (行程飛) 車程有成個鐘,所以一上車就睇下柏木由紀隻DVD先! 今次酒店唔响旺區,所以晚上無直巴士到,要到中轉站轉車。首先坐巴士去到Tokyo City Air Terminal,再坐咗大約3000Yen的士去到酒店!(最搞笑係,因為呢間酒店好新,的士司機都唔識去,地圖都無!好彩係佢有個大大大招牌,去到果都見到啦!) 今次間酒店都幾正架!以下係大堂: 酒店內二樓仲有便利店!第一晚就買咗好多野食! 最最最最重要同最大目的係rena成日食嘅蜜瓜包!(第二日嘅早餐) 不過以下先係主菜!星期五晚,就梗係マジすか学園啦!實時睇嘅高清果然係正d! 3月13日係大大大日子!要早起身!究竟做咩?大家估下? Continue Reading

夢之計劃R^2010

之前响blog度提過,我响度plan緊「某計劃」。 雖然一月頭之後就無再提過,但係其實我暗地裡仲响度好積極咁準備呢個行動。 而經過個多月嘅努力,「某計劃」已經基本上準備好,並重新命名為: 「夢之計劃R^2010」 現階段我做未能透露呢個計劃嘅詳程,但係好快就可以講架啦。 雖然基本嘅需要都已經搞掂到手準備好,但係有幾樣額外嘅野仲係搞緊。 希望順順利利入到手啦… Continue Reading