Category Archives: ハロプロ

かりんちゃん。

尋日嘅事。各位應該都已經知道。

蝠收到youtube通知,見到個title係「Juice=Juice 宮本佳林からのお知らせ」,我已經知道大概係呢件事。汁汁鍾意咁發佈w

而家蝠嘅狀態係:入咗腦但未入到心。

或者要一步步嚟,等送別咗こぶし,蝠先再可以騰出心力去真正理解かりんちゃん嘅畢業。

片入面嘅かりんちゃん好似好開心好正面好有目標咁w 最少佢嘅畢業唔係永遠嘅再見。

のーむーさーん♡

のむちゃん20歲?!呃!吓?嗯?!咦?!唔係faaaa?!呢條友仔邊度20歲呀?!係咪架!XDDD 笑就講完啦~ 但唔知係因為我睇住佢大定係佢真係冇乜長大… 包包19~20歲見到有明顯變化,のむちゃん19歲嘅呢一年最少我見唔到佢外表有好大嘅”成長”,呃,係讚美嚟架! 表演外嘅のむちゃん雖然成日好似軟綿綿咁,但佢比こぶし任何一個成員嘅心臟都要強、意志都要定。只要佢決定咗做一件事,佢真係可以堅持做。呢一件嘢我真係真係好尊敬好佩服佢。 最近對のむちゃん比較深刻嘅係佢同fans之間嘅距離好近。就算係緊張怪嘅蝠對住佢都算係比較可以講到嘢,可以有對話到。見到twitter上佢同其他fans嘅對話都覺得呢個傻更更嘅小妹妹其實溝通力好強。はまちゃん出咗名愛こぶし組,但我其實覺得のむちゃん唔差好遠,只係佢唔會成日講出口。佢對こぶし組嘅信任可以說明一切。 包包成日話のむちゃん嘅被愛力係才能。嗯,我又多一樣嘢同leader想法一致w 只要你肯俾多一秒睇下佢,佢就有能力令你鍾意佢。佢做乜講乜… 係咩內容都好,就係因為係佢講出嚟,都會令人會心微笑。因為係のむちゃん所以件事幾奇怪都會被接受被原諒(笑)真的!XDD 20歲啦,喺法律上,大個女架啦!但希望のむちゃん嘅單純、可愛、精靈可以陪住佢成長唔會變。 Happy 20th Birthday、みなみな!! Continue Reading

むろの卒業。

アンジュ又一個。 係聽到むろ宣佈畢業時第一句pop出嚟嘅句子。不得不承認嘅係入面一啲感情都冇。 我鍾意むろ架!只係,呢兩年畢業多到我喺公佈嘅時候基本上已經冇乜感覺。而且佢之前出嘅こぶし解散比任何事都衝擊,情緒真係追唔上。 比起以前,蝠實在寫少咗好多blog,所以今次都心諗,不如由得佢直到佢畢業嗰日先寫兩句啦… 但又覺得以我同むろ的關係(咦w)我對佢畢業不聞不問實在說不過去w 所以… 遲咗都講幾句啦。 唔係話咩,member想畢業… 真係某程度feel得出嚟。我唔知點講,而家講咩都似馬後炮,但係會有違和感。我篇「勢力分佈表2018年」好偶然咁寫咗句叫むろ唔好「密謀畢業」,嗰時喺むろ身上feel到嘅違和感,一直都有喺度。 其實こぶし… hall con之後… 暑假咁上下喺はまちゃん都有違和感。但嗰時我都只係暗暗諗佢係咪想畢業… 冇諗過係解散。不過包包高招… 真係feel唔出。啊w 又講咗去こぶしw 總之我想講嘅係其實むろ畢業我唔算好surprise,只係唔係好想。アンジュ… 一年內冇咗5個人(內含船木),真係好誇張(O_O) 我知畢業會傳染… 但アンジュ真係太誇張… 由上年6月起每3個月一個… WTF?! 好啦,夠啦,好定落嚟啦!入埋audition嘅新成員好返地球啦!w 一個group有成半都係新成員… 或許因為係アンジュ所以先可以做到。 只要かみこ一日都喺度,アンジュ對蝠嚟講一日都仲有魅力,仲有牽掛,都仲係會睇。而呢一刻,我仲未feel到かみこ有違和感。希望冇feel錯… 2020年冇咗こぶし如果冇埋かみこ我都唔知點啦XDD Continue Reading

祝☆5th

こぶし5歳啦! 有啲唔係fans朋友睇佢哋嘅時候,會覺得佢哋好fresh XD 我個人覺得,可能係因為佢哋仍然有新人時代嘅全力。實際上,蝠全力factory咗兩年,依然覺得佢哋好有新鮮感。又或者… 呢啲叫偏心(喂w 2019年對こぶし嚟講,真係好充實嘅一年。hall con、album、舞台… 好感恩我可以參與佢哋去年嘅幾個里程碑。2020年希望可以見證到佢哋更多更多嘅進步同發展啦!leader,我下一次武道館係要同你哋去架! Continue Reading

Looking back at 2019…

啱啱睇返上年嘅”Looking back”,發現咗自己好大聲咁話: 「2019年… 我唔係「希望」自己繼續愛こぶし,而係我「知道」自己會。」 而家睇返感想係:OMG!!哪來的自信XDDDDDDDD 但事實上… 又冇錯架喎!蝠嘅2019年,又真係滿滿的こぶし。 或者,有啲嘢真係要講出口。 今年除咗真係繼續愛こぶし之外,自己嘅宅活入面最有成就嘅一項就係終於… 終!於!跟到汁汁。雖然程度上同こぶし係有距離,但6年空白終於俾我攻入咗汁汁蝠係真心高興。 2020年,繼續愛こぶし係必然!繼續為まなかちゃん&るるちゃん睇汁汁~ 另外有時間嘅話期待はちれらりんたこりあい同ビヨ嘅發展! 預祝各位蝠blog友Happy New Year!! Continue Reading

Dear♡まなかちゃん

Happy 22nd Birthday!! 今年12/13去到まなかちゃんBDE好有成就感XD 唔知點解成日都覺得同まなかちゃん有點緣薄,特別係近距離接觸… 成日都係差少少見唔到。所以今年去到佢BDE,因為由心咁安樂出嚟XDDD 希望下年都可以同佢過生日啦!雖然應該又係提早幾個星期XDD Continue Reading

るー♪

5月去完るー個BDE之後,一直… 一直都好掛住佢自彈自唱嘅嗰首《雨》。youtube search到原唱者,再search到矢島舞美嘅cover版。 TOO BAD and TOO SAD… 矢島さん版我完全唔得,原唱者森高千里把聲同我冇耳緣。最後只能苦苦地待るるちゃん嘅BDE DVD… which is今個月尾。 但天啊!今日嘅tiny tiny!!!!唔好講咁多,睇咗先啦!!↓↓ 完美>__< 不過唔係完全版…~ 聽住先… 再繼續等DVD。Love youるー♡ Continue Reading