Category Archives: Hello! on Stage

演劇女子部「タイムリピート~永遠に君を想う~」

啱啱(2019/1/19 00:32)睇完期待已久、上年9月公演、Juice=Juice主演嘅舞台劇「タイムリピート~永遠に君を想う~」。

而家呢一刻最強列嘅感覺係:個心好唔舒服。

好奇怪呢套舞台劇,我由頭睇到尾一滴眼淚都冇流過。但到謝幕嘅時候まなかん一行出嚟見到佢我個心好痛。之後出字幕嘅時候悲從中來… 望住啲字喊咗出嚟。

做咩會delay嘅?XDDD

好啦,唔劇透真係講唔到幾多感想,所以呢行以下會完全劇透喔!WARN咗㗎!同埋好耐冇寫過咁長嘅blog… 應該會有大量錯字同埋詞不達意嘅情況w 見諒m(_ _)m

==故事==

故事發生喺宇宙曆3255年,以人類為中心銀河連邦同以Mogi族(宇宙中嘅其他民族)為中心嘅Loa帝国正處於冷戰狀態。同時雙方喺度鬥快搵到含稀少礦物Neo Crystal嘅惑星,因為先搵到先著陸嘅一方可以得到喺嗰粒惑星嘅佔有權,亦都意味住會得到採礦嘅權利。

銀河連邦探測到一粒位於Orion座附近嘅惑星可能含有大量Neo Crystal,於是派出太空船エスペランサ号載住13個喺各方面有出色表現嘅年輕(?) 精英前往探索。13人當中對今次任務有重要作用嘅係礦物學家ルナ同宇宙物理學家ソーマ。相對於沉迷學問但好好仔嘅ソーマ,ルナ係一個又孤癖講嘢又有骨嘅女仔,有時甚至到咗挑釁嘅地步。佢喺度只係為咗工作,完全冇諗住要同一班搭埋同一條船嘅伙伴get along。

當佢哋接近目標惑星嘅時候,ルナ估計惑星嘅Neo Crystal埋藏量高達100億(總之就激多啦),為咗唔好俾Loa帝國捷足先登,佢哋需要快啲著陸攞咗個權利。因為如果資源被殘酷嘅Loa帝國攞到,又會係一場腥風血雨嘅戰爭,而且如果佢哋得到咁多資源,發生戰爭嘅話銀河連邦幾乎don’t stand a chance。

但係由於呢粒惑星嘅Neo Crystal含量好大,冇人預測得到礦石發出嘅能量會對太空船有咩影響,宇宙物理學家ソーマ覺得唔確定就要慎重一啲。但ルナ唔同意,覺得唔會有問題,因為Neo Crystal發出嘅energy同太空船嘅energy唔相沖云云。鑑於ルナ先係礦物學家而且係Neo Crystal嘅專家,加上大家都想快啲著陸攞到權利,Captain就下令繼續approach並準備著陸。(不過ルナ雖然係學者,但佢其實係軍方嗰邊推薦上船嘅,某程度上佢係會(要?)以軍方嘅快益為先,所以副Cap有擔心過佢嘅意見係咪中肯,不過被Captain話身為副Cap點可以講埋啲咁嘅嘢。)

但係ソーマ堅持覺得調查清楚啲好啲,始終載住成船人,於是走咗去醫務室搵因為頭痛喺嗰度食藥&休息緊嘅ルナ,勸佢唔好咁快下決定,反而俾ルナ串到一棟都冇,話佢係神棍科學家。ソーマ臨離開醫務室之前問ルナ,如果隻船出事,佢都會一齊死,難道佢唔怕?然後ルナ答ソーマ,佢從來冇覺得過活著有多好。

就喺呢個時候太空船響警號,突然發現一粒比太空船大3倍嘅小惑星要撞埋佢哋度,同時控制失靈,Captain發出最後求救不果,太空船撞上小惑星發生大爆炸…

TR1

大爆炸發生之後ルナ發現自己企返喺船倉入面,時間去返大概一個鐘頭之前佢地啱啱偵測到目標惑星有大量Neo Crystal嘅時候。ルナ望住眼前嗰班人講住一堆佢之前聽過曬嘅對白,除咗佢之外冇人記得自己死過。Captain同上次一樣問ルナ意見,但知道繼續approach會死嘅ルナ冇辦法好似上一次咁肯定地答冇事,吞吞吐吐唔知點答之際,Captain聽取咗軍方嘅意見繼續approach並準備著陸。(蝠註:話說呢次TR軍官叫ルナ佢有少少彷彿咁應嗰一句「はい…」可愛到我大叫♡)

ルナ立即出口阻止,仲話啱啱呢隻船同小惑星相撞全員死曬。副Captainジン就同佢講小惑星冇可能突然出現,如果有嘅話一定會預先偵測得到,何況咁大粒。呢個時候機關長(負責整備太空船嘅人)嘅エイジ話就算真係有小惑星,隻船都唔會控制失靈,因為佢check得好清楚。但係ルナ猛話會撞死曬全部人,Captain問佢點解,佢只係話佢經歷咗一次,全部人都覺得佢精神錯亂,但ソーマ出口請エイジ再慎重啲check多一次求個安心。Captain同意,同時命令ルナ去醫務室見一見醫生。

ソーマ於是扮帶ルナ去睇醫生,但其實捉佢埋一邊傾計。原來ソーマ做緊嘅研究正正就係關於Time Repeat。佢相信ルナ嘅說話,並開始分析佢嘅TR係點發生,因為TR必須要大量嘅能量加上奇蹟般嘅偶然先會發生,係非常微細嘅機率。呢個時候ルナ認為可能係大量Neo Crystal嘅能量加上太空船同小惑星相撞嘅時候發生嘅大衝撃令到TR發生,但令ソーマ不解嘅係點解只係得ルナ一個TR到。雖然ソーマ相信ルナ,但係佢哋已經唔夠時間去處理,於是ソーマ對ルナ講咗一個佢從來冇同人講過嘅身世秘密(佢係Loa帝國出身,因為爸爸被冠上背叛者之名全家被追殺,死剩佢一個逃亡咗去銀河系),叫ルナ如果再TR嘅話就同(到時嘅)佢講,咁佢會立即知道/相信ルナ係TR返嚟。

double check完返嚟嘅エイジ報告話發現安全裝置有幾條cable甩咗,所以有幾項安全系統關閉。エイジ話如果因為咁有virus入侵嘅話,操控失靈係可能會發生。好彩發現得早,及時fix返。今次同樣有謎之小惑星出現,但因為控制冇問題,佢哋成功避過衝撞。當大家以為得救嘅時候,佢哋發現謎之小惑星竟然好似生物咁偏離軌道追住佢哋嚟撞,無論佢哋點避都冇用。ルナ開始覺得呢個係佢哋嘅命運,無論點都改變唔到,但ソーマ就叫ルナ相信佢,下一次唔會俾佢一個人面對。最後太空船都係撞咗,又大爆炸。

TR2

ルナ又再一次返翻大概一個鐘頭之前,又係一樣嘅情況一樣嘅對白。今次ルナ選擇第一時間同曬全部人講將會發生咩事,大家都唔係好信,但平時硬朗嘅ルナ講講下講到喊,令大家覺得事態嚴重又好擔心佢。

呢個時候ソーマoffer陪佢去醫務室,其實係想同佢單獨對話。當ルナ按照約定想同ソーマ講佢知道佢嘅身世秘密嘅時候,ソーマ好興奮咁同佢講佢都有上一次嘅記憶,佢今次同ルナ一齊TR咗返嚟。佢認為係因為上次大爆炸嘅時候佢拖住咗ルナ隻手。有咗上次嘅記憶,ソーマ開始同ルナ分析點解粒謎之小惑星會跟住佢哋,因為小惑星照理只會跟住軌道走。諗咗幾個假設之後,ソーマ開始懷疑其實有冇粒咁嘅惑星,覺得可能係雷達顯示出現問題,就走咗去check log。

喺ソーマ去做嘢嘅期間,其他crew逐個走嚟關心ルナ,令ルナ發現佢其實唔係孤單一人,慢慢對其他人打開心扉,尤其係對通信士嘅ツグミ,覺得佢好似老朋友咁。佢同ツグミ講,佢爸爸去世之後,佢媽媽好似變咗另一個人咁,每一日都打佢。但係佢依然係咁鍾意佢媽媽。直到佢5歲生日當日,佢媽媽拖住佢帶佢去街,佢好開心同媽媽拖住手去玩,點知媽媽帶咗佢去孤兒院,叫佢喺嗰度等佢,就放開手將佢留咗喺嗰度。ルナ一直喺度等佢媽媽返嚟接佢,但佢冇再見過佢媽媽。因為佢媽媽拖住佢係為咗遺棄佢,所以ルナ唔鍾意同人拖手,唔再去相信人。(蝠註:點解まなかん成日都演孤兒…)

check完backlog返嚟嘅ソーマ發現顯示真係俾人搞過,被外部插入咗一啲影片,佢懷疑就係嗰粒小惑星嘅雷達影片。ルナ同ソーマ講,佢前兩次已經覺得機關士(機關長エイジ條靚)テル有古怪,佢有一段時間唔見咗人,返嚟話去咗廁所,但係同時間都去咗廁所嘅エリー冇撞到佢。全員追問之下テル承認自己收咗錢喺main computer插入咗啲data同埋整停咗個安全系統。ソーマ分析出嚟嘅結論係,有人叫テル做手腳令到太空船誤報會撞小惑星,但其實根本冇小惑星,反而係呢隻太空船本身有炸彈,撞小惑星嘅影像只係為咗令之後調查嘅人以為佢哋隻船爆炸係因為小惑星事故,藉此隱瞞有炸彈嘅事。而會做出啲咁嘅事嘅,只有佢哋嘅敵對:Loa帝國。

因為唔知炸彈喺邊,佢哋只能以手上嘅資料推斷テル插入嘅data入面有引爆裝置,因為如果爆炸嘅時間同影片中小惑星嘅撞擊時間唔一樣嘅話,咁佢哋做嘅手腳就冇意思。但副Cap check過之後話搵唔到引爆用嘅data。即係話就算而家拆咗影片data落嚟,個炸彈都會定時爆炸。全員各自去檢查自己負責嘅部份,但係都係搵唔到個炸彈。佢哋嘅太空船越嚟越接近目標惑星,炸彈隨時要爆… 但今次ルナ同ソーマ叫大家拖手,希望藉此一齊TR,但最後肯相信佢兩個而拖手嘅係只有副Capジン、醫生マドカ同機關長エイジ。

TR3

成功TR嘅5個人製造藉口去到醫務室從長計議,多咗人多幾個腦可以做嘅嘢多咗。ジン話今次由得テル插data,睇住小惑片嘅假雷達佢哋可以準確啲知道個炸彈幾時爆。同時ルナ認為data入面冇引爆data代表呢隻船上面有Loa嘅間諜。雖然唔想懷疑伙伴,但的確有呢個可能性。為咗要搵出邊個係間諜,醫生マドカ話有一種藥係可以令植入咗喺間諜身體內嘅隱形晶片現形,再通過感應器就可以搵出邊個係Loa嘅Spy。マドカ再補充話其實佢之前有同Captain講過不如全員check一次,但Captain以唔想懷疑伙伴為由拒絕。於是マドカ呃㕑師リョウ放咗啲藥入食物入面,然後TR嘅5個人研究check邊個先,ルナ就話覺得Captain有古怪,佢話每一次爆船之前Captain都好似好surprise咁講咗句「點解!」,加上佢拒絕咗マドカcheck晶片嘅提意,ルナ懷疑間諜會唔會就係Captain,因為唔知道原來自己嘅任務會引爆隻太空船所以最後問點解。

當大家都興致勃勃要Spy hunting嘅時候,ソーマ覺得唔係咁好,而且somehow佢覺得嗰個間諜就係受害者(蝠註:呢一句話蝠覺得非常重要),佢覺得就算真係有間諜,Loa帝國大概冇講佢知真正嘅任務內容。ソーマ話佢自己係亡命者,佢好清楚Loa做事嘅手段,佢哋經常會欺騙對方令對方相信,然後毫不猶疑地背叛。ソーマ提意不如同全部人講出真相,間諜知道被Loa欺騙可能會自己報上名來,並協助佢地脫險。但對被最親嘅人背叛過嘅ルナ嚟講,要佢簡單地相信人實在太難。

喺呢度補充一個劇中冇講嘅設定:ソーマ個爸爸喺佢細個嘅時候被屈係間諜,佢睇住軍人用(做咗手腳嘅)探知機scan佢爸爸,之後被押走,所以ソーマ對呢個做法好反感。

ソーマ同ルナ講,佢知道ルナ其實內心好想相信人,因為佢好想被相信。佢好想去愛人,因為佢好想被愛。咁講當然被ルナ否定話佢嘅嘢佢知條鐵咩,但係ソーマ就肯定咁話佢知道,因為佢感覺到自己同ルナ好相似,佢講嘅嘢從來都冇人聽有人相信,但佢用咗同ルナ唔同嘅approach,佢首先去相信別人,希望人哋都會同樣相信返佢。

但最後ルナ都係冇聽佢講,雖然個心明顯地被動搖。佢哋check咗佢哋覺得最可疑嘅Captain,證明咗佢嘅清白。知道咗佢哋喺度搵間諜,船上嘅兩個軍人本來打算武力解決,但被ルナ阻止。佢同ソーマ同大家解釋,佢哋認為間諜都係被騙,唔知會引爆隻船,佢哋以為忠心為Loa帝國效力,但實際上佢哋係被背叛同遺棄嘅一群。

講下講下time up XDD 知道今次解決唔到,於是ルナ叫大家今次要全員拖住手一齊TR。雖然有人唔信又唔係好願意,但ルナ話佢唔想佢哋死,想同大家一齊活下去。(呢句話好關鍵… 首先同佢開頭唔怕死有好大分別,再者對後面嘅故事都有重大意義)

勸服大家拖住手,太空船再一次爆炸。(蝠註:最後Captain話雖然佢唔知發生咩事,但佢相信ルナ嗰度我感動到死咗>__<)

TR4

今次全部人都死過一次TR返嚟,有之前嘅記憶,ルナ就直接開口問Captain佢嘅疑問:究竟佢每次爆炸之前嗰句「點解」係咩意思,佢係發現咗啲咩所以咁surprise?原來佢最後搶咗ツグミ部電腦求救嘅時候,發現通信士嘅ツグミ發出去嘅暗號有問題。然後場內最驚訝嘅係ルナ。佢最唔相信(定係最唔想相信?)最溫柔最善良嘅ツグミ就係佢哋喺度搵緊嘅間諜。Captain發現ツグミ向師令部發出嘅暗號係「ニイタカヤマノボレ」,銀河連邦內呢個暗號係代表「搵唔到目標惑星」。Captain問ツグミ嘅時候佢只係話自己打錯咗,但船上嘅軍人當然唔信,佢話通信嘅時候有好多人包括Loa帝國都收到,佢認為呢個暗號對Loa帝國嚟講係咪相反意思嘅「搵到目標惑星」。

Captain阻止咗軍人繼續審問ツグミ,話件事由佢嚟處理。ツグミ答應佢會講出一切,但想去洗個面先。Captain選擇相信佢由佢去(蝠註:WTF?!),結果ツグミ匿埋咗,雖然喺太空船走唔甩,但冇人知佢去咗邊。(蝠註:咁嘅,我明白佢想相信佢嘅隊員到底,但明知佢係spy都放生佢係咪有少少…)

呢個時候ルナ推測如果テル插入嘅data入面有探測Neo Crystal石英波嘅裝置,收到目標惑星發出嘅大量石英波,當石英波數去到某一個數字嘅時候自動啓動偽小惑星影片,同時啓動倒數30秒自動引爆炸彈,就可以做到意外嘅效果。所以只要太空船接近目標惑星,就必定會出事。

要確認最好當然就係問間諜嘅ツグミ。原來ルナ有ideaツグミ去咗邊。喺第2次TR嘅時候ツグミ同ルナ講過佢發現咗一個地方冇乜人去,佢唔開心嘅時候會去嗰度大嗌發洩。ルナ估計佢會匿埋嗰度,就同ソーマ講叫佢準備藥同探知機之後去嗰度搵佢地,ルナ想清楚知道ツグミ係咪真係間諜。

去到ツグミ匿埋嘅地方,ルナ見到佢揸住一隻介指。ツグミ同佢講呢一隻介指係Loa帝國軍配給俾佢用嚟delete自己嘅記憶。所以就算捉到佢點被拷問都唔會有答案。佢同ルナ講佢真係唔知隻船會爆,ルナ問佢任務係咩,佢話佢嘅任務只係喺發現惑星之後佢會發出暗號,之後另一個人就會去破壞著陸系統令太空船著陸唔到,呢個時候Loa帝國軍會先著陸搶走佔有權。(蝠註:睇到呢度蝠心諗,間諜你都幾funny… 問兩句就自己講曬出嚟XDD 點解原來…>__<)

喺言語之間ルナ發現重要事情:就係船上面仲有另一個間諜。ルナ追問佢:「呢隻船上面有另一個問諜?」,然後ツグミ一句:「你喺度講咩呀」(蝠註:佢呢一句嘢令我起曬雞皮,因為呢一句話代表ルナ忘記咗一啲ツグミ知道嘅嘢… 而ツグミ係spy… so… 唔怪得佢乜都講啦!

ツグミ話俾ルナ知佢就係「另外嗰個間諜」,仲叫佢做ハンナ,話呢個係ルナ嘅真名。ルナ完全shock咗,ツグミ再補充話佢途中已經覺得ルナ有少少奇怪,但任務中又唔可以同佢接觸。ツグミ話佢真名叫エマ,同ルナ兩個喺Loa帝國嘅孤兒院一齊長大,情同手足。但係無論ツグミ點講ルナ都係唔記得佢講嘅嘢。呢個時候ツグミ終於明白ルナ嘅記憶被Loa帝國篡改過,只係被媽媽送去孤兒院嘅記憶太強所以只有嗰一段深深印咗喺佢腦入面洗唔走。呢個時候ソーマ帶住藥同探知機嚟到,啱曬啦,ルナ即刻叫ソーマ俾啲藥佢,佢想知自己係咪真係Loa帝國嘅間諜。結果?當然係中咗啦!

ツグミ話佢有聽過Loa帝國入面有一種間諜嘅記憶會被修改,為咗佢哋做任務嘅時候唔會因為驚或者私人感情而猶疑。然後ツグミ捉住ルナ用佢手上嘅介指鏗咗佢個頭一下。佢手上嘅介指唔只可以刪除記憶,仲有個功能係回復記憶(蝠註:哇,咁方便ww)

借個位補充少少劇中冇講嘅設定:ルナ(ハンナ)同ツグミ(エマ)嘅嗰間Loa帝國嘅孤兒院係類似spy嘅養成所咁嘅地方… 喺嗰度係孤兒會被洗腦教育為帝國效忠。好變態… who knowsルナ同ツグミ喺嗰度經歷咗啲咩… 可想而知佢被回復記憶嘅時候會有幾shock…

回復本來記憶嘅ルナ記起係佢自己自願參加呢個任務,而呢個任務係將一個高性能嘅炸彈植入體內,然後上敵人嘅太空船。佢正正就係喺呢隻太空船上面嘅炸彈。(蝠註:明明一直想辦法去救大家,但原來自己喺度嘅話根本冇得救… 嗰種心情…>__<)

突然成件事都合理曬:點解係ルナ有TR能力?因為隻炸彈由佢體內爆發,能量喺由佢身上發出!點解佢成日頭痛?因為個炸彈植入咗係佢個腦入面!

ソーマ向佢提意再TR嘅時候唔接近目標惑星就唔會觸發到個炸彈,但ルナ只係多謝咗佢一聲,推開咗佢。下一次,佢打算自己搞掂件事。但臨爆之前ソーマ再一次捉住佢隻手要同佢一齊TR。

TR5

今次得返ルナ同ソーマ兩個TR,其他人也都唔知。ソーマ極力阻止,但ルナ堅持無問題,話嗰粒惑星係大家嘅未來,係未來嘅希望,無論要犠牲乜嘢銀河連邦都要攞到手。Captain聽取ルナ意見,繼續approach。

ソーマ追問ルナ點解唔阻止隻船approach或者阻止ツグミ發暗號俾帝國。ルナ答佢帝國唔會得ツグミ一個消息源,一定會有兩手準備。佢記返起曬所有嘢… 佢被植入嘅晶片入面都有探知系統,比ツグミ更早已經自動將資料傳咗俾帝國。所以已經冇得返轉頭,佢哋只能繼續approach,並且要先著陸得到佔有權。ソーマ話但係接近目標惑星嘅話會爆炸,ルナ同佢講佢有辦法。雖然ルナ唔講,但ソーマ點會唔知佢想點?ソーマ捉住佢,話我答應過你會一直喺你身邊,ルナ望住佢,答咗一個:「我今後都會一直同你一齊。一直,永遠地。」(蝠註:個心好寒呀聽到呢句orz)

然後大叫ソーマ放手,令大家以為ソーマ襲擊(?)佢,大家捉住ソーマ之後ルナ自己一個走咗入逃生倉,按制彈咗自己一個出去。發現唔妥嘅大家打開咗逃生倉嘅視像通話。由於逃生倉係冇著陸裝置,ルナ咁樣彈咗出去,因為同惑星嘅距離近,好可能會被惑星嘅引力扯咗過去,直接墜落。佢哋嘗試回收個逃生倉但唔成功,ソーマ叫操控士追佢,但ルナ阻止咗。佢叫大家唔好追佢,佢唔可以同大家一齊。

然後,佢同エマ(ツグミ)講,話佢唔適合做呢種工作,遲早帝國都會放棄佢,叫佢保重。(←蝠註:好心酸…T___T 但あーりー嗰句「エマ是誰啊!」我爆笑咗w)

ソーマ好想救佢,發曬茅咁話自己要坐逃生倉追出去,但ルナ已經封咗佢嘅後著,一早就停曬其他逃生倉。

最後,佢同ソーマ道歉,話只有用呢個方法先可以救到大家。最後ルナ同ソーマ嗰段說話我簡略唔到… 只能全段放出嚟:

私はずっと、死ぬことなんて恐れてなかった
(我以前從來都唔怕死)

生きててよかったと思うことなんて一度もなかった
(一次都未覺得過活著多好)

仲間とか、信じるとか、愛とか、そんな言葉も大嫌いだった
(咩伙伴、信賴、愛… 我最憎就係呢啲詞)

そんなの信じたって裏切られるだけだって
(相信人結果只會被背叛)

そう思ってた
(我一直都係咁諗)

だから、カミカゼドナーに志願した
(所以我先會自願參加人肉炸彈任務)

でも今は違う
(但係而家唔同啦)

私には仲間がいる 信じる人がいる
(我有伙伴,亦有我相信嘅人)

そして愛する人がいる
(仲有我愛嘅人)

ソーマ、あなたは無事に惑星に上陸する
(ソーマ,你會平安著陸惑星)

そして、タイムリピートを実証する世界で初めての科学者になる
(然後成為世界第一個證實到Time Repeat嘅科學家)

ソーマ、あなたならきっとできる
(ソーマ,我知你一定會做得到)

私は決めたの
(我決定咗)

私は、今のあなたとは違う時の流れを生きる
(同而家嘅你喺唔同嘅時間軸活下去)

目覚めると、あなたと再会して、必ず同じ結末にたどり着く
(當我再次醒返嘅時候,我會同你再見,然後保證結果同今次一樣)

悪い夢をめぐり続ける
(我會不斷同惡夢再會)

今のあなたとは永遠に交わることのない時の流れのなかで
(喺同你永遠都唔會再有交流嘅時間軸裡面)

ソーマ、ありがとう
(ソーマ,多謝你)

私は、永遠に、あなたを(想う)
(我會永遠想著你)

太空船最後如ルナ所說,成功地在目標惑星著陸。銀河連邦取得佔有權…

劇終

==感想==

呢套舞台劇,蝠少有地預先知道咗基本劇情同埋結局。因為有朋友去咗睇,蝠擋不住誘惑叫佢劇透曬俾我知orz 而且我當時諗,第1我比較唔係太喜好世界觀太大規模嘅舞台劇(such as this one),第2我覺得汁汁啫,冇所謂(喂w),第3我覺得H!P最近好多套都係straight forward嘅劇情,知道都唔會出事,鬼知咁啱呢套係有少少推理,個ending係要surprise架啫?XDD

所以我聽咗劇透有無後悔?Err… 係有少少。我有諗過如果我完全唔知發生咩事,跟住個故仔被shock我會唔會更有feel… 事實上第1次睇到故事完我都唔識喊我有覺得如果唔係知道咗應該會更震憾… 雖然原來唔關事,只係delay咗XDDD in fact,我因為寫呢篇blog睇第2次嘅時候係喊死咗,再之後睇幾次都爆喊。原來delay啫又係ww 而且我stand beside樓上第2論點,覺得反正都係汁汁啫,安全安心安樂嘅汁汁,so far咁多年睇咩都冇中過,睇來睇去咪又係かりん!點都唔會出事架啦!OK… 我認當時我咁諗的確係唔記得咗一樣重要嘢…

Anyway,劇嘅整體感想。

完全冇令我失望… 好好睇…orz 雖然太SF嘅話我會興趣弱少少,但呢個故事… 我好鍾意呀!背景係SF,內容其實都冇乜太誇張嘅SF嘢,主要都係希望/內心變化/推理/犠牲… 好正~ 蝠鍾意到好想一巴星死當時一秒都冇諗過要去睇嘅自己XDDD 因為實在係… 好睇過我12月去睇アンジュ嗰套咁嘅死人アタックno.1。

故事開頭掉咗幾條都幾大條嘅伏線出嚟,蝠最鍾意睇收伏線XDDD 同埋given我知道故事大概發展,睇到中途都會好緊張實在係劇嘅節奏做得超好。如果喺現場真係唔係話「睇」咁簡單,而係同佢哋一齊經歷!我睇DVD都有咁嘅感覺,現場一定好正。另外我好鍾意最後出嚟謝幕嘅時候成員都仲係浸住喺自己嘅角色入面。唔會嘻嘻哈哈咁走出嚟(我唔係影射緊アンジュ!!ww),まなかん謝幕時嘅表情… 心都爛埋orz

但係真係好sad… 點解會諗到啲咁sad嘅故仔orz 如果最後ルナ係彈自己出去死,成件事會完結嘅話,嗰下絕望感真係冇咁強烈。佢而家係要永遠冇限loop,死到天荒地老。諗下都心寒… 今次呢個故事嘅絕望有少少remind我リリウム裡面最後リリー嘅嗰種絕望。唯一唔同係ルナ係帶住「今次呢個時間軸嘅ソーマ」嘅愛,同埋佢可以繼續見到ソーマ,咁諗嘅話係比リリウム好少少。但我又會諗,如果ソーマ冇打開ルナ嘅心扉,冇令佢愛過,佢會唔會冇咁痛苦。但係ルナ最後同ソーマ講多謝,我assume佢慶幸自己有愛過有被愛過。但係真係好sad… 而家蝠覺得嘅嗰種個心唔舒服嘅感覺呢… 好似嗰時睇完Stacys嘅感覺。

係,我睇完汁汁呢套舞台劇,個腦彈出嚟嗰兩套係Stacys同リリウム,就知道呢套有幾淒慘…

睇完套劇之後蝠一直都喺度諗有冇辦法可以救到ルナ… 例如唔知佢可唔可以用其他方法死呢?咁樣起碼個炸彈唔爆嘅話冇咗TR需要嘅能量,佢可能可以死最後一次唔洗永遠loop嗰一個鐘頭無限死>__< 比如消極啲如果ルナ用一啲唔洗爆嘅方法自殺,咁可唔可以了咗件事?定係佢一死個炸彈就set咗會爆?我覺得TR多幾次嘅話ソーマ會諗到其他方法試。不過可能ルナ唔想大家再死咁多次… 寧願自己一個無限死… 定係可以不斷見返ソーマ都係一種幸褔?

雖然明白ルナ大概係覺得自己有責任,想自己一個攬曬上身,同時想保護伙伴們同佢愛嘅人。但如果我係ソーマ,我會寧願拖住佢陪佢無限loop… 唔會想佢一個人承擔曬…>__< 我相信劇中嘅ソーマ都係咁諗㗎!只不過ルナ唔俾佢咁做咋>__<

至於音樂,我唔算係全部都好鍾意,但基本上都算好聽。但都有特別鍾意嘅!首《永遠に君を想う》真係好好聽,唔只係有人唱嘅部份,佢有段好長嘅intro,嗰段intro嘅鋼琴?好好聽… 同埋又睇咗套劇呢… 首歌最有feel… 歌詞好正啊… 尤其係開頭まなか嗰段…

硬く閉ざした扉の向こう(緊緊關上嘅門後面)
ヒザを抱え泣いてた私を(我攬住膝頭喺度喊)
あなたはそっと手を掴んで(係你輕輕捉住我隻手)
日の当たる場所へ連れ出してくれた(將我帶到陽光底下)

知道ルナ背境再聽到呢啲咁嘅歌詞… 完全會淚線崩壞好不好…orz

《まるで》都好正~ remind我こぶし嘅《サバイバー》嘅開頭… 嗰種一聽有點寒嘅感覺…

蝠新發現係かりん同まなか把聲好夾… 佢兩個把聲我本來都鍾意,但兩把聲一齊出嘅時候呢,唔知點解我有種まなか把聲包住咗かりん把聲嘅感覺。而本身かりん把聲好通透,所以被包住咗都好出,成個音場好smooth好靚… 聽下《運命》就知我講咩。

另外,蝠好鍾意かりんsolo嗰首《君と僕は》… 可能我渴咗かりん嘅solo好耐… 蝠係真心鍾意かりん把聲(呃,唔係淨係把聲啦!XDDDD)

好,到談個別成員。Err… 原諒我冇興趣冇乜留意嘅成員唔寫啦!

ルナ:稲場愛香

第一眼見到poster,睇size就知佢係主角嘅時候,個心閃過咗半秒:啱啱入汁汁就主角。但係佢抵做主角呀!!佢演戲嘅模式有少少似どぅーさん架我覺得,佢係全部精神全副感情都入咗個角色度。有啲表情、小動作唔係話可以有意識地演出嚟。所以佢完咗場先會崩潰,因為ルナ已經入咗細胞。之前睇演劇女子部「気絶するほど愛してる!」都已經咁覺得… 佢同ちぃ嗰個最後嘅電話,同今次ルナ對ソーマ講嘅嗰段臨別嘅說話… 都係慘到唔知點形容。佢喺台上面嘅一舉手一投足… 每一個表情… 都完完全全就係ルナ。話說一開始提過嘅感情delay… 其實已經唔係第一次發生喺まなかん相關… 我睇返自己寫嗰篇「気絶するほど愛してる」感想先知原來上次都係咁囉!睇第2次先識喊XDD

上次嘅角色同今次嘅角色咁啱都係孤兒,而ending呢,咁啱又係佢犠牲自己去成全他人… 雖然規模完全唔同,但做嘅嘢係一樣囉。但又講返,まなかん演呢類係有一手。我… 中曬囉。以會寫小說/故事嘅人嘅角度去睇,まなか係一個幾會觸發靈感嘅人,大概係佢本身都係一個好感情豐富嘅人。

今次呢個角色呢,佢係需要喺相當短嘅時間由一個對所有人都好冷酷嘅人(喺佢被刪除嘅記憶中,佢甚至係一個覺得冇生存意義,自願去做人肉炸彈嘅人…),發現自己唔孤單,再變成有血有肉有感情嘅人。我覺得佢handle得唔錯呀,一開始嗰個ルナ同最後嘅ルナ… 眼神都完全唔同曬… 重點係佢做得好smooth,順住個show睇件事好自然咁發生。但係我睇完ending睇返開頭嘅screenshot我認我嚇咗一跳!仲有呢,佢今次成件事我都真係好鍾意。由設定、背境到造型都中曬紅心。咩事啊~ 揹住個ipad(?) 走來走去會唔會太可愛呀!

美中不足嘅係,收錄呢隻DVD嘅時候佢喉嚨已經出咗問題,沙沙地咁… 唔係佢本身聲底嘅沙…(不過真係好desperate嘅話我會去聽soundtrack止咳,好少少!)。因為我本身幾鍾意佢唔用力嗰把聲,因為佢嗰把聲好有故事感。我而家聽緊soundtrack… 好入心入肺嘅歌聲啊~~!!上次「気絶するほど愛してる」佢有首歌同きしもん唱有一期我又係non-stop咁repeat。嗰時佢把聲清好多…!不過今次呢,暫時我唔敢賴汁汁整傷佢XDDD 如果佢留耐啲先出事我實話汁汁有問題XDDD 因為汁汁爛喉嚨記錄不良XDDD 不過講返正經… 佢本身都成日故障… 快啲好返呀,好想聽返佢把靚聲。

蝠覺得まなかん係而家H!P入面適合舞台嘅一群,我甚至覺得佢有どぅーさんlevel嘅天份。どぅーさん走咗之後嘅H!P我除咗かみこ之外冇特別想睇邊個演戲係因為真心覺得佢演到我覺得痛,除咗まなか。仲有我覺得佢啱舞台劇係佢講對白清楚到我聽得好舒服。上面默出嚟最後嗰段嘢… 一take KO。

雖然唔係好關今次呢套舞台劇事,但係我想講… 2年前第一次睇まなか演舞台劇,想開始deep dig嘅時候佢已經離開咗カントリー・カールズ。有種未開始就結束嘅感覺orz 今次睇完… 唔知點解即刻去睇汁汁個blog望下佢。明明知道佢喺度(因為雖然蝠唔睇汁汁,但一直都有用望遠鏡留意住佢w),但仍然忍唔住要double confirm XD 陰影嚟㗎,冇辦法XD

ソーマ:宮本佳林

公演嘅期間かりん話過佢愛上咗ソーマ,搞到我一直好有興趣知道ソーマ係點樣嘅一個人,睇過之後… 嗯,係幾可愛嘅呢個男仔ww 應該又未到天才科學家嘅地步,但知識量超豐富,少少怕醜少少內向(?) 但對學問有堅持有理想… 同埋… 講嘢激快XDD 佢後尾全力想保護自己愛嘅人嘅時候真係好正,唱《君と僕は》嗰時真係好吸引… 一個好溫柔得嚟信念好堅定嘅男仔。最可惜係保護唔到囉orz 好sad呀真係。尤其係ジン之前話ソーマ只係對學問有興趣,難得佢搵到佢愛嘅人…

hmm… 至於かりん嘅男角… 我覺得OK啦。given作為どぅーさんfans對演劇女子部嘅男角要求比較高少少。話說上面話完まなか講對白清楚,かりん呢個ソーマ又快又一執執又大段!不過絕妙之處係… 又唔會聽唔到喎!係咪好神呢!かりん,勁呀!你點做到架!XDDDDD

睇かりんblog知道佢今次呢個角色摸索咗好耐。的確今次呢個角色唔易… 世界觀又大,ソーマ嘅背景真係唔係一個20歲嘅女仔可以感受到,加上汁汁好耐冇演過舞台劇,突然演呢套係難度高㗎!不過我覺得係佢先做到呢個效果嘅ソーマ,而我好鍾意呢個ソーマ~ 所以… かりん,ありがとう!

アリサ:宮崎由加

今次演Captain嘅leader,平時蝠少留意汁汁,當中更加少留意佢。但今次睇佢做呢個角色覺得佢好有坐陣感。做得好好,個角色好適合佢!

ジン:金澤朋子

一句:好型呀大佬!!!!

エイジ:高木紗友希

我係對高木冇乜好感,但我覺得我唔係針對佢!成套劇佢啲扮到好man嘅動作都好奇怪囉好冇?好作狀呀喂… 阿姐你第幾次做舞台劇呀…

リョウ:植村あかり

個角色其實都… 幾垃圾。雖然未睇已經知佢個角色配角到一個點,但真係估唔到咁廢。but佢有一幕我好鍾意嘅係,エイジ喺度類似諷刺ルナ,リョウ企出嚟叫佢收聲我覺得好正。另外佢嗰句「エマって誰!!!」我諗返都覺得好笑。

ツグミ:段原瑠々

るるちゃん今次都叫做幾key嘅角色,我個人覺得… 收貨啦… 勉強。given佢真係成日要同まなかん做對手戲,相比之下一定蝕㗎啦冇得好講。但係第一次舞台劇… 都可以啦我覺得。

レオナ:高瀬くるみ

一句:不愧係高瀬…!!

以上!!\(^O^)/

PS. 話說雖然得兩句,但讀白係しゅうさん我好high呀!!!勁愛しゅうさん呀!!

小蝠最愛的舞台劇TOP10!2018

排開有癮XDD 更新下啲原有ranking先XDDD 排完歌曲同VOICE排舞台劇啦!上次排係2016年,呢兩年又睇多咗好多舞台劇,應該會有新勢力!上次嗰篇喺呢度。 10 – 大人の麦茶『1974(イクナヨ)』 雖然蝠比較鍾意歌劇,但呢套1974真心好睇。雖然唔鍾意岡井,但有好可愛嘅小どぅー同神眼淚なっきぃ。故事set喺昭和我又大愛,有啲feel就只有昭和有!hmm… 仲有激可愛嘅かりん喔! 9 – 演劇女子部「 モード 」 我對かみこ嘅入門劇。冇咗佢可能我仲要花多好多時間先發現到かみこ。由於個人好鍾意日本嘅昭和時代,所以H!P演劇嘅昭和時代我一般都幾鍾意。呢套MODE偶然出現嘅「無力感」我都幾鍾意,因為最後係Good end並完全解決。啲歌又勁好聽…!かみこ把聲啊啊啊啊啊~~♡ 另外むろたん嘅暖男我太鍾意♡ 唯一係我想かみこ唔戴嗰個假髮…w 8 – 演劇女子部「続・11人いる! 東の地平・西の永遠」 兩個版本之中我愛嘅係WEST版。雖然我個人覺得呢套劇嘅設定過大,但係重點係愛情、友情呢一點非常容易理解同入戲。當中どぅーさん嘅角色我覺得佢好大進步。因為越平凡嘅角色係越難演… タダ完全係一個平平無奇嘅青年… 單為咗どぅーさん都已經夠鍾意啦! 7 – 演劇女子部「ファラオの墓〜蛇王・スネフェル〜」 故事同2017年嗰套「ファラオの墓」基本一樣,只係改咗少少,有啲角色對調咗… 同埋… 冇咗どぅーさん。冇咗どぅーさん呀!!係差少少架啦… 不過ODA嘅ナイルキア無敵呀!仲有我最愛嘅ちぃちゃんアリ!!呢一點真係加好多分! 6 – 演劇女子部「ファラオの墓」 可能係どぅーさんH!P最後一套舞台劇,同埋睇咗7次現場… 加上執到13期兩隻,情意結上真係加好多分。同埋本身個故事都安排得好好~ 我都好鍾意呢套劇嘅埃及感!啲歌又超好聽!兩套ファラオの墓之中呢套舊嘅高啲嘅原因,係因為我比較鍾意サリオキス同アンケスエン呢邊嘅故事… 只係有太多嘢太sad… 5 – 演劇女子部 ミュージカル「LILIUM-リリウム 少女純潔歌劇-」 睇多咗TRUMP系列之後,LILIUM都越來越愛。因為每一個角色都有深度,每一個動作都有意思… 環環相扣呀真係!不過佢太絕望呢一點都係冇變… 所以依然係好多時都唔會想睇… 各位知唔知呀,原來竜胆同紫蘭呢…!!(閉嘴 4 – 舞台「ステーシーズ 少女再殺歌劇」 好耐好耐冇睇過啦,但係依然好欣賞呢套舞台劇。all about 美感。殘酷中嘅美(?) 3個故事之中最鍾意係りほ嗰個,但最令人思考嘅係どぅーさん嗰個。而且啊~ 有咩可愛得過當時嘅どぅーさん呢??呢套亦係我對末満健一さん嘅entry point,佢而家係我最鍾意劇作家,所以呢套舞台劇對我嘅影響係超大啊! 3 – 演劇女子部「ミュージカルTRIANGLE β」 撇開個令人心痛嘅ending唔講,當我需要可愛嘅嘢滋潤下嘅時候,TRIANGLE會有重要之選。淨係望住暖男代表アサダ已經夠high,加上激可愛嘅スワスワ牧野♡… Continue Reading

夢見るテレビジョン

今天千秋楽的《夢見るテレビジョン》。かみこ〜♡ 這次是かみこ第2次演舞台劇,今次比去年的《MODE》更主角!她一個人在台上的次數超多的(O_O) 就算不是一個人她也長期在台上。同一個舞台劇看很多次之後,蝠一般會找到「休息時間」,就是只有比較不用看的成員在台上的時候會略微閉目養神XDDD 但這一套《夢見るテレビジョン》可以說完全沒有空間讓我這樣做,生怕就算眨眼都會miss了かみこ的表情ww 啊,不只眼睛,耳朵也好忙!かみこ的獨唱也多到令人興奮,基本上整個舞台劇都圍著她走。對白和歌詞的量… 實在令蝠佩服(雖然看了8次的我都開始記得對白了w)。 OK,以下… 照舊啦… 不想知道任何劇情的blog友們就不要看下去了。 時間設定在昭和時代,1968年左右開始。那個時候彩色電視開始流行,河合花子(上國料萌衣)在電視台兼職當「Color Girl」。Color Girl的工作是坐在鏡頭前拍她用來調色,也只用來調色ww 不會on air的。雖然是兼職,但也要工作8小時。Color Girl的工作1小時就完成,空閒的時間她就在電視台做雜務。 那個年代女性找到工作已經很好的了,在職場都沒什麼發展機會,電視的幕後工作更加完全是男性的世界,但這裡卻有一位、也是唯一一位女性監製 – 池神とみ恵(和田彩花),她雖然很有實力,但卻出名無情,惡名遠播,為達到目的不擇手段,局內的男性也怕了她。因為她太可怕,幫她做事的AD都做不長,不是被她炒魷就是自己離職。 剛好又有一個AD不幹,因為一件事花子被池神看中,把她由Color Girl拉過去做AD。AD花子本來對自己的將來沒什麼夢想,但在工作過程中認識了放送作家志望的石坂長介(船木結)、演員志望的星みちる(川村文乃)和想成為世界級化妝師的新田千代(笠原桃奈),在他們和電視的繽紛世界的影響下,花子有了想成為導演的夢想,並積極在工餘時間和長介一起寫計劃書,希望有一天擁有自己製作的電視節目。 兩年過去,花子做AD的節目要更新,贊助商即食麵公司社長福富一豊(須藤茉麻)嫌新節目不夠創新,走到電視台商談。這個時候剛好聽到的花子向社長介紹了她的計劃書「3 Minutes Show」,一個每一個環節都是3分鐘內完成的綜藝節目。社長看了計劃書之後非常喜歡並即時採用,社長更要求讓花子當導演。正當花子以為自己的夢想快要成真的時候,明明沒有毛病的她被公司強制入院,令她失去做導演的機會。而那個在後面做小動作的,正是監製的池神。 心灰意冷的花子打算辭職的時候,製作部長早乙女邦彦給了花子一個大機會 – 讓她在3 Minutes Show裡的其中一個環節做導演。 可是在這個男性主導的世界,一個年輕女生導演的指示根本沒人理會。花子更因為演出指示惹怒了大明星橋場剣一郎(佐々木莉佳子),他要求池神辭退花子,不然就不會再出演她們的任何節目。池神想都不想就選擇了橋場,立即把花子辭退。 不想放棄夢想的花子在翌日向橋場土下座,求他給她多一次機會。剛好高傲的橋場知道自己的人氣大不如前,而且年輕人都不喜歡他,於是他決定收回要花子辭職的決定,還說只要她可以令他在年輕層恢復人氣,他會聽她的指示。 再兩年過去,3 Minutes Show的人氣漸漸滑落。當節目的收視率跌到9.7%的時候,公司打算更新節目並把池神調走。早乙女部長叫花子計劃後續的節目,但花子知道池神對製作的執著,如果把她調出製作組,對她的打擊將會太大。於是她沒有計劃新節目,反而在研究挽救3 Minutes Show的辦法,而她得出的結論是來一集3 Minutes Show的現場直播。 可惜她的提意被全面否決,正當她準備放棄的時候,節目的錄影因為人為錯誤被洗掉,令翌日不得不做現場直播。因為花子之前提意過,所以導演一責就落在她身上。 現場直播節目中,time keeper的花子出錯(因為太緊張所以太大力抓住stopwatch抓到它壞掉ww)令最後的唱歌部分中斷ww 因為這個嚴重的放送事故,翌日花子就寫了辭職信。 然而,那「放送事故」不僅令最後被中斷的那首歌人氣大增,節目的收視率更暴升到38.8%!花子令3 Minutes Show翻生,當然不用辭職\(^o^)/ 啦啦啦大團圓結局! かみちゃん的表現!120分!(喂ww 不過真的!真的真心對她的表現很滿意。因為我看了超過一次,而且非常之留意她的一舉一動一字一句,所以她有沒有錯漏我很有信心聽得看得出來,而她真的除了一句對白有過出入之外,其餘都完美!而她的那句對白那句是對那句是錯我也分不出來ww 因為好像天天隨她的心情順口變動的ww 啊,有一次船木那句錯了她都對應到。那個加入初期不斷忘記歌詞的かみこ第二次演舞台劇這個表現,蝠個人覺得沒有挑剔的部份。 上面也提過她要唱很多歌曲,蝠再一次確認自己真的極度喜歡かみこ的歌聲(都第幾次重新確認了ww)。清!靚!響!真的唱得好好>__< 好好聽啊~ 本身她聲底靚,這兩年練過歌之後發揮得更自如了。那個誰啊快點給我完整OST呀! 這次坐的位置有近有遠,近的時候真的好近>_> 近到かみこ太兜口兜面我不敢望她ww 演唱會握手會簽名會那些雖然我都去過,也有近距離的接觸,但舞台劇的那種近感覺很不同。握手會簽名會那種one… Continue Reading

舞台「JKニンジャガールズ」

這個舞台劇我捕了很久啦\(^o^)/ 一直在等DVD,之前連個發售日也未有orz 心想… 還要等幾耐呀!!但這個世界就是有奇蹟♡ 6月尾BSスカパー!居然播!居然播!居播播!我幾乎向BSスカパー!様跪安!真的很感謝♡ 當然現在已經DVD都出了啦,那隻有點無謂的DVD XDD 其實看之前看到不少劣評的,雖然我很偏心成員,但戲劇不好看的我還是會覺得不好看XD 所以其實有點擔心…(^^;;; 不過我看了之後反而不明白為什麼那麼多人覺得不好看… 因為即使撇除偏心,我還是相當喜歡這套舞台劇呢! JK忍者Girls分別是: 能幹認真的Leader石川ラブリ 文學少女服部ココア 為食的百地イブ 廢柴笨蛋霧隠ノエル 她們都是古代忍者的後裔,其中名氣最大的是霧隠ノエル的先祖,但ノエル本身就又鈍又蠢,文不行武也不行讀書也不行。其他三個倒是很有能力。 浪花忍者Girls也是4個,她們是: 差少少的杉谷アカネ 半桶水的篠山ミサ 不太掂的山岡アリス 唯一掂檔的猿飛ノゾミ 故事很簡單,就是守護東京的4位「JK忍者Girls」收到消息說大阪那邊的忍者協會造返,並派出「浪花忍者Girls」侵略東京,將會用忍術令東京鐵塔消失。消息指浪花忍者Girls已經來了東京準備,所以JK忍者Girls的Boss就派她們轉校到浪花忍者潛在的女校,要她們找出誰是浪花忍者Girls並阻止她們的計劃。 はまちゃん演的ノエル是個太可愛的笨蛋… 這種小孩真的太可愛到受不了♡ 因為她的單純,明明應該是對敵但她就和れいれい飾演的猿飛ノゾミ卻成為朋友,令ノゾミ開始猶疑自己的任務。ノエル也為了不傷害ノゾミ打算退出JK忍者Girls,還和ノゾミ約好雙方一起退出。 浪花忍者Girls之所以可以令東京鐵塔消失是因為ノゾミ懂得「消滅之術」,剛好廢柴的ノエル唯一擅長的也是「消滅之術」。回去退會的ノゾミ被伙伴要求先把東京鐵塔消滅,不然她們就去綁架ノエル逼她做。為了保護ノエル,ノゾミ只好違背和ノエル的承諾。 月圓之夜是忍者能力最強的一天,當晚ノゾミ和她的其他浪花忍者Girls在消滅東京鐵塔的時候,JK忍者Girls到來阻止。這個時候ノエル展出了「召回之術」,對ノゾミ說她不會讓她犯罪,ノゾミ把東京鐵塔消滅,她就會把它召回。 就在她們開始對戰之際,浪花忍者Girls的教官突然出現阻止,並化身JK忍者Girls的Boss。原來教官和Boss是同一人物,她和浪花忍者Girls去和JK忍者Girls對戰全因為浪花忍者Girls的4人是JK忍者Girls的候補生,想試一試她們的能力和團結力。 最後當然是成功成為JK忍者Girls啦! 設定是有點天馬行空,故事也很簡單,但我個人就覺得好好看… 簡單直接也可以好感動好好看。劇中曲也好好聽!其中はまちゃん的《あたまわるくて霧隠れず》超可愛!JK忍者Girls 4個唱的《アイアムニンジャガールズ》我最喜歡了呢!最後大合唱《辛夷の花》我超感動♡ 我真的好喜歡こぶしファクトリー啊orz Continue Reading

サリオキス

再談「ファラオの墓」。 主角的サリオキス王子在「太陽の神殿編」由工藤さん飾演,而在「砂漠の月編」則由ODA飾演。我在上一篇劇透提過,我比較喜歡太陽の神殿編也就是工藤さん演的サリオキス。但這不是因為工藤さん是蝠的少爺,而是兩位サリオキス的感覺。 雖然是同一個角色,同一樣的故事,同一句對白,同一段歌詞,但兩個サリオキス感覺真的很不同。 工藤さん版的サリオキス好溫柔的喔…!決心很強但同事散發著無限的溫柔,雖然身處非常嚴峻的狀況,但他依然給我「everything under control」的感覺… 很有小國王子親民沒架子的風範。除了對スネフェル之外,他幾乎對所有人都很有心量。上一篇我說工藤さん演的スネフェル有點樣ファルス,サリオキス其實有點アサダ…。 ODA的反而給我一點緊張感,而且比較”硬淨”,對人總覺得有點距離。ODA演男生始終有種在演的感覺,而工藤さん就很自然♡ 說到唱歌無疑是ODA比較令人安心安樂,但again,工藤さん的感情移入真的令我很心寒(好的那種),悲慘的時候可以唱到人很心酸>__< 看了或不怕劇透的人去聽一下OST的第3首歌《愛さえあれば》… 嗚>__< 工藤さん + 譜久村さん的歌聲會聽到痛! 喂,所以幾時出DVD… 我和包包都好掛住イザイ… 同パビ♡ Continue Reading

演劇女子部「ファラオの墓」太陽の神殿編/砂漠の月編

趁我還記得要快點寫ww 今次堅持要看初日的蝠6/2準時(其實有點遲到w)到達池袋サンシャインシ劇場。以前幾次都不是看初日,明知她們已經開始演我還在光等的感覺太差,所以今次點都要第一手ww 這次的「ファラオの墓」故事上事前我其實沒有多大興趣。應該說,我好像預設了有原著的東西都沒有仆倒去看的衝動,但我同時亦知道我一定會愛上,所以雖然情緒上沒有跟隨,但MM主演的演劇女子部我還是會去看的。 ※以下有劇透,想完全空白看的blog友別往下看喔!嗱,已經警告了啦!ww ※因為片假名太多怕不熟日語的blog友會爆腦w 所以名字的部份我用了演出成員的member color。這是「太陽の神殿編」的配色~ 基本上故事一樣的我就不分開寫了。 故事其實完全不複雜,我之前白擔心了XDD 故事的舞台設在4000年前的埃及,小國「エステーリア」被大國「ウルジナ」殲滅,エステーリア的國王和皇后被殺,遺下一對兄妹 – サリオキス王子和ナイルキア王女。兩人分別跳河逃亡失散,サリオキス王子被奴隷的人撿起,隱藏身份在石切場做奴隷,並等待機會重新復興自己國家,而ナイルキア王女就被ウルジナ國的好大臣救了,為了自保她假裝失憶,並成為大臣的養女。 以上是故事背景,接下來就這舞台劇的主要故事線。 壞大臣的女兒アンケスエン是ウルジナ國王スネフェル的未婚妻 – 但他們兩人對對方都沒有愛(但他們是青梅竹馬)。有一次スネフェル到奴隷場的時候サリオキス因為襲擊他而被拿了回國宮(當時國王不知道他是小國的王子),在那裡遇上了アンケスエン,兩人一見鍾情。 這個時候奴隷層傳出了サリオキス王子未死的消息,為了令奴隷們失去希望,スネフェル決定要把他殺死。當日救了サリオキス王子並知道他真正身份的ユタ聯同奴隷頭イザイ搞了一場大龍鳯,欺騙國王スネフェル(和全世界)說サリオキス王子已死。 ナイルキア王女搌轉到了壞大臣女兒アンケスエン身邊做侍女,當她知道(以為)哥哥サリオキス王子被殺之後打算自殺,被路過(?) 的國王スネフェル阻止了。ナイルキア王女告訴國王她唯一的親人死了,她現在變成孤單一人了。聽了她的故事,國王スネフェル也道出他從來沒有被愛過的身世… 兩人也在不知道雙方真正身份下墜入愛河。 另一邊廂,サリオキス王子集合了被スネフェル滅國而成為奴隷的人們造反,步步進軍皇宮,誓要報仇復國。雖然他已經知道アンケスエン是國王的未婚妻,但還是對她念念不忘,為了見她,サリオキス潛入大臣家,並巧合地重遇在那裡做侍女的妹妹ナイルキア。當知道哥哥目標是要殺スネフェル,她選擇了不跟哥哥走,留在大臣的家。 後來サリオキス知道了妹妹愛上了敵人スネフェル國王,他不但沒有反對,反而覺得ナイルキア真心愛上スネフェル的話,或許スネフェル並不是外人認為的那樣壞(←頂你心地也太好了吧王子殿下orz)。此時アンケスエン提出了和平解決的方法,サリオキス表示可以考慮,於是アンケスエン就打算去說服スネフェル。 知道國王スネフェル將會娶ナイルキア而不是自己女兒アンケスエン的壞大臣,擔心自己的壞計劃受影響,決定陷害ナイルキア說她和敵國串通,並要將她處決。スネフェル質問她的時候,身為エステーリア王女的ナイルキア沒辦法否認,最後スネフェル把她親手處決(但這是因為愛她,不想她被其他人傷害)。 不過壞大匪都還未收手,想KO埋サリオキス王子,他用女兒アンケスエン之名把他騙過來,幸好他的伙伴醒目跟過去救了他。他在那個時候知道妹妹被スネフェル殺了,誓要殺了他報仇。 第一次被愛的スネフェル失去了最愛的人,基本上已經在自暴自棄。サリオキス王子打到來他就隨便應戰,不過スネフェル本來就是很好戰的人,完全不輸給サリオキス… 直到ナイルキア的幻象(?) 出現,スネフェル棄劍,サリオキス想殺他的時候… アンケスエン用身體為スネフェル擋,自己則被最愛的サリオキス王子刺死… 臨死之前她把ナイルキア的遺書交給サリオキス,遺書裡寫著她看見自己最喜歡的哥哥和最自最愛的人互相殘殺心好痛,她希望他們不再仇恨,回復和平。 故事就到這裡,最後兼任旁述ユタ把之後的事簡單交代了一下:サリオキス之後統一了埃及成為法老王,埃及因為他有了短暫的和平。但在他死後被放進ファラオの墓(法老王之墓)之後,埃及又再一次踏進了亂世…。 居然給我Bad End >__< 不要說在劇場我哭到幾乎斷氣,我打著這個blog都打到哭了>__< 嗚>__< 心好痛>__< 直到最後サリオキス刺死アンケスエン之前我都在默默期待Good End呢>__< 雖然我不是不喜歡Bad End,但真的好傷感… 老實說這個故事真的Bad End比較震撼,但真的好心痛>__< 尤其是最後サリオキス抱著已死的アンケスエン… 故事雖然規模大但很易懂,也因此很容易感情移入,不然我應該不會哭到狗一像>_> 兩編之中我比較喜歡「太陽の神殿編」,絕對不是因為先入為主,而是根本明顯地「太陽の神殿編」比「砂漠の月編」適合太多!甚至應該說是合理多了!呃,這次不是全角色double cast,只有三個角色是:サリオキス王子、スネフェル国王和奴隷的サライ,而rotate的成員也是工藤さん、あゅみん和ODA! 三個角色之中,サリオキス是主角、スネフェル是敵對,而サライ就只是配角中的其中一人。 不是說ODA演サリオキス演得不好,但少爺真的好太多了,只能說她很適合演這類男生。同時スネフェルあゅみん也比少爺演得好,主要是あゅみん有種霸氣,有一幕スネフェル有點狂氣地走下樓梯,我第一次看的時候整個嚇了一嚇,あゅみん好恐怖啊(T__T) 好驚啊(T__T) 她可以演到我驚她… 那個表演我應該短期內都不會忘記>__< 少爺演的時候這種氣場就比較弱了,我明白スネフェル也可以是這樣,只是我比較喜歡あゅみん的スネフェル。然後ODA演サライ又比あゅみん演得好很多… 這個狀態… 純屬個人意見但月編完全沒有贏的部份…。呃,maybe除了ODA的歌聲!ODA演サライ的話完全沒有歌唱的發揮,我覺得勁浪費囉…! 不過工藤さん版的スネフェル很多幕都令我想起2014年舞台劇的ファルス…… Continue Reading

演劇女子部「ファラオの墓」

MM’17今年的舞台劇,今日開始囉~!這大概也是工藤さん最後一次的演劇女子部。 這次的「ファラオの墓」也是有漫畫原著的故事。不是不滿但我很好奇為什麼MM近年的舞台劇都有原著,估計是故意的吧?把「大製作」都留給MM。 不過大作亦意味著比較難理解… 究竟我在不看原著的前題下能不能夠理解今年的故事呢?拭目以待。 今年BS-TBS也有練習的狀況報導~ 聽說這次很多殺陣,全員由都要由基本練起以免受傷。練過劍道的かえでぃ比其他成員都快上手。 好型… 蝠好期待かえでぃ的演出啊! 不過主角的工藤さん當然都不差喔。雖然說人有點弱w 但練下練下都開始有個譜了! 又再一次double cast都是主角,這次還要兩個主角是敵對… 小子你會不會精神分裂ww 今次舞台劇的另一個看點是野中的現場樹琴!!Wow… 不過蝠還是注目13期♡ 比起來看期的初舞台,我覺得13期的初舞台有令我期待的水準。正如尾形所說,13期對前輩比她們當年少顧忌… 而且横山好可愛…♡ 截到一張可愛的はーちん~ 殺陣很型的生田加有武術底子的かえでぃ… 這兩個人的殺陣一定超正! 嘛嘛~ 我對你也有期待喔,工藤さん! 兩編之中,我個人是對工藤さん演スネフェル的砂漠の月編比較期待。不知道看過兩者之後感覺會不會改變呢?(後記:原來我一直都搞錯了。我期待的是太陽の神殿編… 證明我真的對這個故事零concept XDD) 工藤さん、See you soon! Continue Reading